Qoǵam • 16 Qyrkúıek, 2019

Qazaqstanda óndiristik jaraqattaný 13%-ǵa tómendedi

57 retkórsetildi

Aǵymdaǵy jylǵy 1 qyrkúıektegi jaǵdaı boıynsha respýblıka kásiporyndarynda 757 jazataıym oqıǵa boldy, saldarynan 848 adam zardap shekti, bul ótken jyldyń sáıkes kezeńinen 13%-ǵa tómen (2018 jyldyń 8 aıynda – 975 adam), onyń ishinde – 95 adam qaza tapty, bul ótken jyldyń sáıkes kezeńinen 28%-ǵa tómen (2018 jyly - 133 adam). Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady. 

Bul rette jaraqattanýdyń ósýi ótken jyldyń sáıkes kezeńimen salystyrǵanda Jambyl, Aqtóbe, Aqmola, Almaty oblystarynda, sondaı-aq Almaty qalasynda baıqalady. Pavlodar oblysynda ólim-jitim jaǵdaılarynyń sany artty.

2019 jyldyń birinshi jarty jyldyǵynyń qorytyndysy boıynsha ekonomıka salalary boıynsha zardap shekkenderdiń eń kóbi taý-ken metallýrgııa kesheni kásiporyndarynda baıqalady  – 96 adam nemese 15% jáne qurylys salasynda – 65 adam nemese 10%.

Keıbir kásiporyndarda eki jáne odan da kóp jazataıym oqıǵalary bolǵandyǵyn aıta ketý kerek: («ArselorMıttal Temirtaý» AQ – 20, «Qazaqmys korporasııasy» JShS – 11 (Qaraǵandy oblysy), «Kazsınk» JShS – 15, «Shyǵystústimet» JShS – 6 (ShQO), «Ekibastuz GRES-1» JShS – 3, «Alıýmınıı Kazahstana» AQ – 2 (Pavlodar oblysy), «SSKО́B» AQ - 4, «Baıan Sulý» AQ - 2 (Qostanaı oblysy).

«Jazataıym oqıǵalardyń negizgi sebepteri: jumys óndirisin qanaǵattanǵysyz uıymdastyrý, qaýipsiz eńbek tásilderin oqytýdaǵy kemshilikter, eńbek qaýipsizdigi jáne eńbekti qorǵaý erejelerin buzý. 2019 jyly 23 mamyrda «Astana Sý Arnasy» MKK 4 qyzmetkeri metanmen ýlanyp, qaıtys boldy. Al 12 maýsym kúni Shyǵys Qazaqstan oblysy Zaısan aýdanynyń ortalyǵynda eki metr tereńdikte kanalızasııalyq qudyqqa tazalaý jumystaryn júrgizý kezinde «Zaısan» KMGP-niń úsh qyzmetkeri jazataıym oqıǵaǵa uryndy (metanmen ýlanǵan), onyń bireýi qaıtys boldy, al ekeýi aýdandyq aýrýhanaǵa jatqyzyldy. Bul kásiporyndardyń basshylary óńirlik úshjaqty komıssııalardyń otyrystarynda tyńdalyp, jaraqattanýǵa jol bermeý boıynsha jeke is-sharalar josparyn ázirledi», - dep habarlady Qazaqstan Respýblıkasynyń Bas memlekettik eńbek ınspektory Tólegen Ospanqulov.

Onyń aıtýynsha, Qazaqstanda zııandy eńbek jaǵdaılary bar jumys oryndarynyń sanyn azaıtý máselesi ózekti bolyp otyr.

«Statıstıka jónindegi ýákiletti organnyń derekteri boıynsha, 2018 jyly eńbek jaǵdaılary boıynsha tekserilgen kásiporyndardyń 1,6 mln qyzmetkeriniń 373 myńy nemese árbir tórtinshisi (22,3%) zııandy jáne qaýipti eńbek jaǵdaılarynda jumys istegen. 2018 jylǵy attestattaý nátıjeleri boıynsha 676 myń qyzmetker zııandy eńbek jaǵdaıyndaǵy jumysy úshin ár túrli ótemaqy aldy. Bul úshin jumys berýshilerge 116,3 mlrd teńge bólindi, bul - 2017 jylmen salystyrǵanda 8%-ǵa kóp », – dedi T.Ospanqulov.

2018 jyldyń qortyndysy boıynsha tehnıkalyq ınspektorlar eńbek jaǵdaıyna 70 735 tekserý júrgizdi, onyń barysynda 126 737 eskertý anyqtaldy jáne joıyldy. Respýblıka kásiporyndarynda 14 792 óndiristik keńes qurylyp, jumys istep jatyr.

Jalpy, memlekettik organdar men jumys berýshiler tarapynan qabyldanǵan eńbekti qorǵaý salasyndaǵy keshendi sharalar óndiristik jaraqattanýdy tómendetý boıynsha oń dınamıkany saqtaýǵa múmkindik berdi.

Sońǵy jańalyqtar

Karantın kartınasy (Trıptıh)  

Aımaqtar • Búgin, 13:15

Kókshetaýda «Aseptdezın» shyǵarylady

Aımaqtar • Búgin, 12:48

Almatydaǵy naýqastardyń jaǵdaıy baıandaldy

Koronavırýs • Búgin, 12:41

Haram nıet indeti

Aımaqtar • Búgin, 12:21

Atyraý: Depýtat kórsetken demeý

Qazaqstan • Búgin, 12:14

Atyraý: 1300 turǵyn testten ótti

Aımaqtar • Búgin, 11:45

Atyraý: 50 adamǵa ystyq tamaq jetkizdi

Aımaqtar • Búgin, 11:32

Kásipkerler tilegi eskerildi

Qoǵam • Búgin, 11:11

Qarttar úıindegi qasiret

Aımaqtar • Búgin, 10:49

Daǵdarys daýylyna tosqaýyl - J. Nurabaev

Ekonomıka • Búgin, 10:45

Fýtbol: Para aldy dep aıyptalýda

Sport • Búgin, 09:38

Úkimet otyrysy ótip jatyr

Úkimet • Búgin, 09:20

Kómek alý ońtaılandyrylady

Saıasat • Búgin, 08:25

Infeksııanyń taralý qarqyny tómendedi

Koronavırýs • Búgin, 08:05

Senimge serpin bergen málimdeme

Qoǵam • Búgin, 08:02

Alǵashqy vırtýaldy sot otyrysy

Saıasat • Búgin, 08:00

Ár azamat atsalysýy tıis

Rýhanııat • Búgin, 08:00

Koreıadan kelgen qyz

Rýhanııat • Búgin, 07:50

Irkilis bolmaıdy

Aımaqtar • Búgin, 07:45

Balalarymdy saǵynsam da...

Medısına • Búgin, 07:45

Qaýipti indetpen qalaı kúresýde?

Aımaqtar • Búgin, 07:45

Jemqorlyqpen kúres jalǵasyn tabýda

Saıasat • Búgin, 07:40

Apatpen oınamaıyq, oılanaıyq aǵaıyn...

Rýhanııat • Búgin, 07:40

Jeńildetilgen nesıe jetken joq

Ekonomıka • Búgin, 07:38

Uqsas jańalyqtar