Qoǵam • 16 Qyrkúıek, 2019

Pavlodar oblysynda 444 otbasyna AÁK tóleý toqtatyldy

44 retkórsetildi

Pavlodar oblysynda ózderiniń naqty tabystaryn jasyrý arqyly ataýly áleýmettik kómekke zańsyz qol jetkizgen 444 otbasyna tólemder toqtatyldy. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady. 

Oblystyq jumyspen qamtýdy úılestirý jáne áleýmettik baǵdarlamalar basqarmasy Áleýmettik kómek jáne áleýmettik áriptestik bóliminiń basshysy Maıgúl Rahymjanova Pavlodar oblysy turǵyndarynyń áleýmettik qyzmet qyzmetkerlerin aldaý faktileri týraly habarlady. Onyń aıtýynsha, AÁK taǵaıyndaý kezinde eń kóp taralǵan buzýshylyq naqty tabystardy jasyrý bolyp tabylady.

«Máselen, Maı aýdany Qaraterek aýylynda turatyn 6 adamnan turatyn otbasy 2019 jyldyń sáýir aıynda AÁK taǵaıyndaýǵa ótinish bergen. Otbasyna 105 myń 843 teńge kóleminde AÁK taǵaıyndaldy. Qosymsha tekserý kezinde bizdiń basqarmanyń kúshimen otbasynyń naqty tabysyn jasyrǵany anyqtaldy. Qaıta esepteý nátıjesinde otbasyna AÁK tóleýden bas tartyldy», – dedi Maıgúl Rahymjanova.

Esterińizge sala keteıik, AÁK taǵaıyndaý men tóleýdiń durystyǵyn baqylaý nátıjesinde 72 myńnan astam ataýly áleýmettik kómek alýshylar tabysy týraly jalǵan aqparat bergeni anyqtaldy.

Osyǵan baılanysty Mınıstrlik ákimdiktermen birlese otyryp, árbir anyqtalǵan fakti boıynsha, buzýshylyqtarǵa jol bermeý jáne «Memlekettik ataýly áleýmettik kómek týraly» QR Zańyn buzýda zańsyz taǵaıyndalǵan tólemderdi qaıta qaraý boıynsha jekelegen jumys júrgizýde. Bul baǵyttaǵy jumys jalǵasyp jatyr.

Aǵymdaǵy jylǵy 15 tamyzdaǵy jaǵdaı boıynsha ataýly áleýmettik kómekpen 1,8 mln qazaqstandyq qamtylǵan. Járdemaqy alýshylardyń eń kóbi sany Túrkistan oblysynda – 498,7 myń adam, Almaty oblysynda – 225,4 myń adam, Shymkent qalasynda – 216,3 myń adam turady. Aǵymdaǵy jylǵy 1 tamyzdaǵy jaǵdaı boıynsha 103 mlrd teńge kóleminde AÁK tólendi. Bir otbasyna tólemniń ortasha mólsheri aıyna 86 myń teńgeni qurap otyr.

Banner
Sońǵy jańalyqtar

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Berdibek Saparbaev Aqtaý emhanalaryn aralady

Medısına • 11 Qazan, 2019

NZM IýNESKO syıaqysyna laıyq dep tanyldy

Qazaqstan • 11 Qazan, 2019

Oralda «LATYN FEST» jastar forýmy ótti

Aımaqtar • 11 Qazan, 2019

Uqsas jańalyqtar