Aımaqtar • 13 Qyrkúıek, 2019

Almatyda Ýnıversıtetterdiń jahandyq sammıti ótedi

40 ret kórsetildi

Aldaǵy kúnderi álemniń ár shalǵaıyndaǵy ýnıversıtetterdiń beldi ókilderi Qazaq jerinde toǵysady. 18-19 qyrkúıekke belgilengen jahandyq sammıt elimizdiń jetekshi joǵary oqý orny ál-Farabı atyndaǵy Qazaq Ulttyq ýnıversıtetinde ótedi. Bul shara eń aldymen «Rýhanı jańǵyrý» memlekettik baǵdarlamasynyń maqsattaryn iske asyrýǵa, otandyq joǵary bilim berý júıesiniń básekege qabilettiligin arttyrýǵa jáne bilim berý qyzmetterin eksporttaýǵa baǵyttalǵan.

Atalǵan forým ǵylym men joǵary bilim berý salasyndaǵy ozyq tájirıbelermen almasý jáne taratýda álemdegi biregeı jáne iri platforma bolyp tabylady.

Bıyl QazUÝ «World University Rankings» QS dúnıejúzilik tanylǵan jáne bedeldi halyqaralyq reıtıngte Ortalyq Azııa joǵary oqý oryndary arasynan jalǵyz bolyp álemniń úzdik JOO-larynyń qataryna enip, 207 orynǵa ıe boldy.

Oraıy kelip turǵanda, QazUÝ álemniń 130-dan astam jetekshi joǵary oqý oryndaryn biriktiretin Jibek joly ýnıversıtetteri Alıansynyń teń quryltaıshysy bola otyryp, birqatar iri jobalardy iske asyryp otyrǵanyn atap ótken jón. Onyń ishinde halyqaralyq IT-tehnoparkin qurý boıynsha belsendi jumys atqaryp keledi. Sondyqtan QazUÝ-da osy bedeldi halyqaralyq uıymnyń Bas Assambleıasynyń otyrysyn ótkizý zańdy. Forýmda joǵary bilim berý salasyndaǵy kollaborasııa men ıntegrasııa, birlesken ǵylymı-bilim berý jáne mádenı-gýmanıtarlyq jobalardy júzege asyrý jáne ózara is-qımyldyń basqa da baǵyttary talqylanady.

Sondaı-aq, BUU-nyń «Akademııalyq yqpal» baǵdarlamasynyń Turaqty damý boıynsha Jahandyq Habyn qatarynan úshinshi ret basqaryp otyrǵan QazUÝ jańa býyn JOO-nyń Ýnıversıtet 4.0 modelin ázirlegen. Ol «Al-Farabi University Smart City» tujyrymdamasynyń negizinde júzege asyp otyr.  

Buǵan qosa, QR Tuńǵysh Prezıdenti – Elbasy Qory, QazUÝ jáne G-Global Halyqaralyq Hatshylyǵy uıymdastyratyn «Turaqty damý maqsattaryn iske asyrýdaǵy jastardyń róli-2030» jahandyq kongresi mańyzdy is-shara bolmaq.

Joǵary halyqaralyq deńgeıdegi is-sharalar barlyq qurylyqtan 400-den astam aldyńǵy qatarly joǵary oqý oryndarynyń basshylaryn, memlekettik qurylymdar men bıznes ókilderin, belgili ǵalymdardy, sarapshylar men akademııalyq toptar kóshbasshylaryn jınaıtynyn atap ótken jón. Olar bilim, ǵylym, ozyq tehnologııalar men rýhanı qundylyqtardy ıntegrasııalaý aıasynda Ýnıversıtetterdiń bolashaq damýynyń jańa modelin talqylaýǵa jáne ázirleýge qatysady.

Forýmdar baǵdarlamasy óte mazmundy, munda plenarlyq otyrystar, paneldik pikirtalastar, iskerlik kezdesýler men yntymaqtastyq týraly memorandýmdarǵa qol qoıý, álemniń jetekshi joǵary oqý oryndarynyń jetistikteri kórmesi ótedi.

 

ALMATY

Sońǵy jańalyqtar

Qazaqstanda dollar qymbattady

Ekonomıka • Keshe

Uqsas jańalyqtar