Qazaqstan • 16 Qyrkúıek, 2019

Dúken Másimhanuly: Yntymaqtastyqqa oń yqpal etken sapar

266 retkórsetildi

Qazaq pen qytaı – jer jaralyp, sý aqqaly beri qaraı Azııanyń shyǵysy men kindik bóligin ortaq jaılap, birge jasap kele jatqan halyqtar. Tarıhtyń tolqyny birde tolyp, birde ortaıyp, ártúrli kezeńdi bas­tan ótkerdik. Biraq soǵan qaramastan Qazaqstan óz aldyna derbes el atanǵanda alǵashqy bolyp táýelsizdigimizdi tanyǵan memleketterdiń biri – Qytaı Halyq Respýblıkasy.

1992 jyly 3 qańtarda eki el arasynda dıplomatııalyq qarym-qatynas ornady. Sodan beri qaraı eki memleket basshylary tatý kórshi retinde búgingideı yn­tymaqtastyqty qalyptastyrdy. El­ba­sy Nursultan Nazarbaev táýelsiz­di­gimizdi jarııalaǵannan beri Qytaımen senimdi seriktestikke erekshe ekpin berdi.

Bul kezekti is-shara – qazirgi Qazaq­­stan Prezıdenti Qasym-Jomart To­qaev­tyń Memleket basshysy re­tinde Qytaıǵa jasap otyrǵan alǵashqy sapary. Qytaı bıligi Prezıdentti óte jo­ǵary deńgeıde qarsy aldy. Munyń ózin eki eldiń dostyǵynyń jarqyn kórinisi desek, qatelespeımiz.

Qazaqstan Prezıdenti bul saparynda baıandamalaryn qazaq tilinde jasa­ǵanyn erekshe atap ótken jón. Sony­men qatar Prezıdenttiń qy­taı tilin meńgergeni, qytaısha hat tany­­ǵany ózara baılanysqa oń áserin tı­­gizdi. Mysaly, Qasym-Jomart Toqaev­tyń sózin aýdarmashy­lar du­rys ilesip aýda­ra almaı jatqan tus­tarda ol ózi kómektesip otyrdy. Buǵan Qytaıdyń basty buqaralyq aqpa­rat quraldary erekshe nazar aýdar­dy.

Qazaqstan Prezıdenti Qasym-Jomart Toqaev pen Qytaı Tóraǵasy Sı Szınpın birlesken málimdeme jasap, memleketter arasyndaǵy yn­ty­­maqtastyqty ilgeriletýge, damy­tý­ǵa tyń serpin beretin on shaqty mańyzdy qujatqa qol qoıdy. Bul qujat­ta bar­lyq salany qamtydy. Atal­ǵan keli­sim­der eki jaqqa tek tıim­dilik ákeledi dep senemin.

Qytaı – aqparattyq teh­nolo­gııa­lardy meńgerý, óndirý jaǵynan álemdegi alǵashqy ondyqqa kiretin memleket. «Alystan arba­la­maı-aq jaqynnan dorbalap», osy baǵytta birlesken ortaq joba­lar­dy júzege asyrýǵa, sóıtip oń nátıjelerge qol jetkizýge bolady. Sondaı-aq atalǵan kelisimder ǵylym men bilimniń damýyna da yqpal etedi dep úmittenemin. Prezıdent aıtqandaı, ulttyq qaýipsizdikti qamtamasyz ete otyryp, eki eldiń yntymaqtastyǵyn odan ári nyǵaıtý ózara damýǵa, órkendeýge jol asha beredi.

 

Dúken MÁSIMHANULY,

qytaıtanýshy, L.N.Gýmılev atyndaǵy Eýrazııa ulttyq ýnıversıteti Qytaıtaný ınstıtýtynyń dırektory 

Banner
Sońǵy jańalyqtar

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Berdibek Saparbaev Aqtaý emhanalaryn aralady

Medısına • 11 Qazan, 2019

NZM IýNESKO syıaqysyna laıyq dep tanyldy

Qazaqstan • 11 Qazan, 2019

Oralda «LATYN FEST» jastar forýmy ótti

Aımaqtar • 11 Qazan, 2019

Uqsas jańalyqtar