Spıkerlerdiń aıtýynsha quqyq buzýshylyqtyń aldyn alý maqsatynda bilim berý uıymdaryna «mektep» polısııa ınspektorlaryn bekitý boıynsha jumys júrgizilgen. Olardyń shtattyq sany 2 myńnan asqan. Búginde «mektep» polıseıleri oqýshylar men olardyń ata-analarymen quqyq túsindirý jumystaryn júrgizip, moraldyq ahýaldy zerttep, kámeletke tolmaǵandar arasyndaǵy janjaldardy oqshaýlaý boıynsha sharalar qabyldaıdy.
Mektep ınnspektorlary jyl saıyn oqýdan qashqan, ata-analary olarǵa tıisti tárbıe men oqytýdy qamtamasyz etpeıtin 1,5 myńnan astam jasóspirimdi anyqtaǵan. Nátıjesinde, sońǵy alty jylda jasóspirimder qylmysynyń jyl saıyn ortasha eseppen 6 % - ǵa tómendegen.
«Eger 2013 jyly kámeletke tolmaǵandar 4 275 qylmys jasasa, 2018 jyly bul kórsetkish úshten birge, 2 939 qylmysqa deıin tómendedi. Bıylǵy jyldyń 8 aıynyń qorytyndysy boıynsha jasóspirimder jasaǵan quqyq buzýshylyqtar 9 %-dy qurady, onyń ishinde oqýshylar 2 %-ǵa azaıdy»,- dedi Ishki ister mınıstriniń birinshi orynbasary Marat Qojaev.
