Aımaqtar • 16 Qyrkúıek, 2019

«Kónemiz ǵoı, qaıtemiz kónbegende?..»

102 retkórsetildi

Balanyń baqytty bolýy tek ata-ana, aǵaıyn-týysqa emes, ultqa-qoǵamqa qajetti qundylyq. О́kinishke qaraı, taǵdyrdyń jazýymen densaýlyǵynda aqaý bar bolǵandyqtan, múgedek degen sanatqa ilikken balalardyń bolýy jan aýyrtady. Qoǵam olardy da shetke teppeı, múmkindiginshe áleýmettik-materıaldyq jáne rýhanı turǵyda qoldaý kórsetip keledi.

Munaıly aýdanynyń Qyzyltóbe aýyldyq mádenıet úıinde ótken «Syr­ly álem» baıqaýy – bul ba­ǵyttaǵy san­daǵan sharalardyń biri. Qazaqstan Res­pýblıkasynyń Tuńǵysh Prezıdenti N.Á.Nazarbaevtyń «Rý­hanı jańǵyrý» atty baǵ­dar­lamasy aıasynda «Jastar jy­lyn» atap ótý, múmkindigi shekteýli bala­lar men jastardyń ónerin nası­hattaý arqyly qoldaý bildirý, olar­dyń erik-jigerin kórsetý men kóterý,  son­­daı-aq olarǵa qoǵam múshesi eke­nin sezindirý jáne áleýmettik beıim­deý maqsatyndaǵy óner baıqaýyna qaty­sý­shy jas ónerpazdardyń zor qyzy­ǵýshylyǵyna ıe.

Munaıly aýdanynda 3900 múgedek adam tirkelgen, onyń ishinde 18 jasqa deıingi balalar men jastardyń jalpy sany 1143  adamdy quraıdy. 

Aspapta oryndaý nemese fonogramma arqyly  jeke án aıtý, ádebıet atalymy boıynsha óleń, kórkemsóz oqý, avtorlyq shyǵarmalaryn oryndaý jáne óz qoldarynan týyndaǵan buıymdardy usynatyn qolóner ba­ǵyt­tary boıynsha ótken atalmysh baı­qaýǵa barlyǵy 35 ónerpaz  qatysty.  Alty ónerpaz án janry, alty úmitker kórkem sóz oqýdan saıysqa tússe, 23 qatysýshy qol­óner buıymdaryn usyný arqyly sheber­likterin ortaǵa saldy.

Zor úmitpen, qyzyǵýshylyqpen án salyp, óleń oqyp shabyttanǵan baıqaýǵa qatysýshy balalardyń barlyǵy  Mu­naıly aýdandyq ákimdigi atynan  alǵys hattarmen marapattalyp, arnaıy syı­lyqtarǵa ıe boldy.  Sonymen qatar olarǵa «Asia Damu Invest Capital» jaýapkershiligi shekteýli serik­testiginiń demeýshiligimen «Aq­taý» oıyn-saýyq ortalyǵyna joldama berildi. 

– Balalar men jastarǵa qýanysh syılap, qoldaý kórsetken Munaıly aýdany ákimdigi men   «Asia Damu Invest Capital» jaýapkershiligi shek­­teý­li seriktestiginiń dırektory Aı­­­nur Erlanqyzyna al­ǵys bil­di­re­miz. Janarynda kirbińi bar jan­dar­ǵa, ásirese jastar men bala­larǵa qol­daý kórsetip, qamqorlyq jasaý  – hal­qymyzdyń asyl qasıeti. Biz de shaǵyn shara uıymdastyrý ar­qyly otyzdan astam balanyń bir sátke bolsa da qýanýyna muryndyq boldyq dep oılaımyz, – deıdi baı­qaýdy uıymdastyrýshy Qyzyltóbe aýyldyq mádenıet úıiniń dırektory Gúlmıra Sebepbaeva.

«Kónemiz ǵoı, qaıtemiz kónbe­gen­de» dep ishteı egiletin balapan daýys­tardyń sahna tórinde án salyp, máre-sáre bolǵan sátin kórý de, ony uıym­dastyrý da – bizdi eriksiz tebirentedi.

 

Mańǵystaý oblysy

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar