Qazaqstan • 16 Qyrkúıek, 2019

Sańlaqtar atoı salady

51 retkórsetildi

Nur-Sultanda dúnıe júziniń 103 memleketinen kelgen 1002 balýan Olımpıadaǵa beriletin 108 joldamany sarapqa salyp jatyr.

О́tken senbi kúni Nur-Sultan qalasynda kúres túrlerinen lısenzııalyq álem chempıonaty bastaldy. Keler jyly jalaýyn kóteretin Tokıo Olımpıadasy qarsańynda uıymdastyrylyp otyrǵan jarysqa álemniń 103 memleketinen kelgen 1002 bal­ýan grek-rım, erkin jáne áıelder kúresi boıynsha beriletin 108 joldamany sarapqa salyp jatyr.

Sýrette: 55 kılo salmaq­ta bel­desken qazaq balýany Qor­lan Jaqansha álem chempıonaty ázer­baıjandyq Eldenız Azız­lıdi jeńip, fınalǵa shyqqan sáti.

Elorda tórindegi keń saraı «Barys-Arena» stadıonynda ótip jatqan chempıonattyń ashy­lý saltanatyna qatysyp, elimiz atynan sóz sóılegen Premer-Mınıstrdiń orynbasary Berdibek Saparbaev, atalǵan chempıonattyń elordamyzda ótýi tegin emes, óıtkeni, qa­zaq balýan dese isher asyn jer­ge qoıatyn halyq. Sońǵy bes jylda Elbasy Nursultan Na­zar­baevtyń bastamasymen 5 myń­ǵa tarta sport nysany sa­lynǵanyn jetkizip, jarystyń qurmetti qonaǵy, Birikken kúres áleminiń basshysyna alǵysyn jetkizse, chempıonattyń  qurmet­ti qonaǵy  Birikken kúres ále­mi­niń basshysy, Halyqaralyq Olım­pıada komıtetiniń múshesi Nenad Lalovıch «Uıymdastyrý jumysy kóńilimizden shyqty. О́tken jyldardaǵy  Parıj ben Býdapeshte uıymdastyrylǵan álem chempıonatymen deńgeıli jarys óterine bek senimdimin», dedi. 

Atalǵan chempıonatty grek-rım balýandary bastady. Jarys bastalmaı turyp baspasóz máslıhatynda pikir bildirgen dańqty balýan Dáýlet Turlyhanov: «Grek-rım kúresinen álem chempıonatynan altyn alma­ǵanymyzǵa 20 jyldan asypty. Jarystyń júldesi jaıly aıtsam, bes medal alamyz ba degen úmitimiz bar. Olımpıada lısenzııasyna keler bolsaq, bapkerler quramyna keminde 3 joldama alý mindeti júktelip otyr» degen bolatyn.

Dáýlet Bolatuly úmit artyp otyrǵan grek-rım kúresi ereje boıynsha 10 salmaq dáre­jesine bólinip, osylardyń ishinen: 55, 63, 72, 82  kılo sal­maqta beldesetin balýandarǵa olımpıadalyq joldama berilmeıtin bolypty. Qalǵan alty sanat 60, 67, 77, 87, 97, 130­ kılo salmaq boıynsha kú­re­­setin sportshylar chempıonat júldesimen qatar, joldama úshin de jan berip, jan alysady. Naqtylap aıtqanda, I, II oryndarmen qatar, eki III jáne eki V oryn, barlyǵyn qosqanda 6 orynǵa joldama bar. Bul tártip erkin kúres sheberlerine de ortaq.

