14 Qyrkúıek, 2019

Almaty jurty jýrnalıstıka abyzy Ábilfaıyz Ydyrysovpen qoshtasty 

442 retkórsetildi

Búgin Almaty jurty, jýrnalıster men jazýshylar Ábilfaıyz Ydyrysovty sońǵy saparǵa shyǵaryp saldy.

Almaty qalasynyń ákimi Baqytjan Saǵyntaev  Qazaqstan Prezıdenti Qasym-Jomart Toqaevtyń qalam ustap júrgen qazaq jýrnalısteriniń uly ustazynyń artynda qalǵan uly Erlan Ábilfaıyzulynyń atyna joldaǵan kóńil aıtý hatyn oqyp berdi.

«Ardaqty ákeńiz, pedagog-ǵalym Ábilfaıyz Ydyrysulynyń dúnıeden ótýine baılanysty aýyr qaıǵyńyzǵa ortaqtasyp kóńil aıtamyn. Halqymyzǵa tanymal jazýshy, Qazaqstannyń eńbek sińirgen qaıratkeri Ábilfaıyz Ydyrysovtyń qazaq jýrnalıstıkasynyń damýyna qosqan úlesi mol. Marqumnyń ımany salamat, jany jánnata bolsyn. Áýletterińizge aldaǵy ýaqytta amandyq pen jaqsylyqtar tileımin» degen Memleket basshysy kóńil aıtý jedel hatynda.

Odan keıin sóz alǵan senator Muhtar Qul-Muhamed Qazaqstanda jumys istep júrgen jýrnalısterdiń bári derlik Ábilfaıyz aǵany qurmet tutatynyn, óziniń de uly ustazdyń aldyn kórip, tárbıesin alǵan shákirti ekenin eske salyp ótti.

«Ábilfaıyz aǵa osydan 25 jyl buryn aýyr dertke shaldyqty. «O dúnıeden ótip ketkenim artyq edi» degen aýyr sózdi óz aýzynan estigenmin. Zarıa jeńgemiz Ábekeńdi balasyndaı kútti, mahabbatymen aıaǵynan tik turǵyzdy. Uly ustazymyz mahabbattyń,  qalamnyń qudiretine súıendi. Sol qalam Ábekeńe 30 jyl ómir syılady. "Tańsholpan" atty romandar serııasyn dúnıege ákeldi. Ony Oljas aǵa orys tiline aýdardy» dedi  Muhtar Qulmuhamed. 

Al qazaqtyń uly aqyny Oljas Súleımenov  kishi dosy, marqumnyń uly Erlan Ydyrysovqa kóńil aıta otyryp «seniń boıyńdaǵy eń jaqsy qasıet – ata-anańnan aýysty. Endi sen ákeńniń ómiriniń jalǵasysyń. О́mir bolsa, aldaǵy ýaqytta ákeń týraly mindetti túrde jazamyn. Berik bol!» dep lebizin bildirdi.

Ábilfaıyz Ydyrysuly – zer­deli zertteýshi, úlken ǵalym. Jas ulǵaıǵan shaqta qolǵa qalam alyp, kórkem prozaǵa kirisý ekiniń biriniń júregi daýalamaıtyn is. Ondaı júrekti qalamger tek qazaqta emes, álem ádebıetinde de saýsaqpen sanarlyq.

Jasy alpystan asqan soń, kórkem shyǵarma jazýǵa otyryp, tórt ki­tapty «Tańsholpan» romanyn dú­nıe­ge ákeldi.  Bul, bir sózben aıt­qanda, ómirdi shyn súıýdi hám mól­dir mahabbatty jyrlaǵan shyǵarma. Muny árbir jas óte súıip oqıtyny da sodan. Ábekeń­niń aqyl toqtatqan jasta ózi asa qurmetteıtin M. Áýe­zov tý­ra­ly «Áýezovke ińkárlik» de­gen ǵy­lymı-esse kitabyn jazǵany da úlken er­lik.

Á.Ydy­rysovtyń «Adamzat má­denıetiniń órkeni», «Qaraqaı­lyny bılegen qazaqtar», «Qazaq­tyń at­ta­ry beımálim patshalary, baspa­gerleri», «Skun kasak-kósem qa­zaq», «Tereń tarıhtyń óshpes izi», «Ahań men «Qazaq» gazeti jaıly aqıqat» sııaqty zertteýlerin ataýǵa bolady.

Ábilfaıyz aǵa kózi tirisinde aınalasyndaǵylarǵa kisilik degen ómir formýlasynyń sheshimin óz bolmysy arqyly tanytyp ketti.   Ol – ustaz, ol - áke. Ol – jaqsy jar. Ult aqsaqaly, jýrnalıstıkanyń abyzy, tipti máńgilik mahabbattyń abyzy  deńgeıine jetti.

Ábilfaıyz Ydyrysov búgin Keńsaı-2 qorymynda, Tańsholpany atanyp ketken jan-jary Zarııa jeńgemizdiń qasyna jerlendi.

Aǵaıdyń aldyn kórgen shákirtteriniń bárinde kózi tirisinde óziń áli bala sezinetindeı bir kóńil bolatyn. Dáýren ótti. 

Keshegi uly Muhań – Muhtar Áýezovtiń kózin kórgen, Taýman Amandosovtyń ózi «Altaı» dep erkeletken, Temirbek Qojakeevtiń úzeńgiles dosy bolǵan nar tulǵa dúnıeden ótip, ómirlik jary, ómiriniń mýzasy, Qyz-Jibegi – Zarıa jeńgemizdiń rýhymen qaıta tabysty. 

Qosh bolyńyz, Ustaz!    

 

ALMATY

Sońǵy jańalyqtar

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Eń qysqa áńgime. Saılaý Tóleý

Eń qysqa áńgime • Keshe

Eń qysqa áńgime. Erbol Boranshy

Eń qysqa áńgime • Keshe

Eń qysqa áńgime. Kúlaına Orazbekqyzy

Eń qysqa áńgime • Keshe

Eń qysqa áńgime. Qurmanǵazy Jumaǵul

Eń qysqa áńgime • Keshe

Eń qysqa áńgime. Qurmanjan Qasymjanuly

Eń qysqa áńgime • Keshe

Eń qysqa áńgime. Nurlan Qabdaı

Eń qysqa áńgime • Keshe

Dáýir belesiniń avtory

Ádebıet • Keshe

Minez jumbaqtyǵy

Ádebıet • Keshe

Áýezovtiń jalǵasy

Ádebıet • Keshe

Ǵasyr epopeıasy

Rýhanııat • Keshe

Til tirligi – tilge muqtajdyqta

Rýhanııat • Keshe

Talastan shyqqan dıplomat

Rýhanııat • Keshe

О́risi keń, óreli

Rýhanııat • Keshe

Hat qorjyn (22.10.2019)

Rýhanııat • Keshe

Uqsas jańalyqtar