Aımaqtar • 12 Qyrkúıek, 2019

«Open akimat» ashylýy: A. Kólginov jáne A. Shpekbaev azamattardy jeke qabyldady

18 ret kórsetildi

Esil aýdanynyń ákimdiginde elorda ákimi A. Kólginov pen Sybaılas jemqorlyqqa qarsy is-qımyl agenttiginiń tóraǵasy A. Shpekbaevtyń qatysýymen Open Akimat ashyldy. Bul týraly qala ákimdiginiń resmı saıty habarlady.

Memleket basshysy ulttyq qoǵamdyq senim keńesi otyrysynda basqarý mádenıetiniń jańa standarttaryna kóshý qajettigin atap ótken bolatyn. 

«Open ákimdik» jergilikti bılikke turǵyndarǵa servıstik qyzmet kórsetýge múmkindik beredi, halyq pen memlekettik qyzmetkerler arasyndaǵy baılanysty jaqsarta túsedi», - dedi Qasym-Jomart Toqaev.

Máselen, Open akimat turǵyndarǵa  «bir tereze»qaǵıdaty boıynsha qyzmet kórsetetin bolady. Azamattar turǵyn úı qurylys jınaq banki, turǵyn úı qory, jumyspen qamtý ortalyǵy, qazposhta jáne aýdan ákimdigi qyzmetkerleriniń kómegine jáne keńesine júgine alady.

«Turǵyndar jeke kelip, qyzmetkerlerden kókeıde júrgen saýaldaryna jaýap alǵylary keledi. Barlyǵy ashyq túrde jasalynǵan. Mysaly, balabaqshaǵa, turǵyn úıge kezekte turǵan azamattar óz kezegin kútip, zańdy túrde bala baqshaǵa balasyn berip, ne úı ıesi bola alady. Barlyǵy tek zańdy qatań túrde saqtaý aıasynda oryndalmaqshy. Basqa esh shema joq», - dedi A. Kólginov.

Sonymen qatar, zalda azamattardy qabyldaý boıynsha arnaıy kabınetter jáne azamattyq hal aktilerin tirkeý bólimi (nekeni tirkeý, bala asyrap alý, neke buzý prosesteri jáne t.b.) bar. A. Kólginov pen A. Shpekbaev Open akimat bazasynda azamattardy qabyldap, olardyń  máselelerin jeke baqylaýǵa aldy. Sondaı-aq, zalda balalar buryshy, kitaphana jáne ózine-ózi qyzmet kórsetý aımaǵy jabdyqtalǵan.

Open Akimat «Astana - adaldyq alańy» jobasy aıasynda júzege asyrylýda. Turǵyndardy qabyldaý qalalyq jáne aýdandyq ákimdikterde, «Januıa»otbasy ınstıtýtyn qoldaý ortalyǵynda júıeli túrde júrgiziledi.

Sońǵy jańalyqtar

Uıysa bilsek, urlyq tyıylady

Aımaqtar • Keshe

Eýro taǵy qymbattady

Ekonomıka • Keshe

Báıterekte órt shyqty

Aımaqtar • Keshe

Uqsas jańalyqtar