Sonymen óz elimizde jalaýyn kótergen álem birinshiliginiń eń jeńil sanaty 55 kıloǵa deıingi salmaqta el namysyn qorǵaǵan grek-rım kúresinen áskerıler ara­synda álem chempıony, ótken jyl­ǵy Azııa birinshiliginiń qola júl­degeri Qorlan Jaqansha jarysty sátti bastady. Ol birinshi qar­sylasy aljırlik Fergat Áb­delkarımdi 11:5 esebimen erkin utyp, shırek fınalda AQSh balýa­ny Noýrı Maksty 3:2 upaımen jeńip, jartylaı fınalǵa shyqty. Jartylaı fınalda ótken jyly Býdapeshtegi birinshilikte álem chem­pıony atanǵan ázerbaıjandyq Eldenız Azızlıdy 11:5 esebimen oısyrata eńserip, fınaldyq beldesýge erkin jetti. Qorlan inimiz endi altyn medal úshin álem jáne Eýropa chempıonatynyń qola medal júldegeri grýzın balýany Nýgzarı Sýrsýmııamen beldesedi.

Al 63 kıloda baq synaǵan álem chempıonatynyń úsh dúrkin júldegeri, qurama kapıtany Almat Kebispaev alǵashqy kezdesýde úndistandyq qarsylasy S.Sagardy ońaı jeńip, ekinshi beldesýinde qytaılyq asa qarýly balýan Erbatý Týony 2:1 esebimen zorǵa utty. Úshinshi beldesýde álem birinshiliginiń qola júldegeri túrkııalyq Rahman Bılıjıdi 7:4 esebimen jeńip, jartylaı fınalǵa joldama aldy. О́kinishtisi, fınal­dyq kezeń úshin bolǵan básekede Rıo Olımpıadasynyń kúmis júl­degeri jáne 2018 jylǵy Azııa oıyn­darynyń chempıony japon jigi­ti Shınobý Otadan jeńilip, jubanysh beldesýdi qanaǵat tutýǵa májbúr boldy.

Sol sııaqty 72 kılo salmaqta óner kórsetken 2017 jylǵy álem birinshiliginiń kúmis júldegeri jurt úmit kútken balýannyń biri Demeý Jadyraev birinshi beldesýinde palaýlyq qarsylasy J.Tarkongten 9:0 esebimen basym túsip, kúresti merziminen buryn aıaqtady. Alaıda ekinshi kezdesýinde germanııalyq balýan Maıkl Vıdmaıer 4:3 esebimen jeńilip, jarys jolynan shyǵyp qaldy. 

Al 82 kılo salmaqta el namysyn qorǵaǵan 2017 jylǵy Azııa chempıony  Maqsat Erejepov birinshi beldesýde japon jigitin tolyq eńserip, ekinshi kezdesýinde belorýssııalyq qarsylasy, ótken jylǵy álem chempıonatynyń qola júldegeri Vıktor Sasýnovskııdi 2:1 esebimen jeńip, sensasııalyq oqıǵa týdyrdy. Úshinshi kezde­sýinde Ázerbaıjan sportshysy – 2011 jylǵy Eýropa chempıony Rafık Gýseınovpen kezekti beldesýinde jaraqaty saldarynan jarysty aıaqtaı almaı, kilemdi tastap shyqty. Biraq ázer­baıjandyq sportshy fınalǵa shyqqandyqtan Erejepovke ju­banysh beldesýge jol ashyldy.

Jarystyń kelesi kúni olım­pıadalyq 6 salmaqtyń úsheýi: 67, 87, 97 kıloda kúre­setin 117 balýan arasynda lısenzııalyq jarys jalǵasty. Qazaq balýandary arasynan 87 kılo salmaq dárejesinde alǵashqy bolyp kilemge shyqqan 2018 jyly Jakartada ótken Azııa oıyndarynyń qola júldegeri Azamat Qustybaev birinshi bel­desýine venesýelalyq Lýıs Aben­danony 5:1 esebimen utyp, ekin­shi beldesýinde fransýz jigiti Halıs Gılmanony 7:1 upaımen erkin jeńdi. Úshinshi beldesýinde kýbalyq Gregorıch Danıelge ese jiberdi.

