Ádilim-aı, Ádekem-aý!..

Sonda jamandyqqa qımaı, «Er jigit qoı, aýrýyna ońaı­lyq­pen berile qoımas, medısına da damyǵan», dep ózimdi ózim jubatqanmyn.

Endi myna sýyq habardy estip otyrmyn.

Sol sýyq habar júrekti qy­syp, ókpeni órekpitkenimen, sana shir­kindi sapyrylystyryp, túý, sonaý 1961 jyly tanys­qan­nan bas­tap kúni búginge deıin jal­ǵas­qan dostyǵymyzdyń ár ke­zeń­in esime túsire beredi.

Ustazdarymyzdan dá­ris tyń­dap, arty­nan kitap­ha­na­nyń oqý zalyna baryp, aýdı­to­rııa­­­daǵy «káıpimizdi» odan ári jal­ǵas­tyratyn kez­derimizdi aıt­saıshy! Qaltamyzdaǵy sońǵy tıy­ny­myz­ǵa qurastyryp alǵan qara nanǵa qaryndy qampıta toı­dyryp, soǵan shala baıyp qoqılanatyn shaqtar...

Oqý bitirgen soń sen birden res­pýb­lıkanyń bas gazeti «Sosıa­lıs­tik Qazaqstanǵa» qyzmetke qabyldanyp, bir kúnde búkil elimizge áıgili jýrnalıst bolyp shyǵa keldiń. Keıinirek, bul gazette menshikti tilshi bolyp men de jumys istedim. Sol kezde Jambyl oblysyn bastan-aıaq sharlap edik-aý. Ekeýmizdiń de týǵan jerimiz Moıynqumnyń kúngeıindegi qatar jatqan aýyl­dar bolǵandyqtan da alǵashqy áńgime, hıkaıattarymyz da osy qum, qum adamdary týraly bolyp shyqty...

Taǵdyr seni aýyr synǵa saldy. Ulyń Aıdardy ózińnen buryn áketip edi ómirden. Sonyń kúıi­gine shydaı almadyń ba? Kúrt tústiń-aý, Ádil. Qaıteıin. Darıǵa men balalarǵa berik bol degen­nen basqa shara joq. Baqul bol, baýyrym!

Elen ÁLIMJAN