Rýhanııat • 16 Qyrkúıek, 2019

Baqul bol, baýyrym!

1180 ret kórsetildi

Senim artar serigim bolyp, arqa tutar arysyma aınalǵan ardaqty inim, Ádil senen de aıyrylyp qalǵanymyz ba?! Mynaý aıaýsyz taǵdyr, toıymsyz ajal­ǵa esh shara joq shyǵar, sirá. «Múshel – qater» degen qazaqy boljamda da bir zańdylyq bar ma, qalaı? 73 múshelińnen óziń aman ótkenińmen, otbasyńdy oısyratyp ketip edi. Janyńnan artyq kóretin jalǵyz ulyń Aıdar oıda-joqta kenetten qaı­tys bolyp ketti. Sondaǵy óze­giń qalaı órtenip, qabyrǵań qa­laı sógilgenin sezemiz. Sodan uzaq ýaqyt tósekke tańylyp, bas kótere al­maı jattyń.

Árıne ókintpeıtin, opynt­paıtyn ólim emes edi ol. Bári­miz­­diń de qabyrǵamyz qaıy­syp, qatty qaıǵyrdyq. Aına­la­­ıyn Aıdardyń ózi de bitimi bó­lek, týmysy erek bala edi ǵoı. El ıesiniń oqqaǵary ári dárigeri ekenine qaramastan, alyp tulǵasymen shyrq úıiri­lip kórgen jerde qaz moınyn ıip, kishkene kezindegideı betin tosyp tura qalatyny kúni búginge deıin kóz aldymyz­dan ketpeıdi. Baýyr etiń – balań­nyń qaıǵysynan aýyr ne bar bul jalǵanda? Sonda da qaı­ǵydan qaırat shyńdap, qashan kóziń jumylǵansha qolyńnan qalam túspedi ǵoı, qajyrly qalam­ger, qadirli áriptesim! Bur­na­ǵy jyly qalamdas, qadamdas dosym Bekbolattyń 80-ge tol­ǵan mereıtoıyna arnaǵan estelik-ocherkińdi etpettep jatyp tósekte jazǵanyń esimizde edi. Bıyl sharapaty kóp tıgen She­raǵań jaıyndaǵy roman-es­seń jaryq kórgenin estip, qýan­ǵan­byz da.

Bárinen buryn jýyq arada óziń qyryq jylǵa jýyq qalt­qysyz eńbek etken «Ege­men Qazaqstannan» qazaq jýr­nalıstıkasynyń jýan­to­­byq eńbek torysy, uzaq jyl osy qara shańyraqtyń bas­shy­lyǵynda bolǵan Keńes Úsebaev jónindegi ocherkiń tereń tebi­rent­ti. Osyny oqyǵanda syrqatyńnan aıyǵyp, betiń beri qaraǵan eken dep kóńilimiz bir kóterilip qalǵan edi. Al ómirden ozǵanyń jaıyn­da­ǵy qaıǵyly habardy estip, taǵy da qulazyp qaldyq. Jol alys, jer shalǵaı, júrip-turýym­nyń qıyndyǵyna baılanysty topyraq sala alar túrim joq. Keshir, abzal dos, asyl ini. Aıdaryńdy ańsap, izimen ketip barasyń ǵoı. Baqul bol!

 

Sarbas AQTAEV

Sońǵy jańalyqtar

Uıysa bilsek, urlyq tyıylady

Aımaqtar • Keshe

Eýro taǵy qymbattady

Ekonomıka • Keshe

Báıterekte órt shyqty

Aımaqtar • Keshe

Uqsas jańalyqtar