QazaqGeography men QR Ulttyq mýzeıiniń birlesip uıymdastyrǵan kórmesiniń maqsaty – qolóner sheberleri, osy saladaǵy jastar shyǵarmashylyǵyna qoldaý bildire otyryp, qoldanbaly óner týyndylaryn tanytý jáne nasıhattaý. Sonymen qatar, qoldanbaly óner boıynsha jańa tehnologııalyq izdenister qoldanýda jańa baǵytty tanystyrý.
«Qazirgi tańda stanokta, monýmentaldy keskindemede, grafıka men músindeýde, sonymen qatar sándik-qoldanbaly ónerde kóptegen stılder men baǵyttar bar. Qoldanbaly óner – halyqtyń mádenı ómirin kórsetetin sala. Bul óner túri ótkenimiz ben búginimizdi ortaq bir arnada toǵystyrady. Qolóner týyndylarynyń arasynda kıiz ónimderin erekshe ataǵan jón. Sebebi erte dáýirden halyq mádenıetine engen bul ónimder búkil eldiń tarıhyn, rýhanı ómirin nasıhattaıdy»,- deıdi kórmeniń art sarapshysy men kýratory Armat Bektas.
Kórmeniń hedlaınerleri — ArlanDesign galereıasynyń negizin qalaýshylar – tórt aǵaıyndy Ańqaýovtardyń jumystary. Bala kezinen bastap tórteýi de tirek-qımyl júıesine zaqym keltiretin sırek kezdesetin Dıýshen Erba-Rot mıopatııasymen aýyrady. Aǵaıyndy Ańqaýovtar óz shyǵarmalarynda qoı júniniń erekshe tehnıkamen óńdelgen túrin keńinen qoldanady. Olar ata-babalarymyzdyń kóshpeli ómir salty, salt-dástúrlerimen rýhtandyrylǵan qoldanbaly ónerdiń ádemi týyndylaryn jasaıdy. О́zderiniń zor izdenisteri, eńbekteri, zor talanttyń nátıjesinde qoldanbaly ónerdiń jaýhar týyndylaryn dúnıege ákelgen. Olar qoldanǵan jańa tehnologııalyq baǵyt – kıizdi keskindeme jaǵynan kórsetý. Bul tehnologııanyń álemde balamasy joq. Sonymen qatar, Botagóz Tóleshtiń týyndylary usynylady, onyń ishinde «Roıal», «Arman kerýeni», «Djaz» jáne taǵy basqalaryn atap ótýge bolady.
Kórme 30 qyrkúıekke deıin jalǵasady.
