Saıasat • 15 Qyrkúıek, 2019

Kell Bondevık: Men úshin Qasym-Jomart Toqaevtyń reformalary asa perspektıvti

25 retkórsetildi

Qazaqstannyń Elshisi Erkin Ahynjanov Norvegııanyń burynǵy Premer-Mınıstri, qazirgi ýaqytta Oslo Ortalyǵynyń atqarýshy tóraǵasy Kell Bondevıkpen izettilik kezdesti. Bul týraly Syrtqy ister mınstrliginiń baspasóz qyzmeti habarlady.

K. Bondevık Qazaqstanǵa resmı saparmen (2004 jyldyń mamyrynda) kelgen Norvegııanyń alǵashqy premer-mınıstri bolyp sanalady. Ári ol 2009 jyly Álemdik jáne dástúrli dinder kóshbasshylarynyń III sezine qatysqan bolatyn.

Elshi norvegııalyq memleket qaıratkerin búgingi Qazaqstannyń saıası transformasııasynyń kún tártibimen, sot pen quqyq qorǵaý júıesindegi reformalarymen, sondaı-aq, Prezıdent Qasym-Jomart Toqaevtyń 2 qyrkúıektegi halyqqa Joldaýynda aıtqan ekonomıka men áleýmettik salalaryn damytý mindetter týraly aqparattandyrdy.

О́z kezeginde K. Bondevık Qazaqstannyń Tuńǵysh Prezıdenti - Elbasy Nursultan Nazarbaevpen kezdesýler jaıyndaǵy jyly estelikterimen bólisti jáne jańa Prezıdent Qasym-Jomart Toqaevtyń reformalary baǵdarlamasyn quptady.

«Men Qazaqstannyń ıadrolyq qarýdan óz erkimen bas tartqan negizindegi jetistikterin jáne ıadrolyq qarýsyz álem qurý jolyndaǵy kúsh-jigerin joǵary baǵalaımyn. Sonymen qatar memleketterińiz konfessııaaralyq dıalogty ilgerilete bildi. Bul qazirgi álemdegi dinı negizder boıynsha kóptegen qarama-qaıshylyqty eskere otyryp, asa mańyzdy bolyp tabylady. Adamnyń abyroıy, qasıetti jerlerge qurmet, beıbitshilik pen ádilet ıdeıalary – bárimiz úshin de ortaq taqyryp», - dedi ol.

Sondaı-aq  K.Bondevık táýelsiz úkimettik emes uıym bolyp tabylatyn jáne demokratııa men adam quqyqtaryn nasıhattaýmen shuǵyldanatyn Oslo Ortalyǵynyń qyzmeti týraly aıtyp berdi.

«Qazaqstan – mańyzdy iri memleket; ol Ortalyq Azııa men Eýropa arasyndaǵy kópir. Men úshin jańa Prezıdent Qasym-Jomart Toqaevtyń reformalary asa perspektıvti bolyp kórinedi jáne men oǵan sáttilik tileımin», - dedi ol kezdesý barysynda.

Sońǵy jańalyqtar

Qyzylorda: Test synamalary jetkizildi

Aımaqtar • Búgin, 11:56

Til saıasatyna reforma kerek pe?

Suhbat • Búgin, 10:45

Petropavl: 16 jastaǵy boıjetken ustaldy

Aımaqtar • Búgin, 10:28

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Uqsas jańalyqtar