Front-keńseniń ashylý saltanatyna Qaraǵandy oblystyq sotynyń tóraǵasy Nurserik Sháripov, Balqash qalasynyń ákimi Oraz Táýirbekov, Sot ákimshisiniń orynbasary Maqsat Isın, prokýrorlar, advokattar, medıatorlar jáne Bıler keńesiniń músheleri qatysty.
- Jańa jumys formatyn engizý azamattardyń sot júıesine degen senim deńgeıin arttyrýǵa, sotqa júginý kezinde ákimshilik kedergilerdi joıýǵa múmkindik beredi. Basty maqsat - sot qyzmetiniń ashyqtyǵy men móldirligin qamtamasyz etip, azamattardy qabyldaý boıynsha qolaıly jaǵdaı jasaý,- dep atap ótti Nurserik Sháripov.
Front-keńse aqparattyq ortalyqty, kútý zalyn, kiris hat-habarlar men ózine-ózi qyzmet kórsetý aımaǵyn, azamattyq isterdi qaraýǵa arnalǵan sot otyrysy zalyn qamtıdy. Bul jerde medıatorlar men advokattarǵa arnalǵan jeke kabınetter bólingen.
О́zine-ózi qyzmet kórsetý sektorynda azamattar «Sot kabıneti» AJ qyzmetin erkin paıdalana alady. Sonymen qatar WI-FI ótkizilip, gadjetter úshin zarıadtaý qurylǵylary ornatylǵan.
Jańa front-keńsede oblystyq sot tóraǵasy azamattardy qabyldady. Osyndaı front-keńseler Qaraǵandy, Shahtınsk, Abaı, Osakarov aýdanynyń sottarynda jumys isteıdi. Oblysta olardyń jelisi áli de ulǵaıady.
