Jastarǵa 5 jylǵa jaldamaly páter beriledi

Statıstıka boıynsha eli­mizde 14-29 jas aralyǵyn­daǵy jastardyń sany 4 mln-ǵa jýyq­taıdy. Onyń 245 myńy elor­dada tursa, 700 myńy Alma­ty qalasynda, al 260 myńy Shym­kent shaharynda qonystanǵan. Jańa baǵdarlama boıynsha 5 jyl merzimge jalǵa beriletin bas­panaǵa aı saıyn 10-12 myń teńge tóleısiz. Ol úshin turaq­ty jumys ornyńyz jáne 40 aılyq eseptik kórsetkishten (sha­mamen 110 myń teńge) kem emes eńbekaqyńyz bolýy shart. Sonyń ishinde jalpy bilim beretin mektepterdiń, tehnı­kalyq jáne kásiptik, orta bi­lim­nen keıingi, joǵary jáne joǵary oqý ornynan keıingi bilim berý uıymdarynyń bilim beretin oqý baǵdarlamalaryn meńgergen jáne eńbek qyzmetin júzege asyratyn 29 jasqa tol­maǵan azamattar úmitker bola alady. Ásirese jas otbasylar, naryqta neǵurlym suranysqa ıe 100 mamandyqtyń birin meń­gergender, jas kásip­ker­ler jáne bıýdjettik uıym­dar­dyń qyzmetkerleri basym sanattardyń qataryna jatqy­zylyp otyr.

Baspasóz máslıhatynda sóz alǵan Aqparat jáne qoǵamdyq damý mınıstrligi Jastar jáne otbasy isteri komıtetiniń tóraǵasy Madııar Qojahmet bul baǵdarlama arqyly jastar páterge bastapqy jarna jınaı alatynyn jetkizdi. Mysaly, jaldamaly páterge 10-12 myń teńge ǵana tólep, shotyna aı saıyn keminde 20 myńnan salyp otyrǵan jas 5 jylda 1 jarym mln-daı bastapqy jarna jınaqtaıdy dep túsindirgen Madııar Qojahmet úmitkerlerdiń ekinshi deńgeıli bankterden ashqan shotynyń bolýy jaldamaly páterge qol jetkizýge je­ńildikter týǵyzatynyn aıtty.

Spıkerlerdiń aıtýynsha, qazirgi ýaqytta úsh qalaǵa aqsha bólinip, atqarýshy organdar úı satyp alý jumysymen aınalysyp jatyr. Qujattardy qabyldaý osy jyldyń qarasha aıynan bastalady. Ol úshin eshqaıda baryp kezekte turý­dyń qajeti joq, qujatty ákim­dikterdiń saıtyna elektrondy túrde tapsyrýǵa bolady. «Baǵdarlamaǵa sáıkes jyldyń aıaǵyna deıin elordada 1050 páter alý qarastyrylǵan. Qazirgi ýaqytta osy páterlerdiń tıisti qujattary daıyndalyp jatyr. Jospar boıynsha qarasha aıynan bastap qujattar elektrondy túrde qabyldanady. Tolyǵyraq ýaqyty jaqyndaǵanda Smart Astana platformasynda habarlaımyz», dedi Nur-Sultan qalasy ákimdigi qoǵamdyq damý bóliminiń basshysy Talǵat Rahmanberdi.

Qujattar tiziminde mynalar bar: arnaıy úlgi boıyn­sha jazylǵan ótinish; ótinish berýshiniń jeke basyn kýálan­dyratyn qujat; bilimi týraly qujat; neke qııý týraly kýálik (bar bolsa); balalardyń týý týraly kýáligi (bar bolsa); ótinish berýshige jáne otbasynyń bar­lyq múshelerinde jyljymaıtyn múliktiń joqtyǵyn rastaıtyn anyqtama; jumys ornynan anyqtama; ótinish berýshiniń aı saıynǵy tabysyn keminde 40 aılyq eseptik kórsetkish mólsherinde rastaıtyn sońǵy alty aı ishindegi tabysy týraly anyqtama; Qazaqstan Respýblıkasy Eńbek kodeksiniń 35-babyna sáıkes eńbek ótilin rastaıtyn qujattar; banktik shottyń bolýy jáne nómiri týraly anyqtama jáne banktik shot boıynsha aqshanyń qaldyǵy men qozǵalysy týraly úzindi; ótinish berýshiniń túrli qyzmet salalaryndaǵy jeke jetistikterin rastaıtyn qujattar (bar bolsa).

Bul qujattardyń kópshiligi jaldamaly páterdi alýda je­ńildikter úshin suralady. Iаǵnı árbirine ball eseptelinip, jo­ǵary ball jınaǵan jastar al­dyńǵy kezekte baspanaǵa ıe bolady. Al úmitkerler bir­deı ball jınaǵan jaǵdaıda óti­nishti buryn tapsyrǵandar basymdyqqa ıe bolady. Eger siz «Eńbek» memlekettik baǵ­dar­lamasyna kiretin 100 sura­nysqa ıe kásiptiń birin meń­gergen bolsańyz – 10 ball, otbasyly bolsa – 5 ball (nekede tirkelgen árbir jyly úshin 2 ball), 1 bala bolsa – 1 ball, ekin­shi baladan bastap – 2 ball qo­sylady. Jeke kásipkerlikpen aınalysqanyńyzǵa keminde 1 jyl bolsa – 5 ball, árbir jyl úshin 1 ball eseptelinedi. О́z salasynda jeke jetistikteri bolǵan kisilerge 2 ball eseptelse, bıýdjettik uıymdardaǵy eń­bek qyzmeti úshin 5 ball (eńbek ótiliniń árbir jylyna 1 ball) qosylady. Al ekinshi deńgeıli bankterdiń jınaq shottaryndaǵy (depozıtterindegi) jınaqtardyń árbir jyly úshin 2 ball esep­telinedi.

Komıtet tóraǵasy Madııar Qojahmettiń aıtýynsha, ázirge baǵdarlama 2021 jylǵa deıin josparlanyp otyr. Jalǵa beriletin turǵyn úıge qol jet­kiz­gen árbir úmitkermen keli­simshart jasalady. Qandaıda bir talap buzylsa, páter qaıta­rylyp alynady.