12 Qyrkúıek, 2019

Memleket basshysy Qytaı Kompartııasynyń Chjeszıan provınsııasyndaǵy hatshysy Che Szıýnmen kezdesti

105 retkórsetildi

Qasym-Jomart Toqaev qonaqjaılyq kórsetkeni úshin Chjeszıan provınsııasynyń basshysyna rızashylyq bildirip, Qytaı Halyq Respýblıkasynyń qarqyndy damyp kele jatqanyn aıtty. Bul týraly Aqorda habarlady. 

Qazaqstan Prezıdenti eki el arasyndaǵy qatynastar strategııalyq seriktestiktiń jańa deńgeıine kóterilgenin atap ótip, osy memlekettik sapar barysynda qol jetkizilgen ýaǵdalastyqtar ózara áriptestikke tyń serpin beretinin aıtty.  

– Máńgilik strategııalyq seriktestigimiz, shyn máninde, ózara yntymaqtastyqtyń kóptegen salalaryn qamtıdy. Tuńǵysh Prezıdentimiz Nursultan Nazarbaev pen Qytaı basshylary negizin qalaǵan isti jalǵastyramyz. Biz ekonomıka, saıasat jáne óńirlik qaýipsizdik, sondaı-aq mádenı-gýmanıtarlyq salalarda yntymaqtastyq ornatamyz, – dedi Qasym-Jomart Toqaev.

Memleket basshysy Qytaıdyń sıfrlyq ekonomıkany damytý  salasynda orasan zor jetistikke jetkenine toqtalyp,  osy saladaǵy máselelerdi talqylaý úshin Chjeszıan provınsııasyna arnaıy at basyn burǵanyn aıtty.

– Hanchjoý – Qytaı mádenıetiniń besigi. Bul qala álemdegi joǵary tehnologııalar ortalyǵy bolyp tabylady. Munda osy sala boıynsha iri kompanııalar jumys isteıdi. Sonymen qatar bul qalada kezinde Qytaı Tóraǵasy Sı Szınpın jumys istep, óziniń eń tabysty ıdeıalaryn júzege asyrǵan. Qala kórikti jáne tabysty ári qarqyndy damýda, – dedi Memleket basshysy.  

Che Szıýn Qasym-Jomart Toqaevqa ekonomıkanyń túrli salalary boıynsha Qazaqstanmen tyǵyz yntymaqtastyq jáne mádenı yqpaldastyq ornatýǵa daıyn ekenin aıtty.  

Sońǵy jańalyqtar

Tarıhta qalǵan indetter

Tarıh • Búgin, 00:40

Ulttyq kınodaǵy karantın

Aımaqtar • Keshe

Uqsas jańalyqtar