67 kılo salmaqta el úmitine balanyp júrgen balýan ótken jylǵy álem chempıonatynyń qo­la júldegeri Meıirjan Sherma­hanbet alǵashqy qarsylasy AQSh balýany Koýlmen Ellısten 10:2 upaıymen  oısyraı utylyp, kó­rermenniń kóńiline kirbiń túsir­di. Bizdiń jigitti jeńgen amerıkalyq ekinshi aınalymda bolgar balýany Deıvıd Dımıtrovten 5:0 esebimen jeńilip, Meıirjannyń jubanysh beldesýge degen úmiti úzildi.

97 kılo salmaqta óner kórset­ken Azııa chempıonatynyń qola júl­degeri Erulan Ysqaqov ázer­baıjandyq balýan Orhan Ný­rıevpen joly túıisip, ony 2:1 esebimen jeńgenimen, kelesi kezekte grýzın Melıaǵa ońbaı utyldy.  Osylaı jeksenbi kúni beldesken jigitter jaramady.

Jarys odan ári jalǵasyp, dúı­senbide grek-rım kúresiniń qalǵan  60, 77, 130 kılo salmaqtaǵy balýandary kúsh synasatyn bolady. Bul salmaqtar boıynsha M.Aınaǵulov, A.Dilmuhanbetov, M.Shadýkaev úsheýi el namysyn qorǵaıdy.

Banner
Sońǵy jańalyqtar

Moıynqumǵa ushaq qatynaıdy

Aımaqtar • Búgin, 09:29

«Para berme» chellendji bastaý aldy

Aımaqtar • Búgin, 09:27

Kásipodaq úzdikteri marapattaldy

Aımaqtar • Búgin, 09:26

Bı-aǵa salǵan án eken...

Rýhanııat • Búgin, 09:17

Qaıta oralǵan «Don Karlos»

Rýhanııat • Búgin, 09:15

Jeti óner qonǵan jampozym

Rýhanııat • Búgin, 09:12

Taǵdyry tańdalǵan patshaıym

Rýhanııat • Búgin, 09:09

Naǵyz qazaq

Rýhanııat • Búgin, 09:05

«Brakoner» biraz basbuzardy quryqtady

Aımaqtar • Búgin, 09:00

Reseıden de úırenýge bolady

Saıasat • Búgin, 08:52

Zań jobasyn talqylady

Qoǵam • Búgin, 08:46

IýNESKO-nyń syılyǵyn jeńip aldy

Qazaqstan • Búgin, 08:45

«Eńbek» eleýsiz qaldy

Qoǵam • Búgin, 08:43

Robot-tehnıka úıirmeleri qajet pe?

Qazaqstan • Búgin, 08:26

Qurylysshylar nege ereýilge shyqty?

Qazaqstan • Búgin, 08:24

«Januıa» ortalyǵy jumysyn bastady

Qoǵam • Búgin, 08:22

Kedergisiz ómir syılaıdy

Qoǵam • Búgin, 08:22

Reformalar oza shabýdy kótermeıdi

Qoǵam • Búgin, 08:19

Azamattyq jaýapkershilik qajet

Qoǵam • Búgin, 08:16

Ashyq qoǵam aıshyqtary

Búgin, 08:14

Tazalyqtan aldyna jan salmaıtyn jurt

Qoǵam • Búgin, 08:08

Jaldamaly jumysshylar jalaqysy artty

Ekonomıka • Búgin, 08:05

Sheteldik taýarlar qymbattady

Ekonomıka • Búgin, 08:03

Ekonomıkalyq ósimniń kóleńke tusy

Ekonomıka • Búgin, 08:00

Baspana baǵasy nege kóterildi?

Qoǵam • Búgin, 07:58

Yntymaqtastyqtyń jańa kezeńi

Qazaqstan • Búgin, 07:52

Eń qysqa áńgime. Qanat Ábilqaıyr

Eń qysqa áńgime • Keshe

Eń qysqa áńgime. Arman Álmenbet

Eń qysqa áńgime • Keshe

Kúlki kerýeni № 2

Rýhanııat • Keshe

Uqsas jańalyqtar