Aımaqtar • 16 Qyrkúıek, 2019

Sektordy saqadaı saı qyldy

73 retkórsetildi

Oq-dári qoımasyndaǵy jarylys saldarynan búlingen Arys qalasyndaǵy turǵyn-úılerdi qalpyna keltirý birneshe sektorǵa bólinip, ár óńirge bekitilip berilgeni málim. Sonyń ishinde №12-shi sektor aqtóbelik qurylys kompanııalarynyń enshisine tıdi. Tótenshe jaǵdaı oryn alǵan áskerı nysanǵa taıaý ornalasqandyqtan da, bul mańaıdaǵy 789 turǵyn úıdiń 543-i qatty qıraǵany, tutastaı alǵanda №12 sektor Arys qalasyndaǵy eń kóp búlingen aýmaq ekendigi belgili bolyp otyr.

Aqtóbe oblysynan barǵan alty qurylys uıymy snarıad jarylysynan qıraǵan úılerdiń tóbesin qaıta kóterip, shatyrlaryn jóndeý jáne eden-terezelerin salý men sylaq jumystaryn 25 tamyzda bitirdi. Al 11-shi qyrkúıekte óńirge bekitilgen qurylys jumysynyń bári tolyqtaı aıaqtaldy. Buǵan tórt júzden astam qurylysshy mamandary men jeti tehnıka birligi jumyldyryldy, - dedi gazet tilshisine úsh aı boıy osy jaýapty istiń basy-qasynyda júrgen Aqtóbe oblysy ákiminiń birinshi orynbasary Rahat Sydyqov.

Taǵy bir kóńilge túıgenimiz, jarylys kezinde zardap shekpese de budan bólek 73 úıdiń turǵyndary baspanalaryn jóndep berýin surap, Arys qalasynyń ákimdigine ótinish túsirgen eken. Munda negizinen turmysy tómen otbasylar men múgedek jandar jáne elge eńbegi sińgen zeınetkerler turatyn bolǵan soń Arys qalasynyń ákimi Murat Qadyrbek aqtóbelik kompanııa jetekshilerine atalǵan eski úılerdi de jóndep berýdi ótingen eken. Olar bul tilekti de qup alyp, 549 úımen birge 73 úıdi de qosa jóndeýge kirisipti. Bul jaıt aıaqtalýy aldyn-ala belgilengen qurylys jumystarynyń sál sozylyp ketýine áserin tıgizgen.

Sondaı-aq aqtóbelik qurylysshylar búlingen baspanalarǵa kúrdeli jóndeýler júrgizýmen qatar birneshe úıdi nóldik sıkldan bastap, jańadan syńǵyrlatyp salyp beripti. Onyń biri jarylys kezinde qaza tapqan áskerı qyzmetshi, aǵa-serjant Baýyrjan Álimbekovtyń otbasyna berilgen. Dosqaraev kóshesindegi №16-shy úıde turatyn marqumnyń kórshisiniń úıine de snarıad túsken eken. Onyń orynyna da jańa baspana turǵyzylǵan. Sáni men sáýleti kelisken qonysqa ıe bolǵan aqtóbelik qurylysshylarǵa alǵysyn jaýdyrǵandardyń qatarynda kóp balaly analar men otbasylar da bar.

Aqtóbe oblysynyń turǵyndary Arysta oryn alǵan tótenshe jaǵdaıǵa baılanysty arnaıy kómek qoryna 165 mıllıon teńgege taıaý qarajat túsirgen. Osy somanyń negizgi bóligi qıraǵan úılerge ortasha jáne kúrdeli jóndeýler júrgizýge jumsalǵan. Qysqasy ózderine bekitilip berilgen kúrdeli sektordy kórsetilgen merzimde saqadaı saı qylǵan órkendi óńir ókilderine Arystaǵy aǵaıyndardyń rızashylyǵy sheksiz deýge bolady. Osyndaı alǵys sezimine toly oı-pikirler áleýmettik jelilerde de kórinis tabýda. Qaı kezde de birliktiń sózben emes, dál osylaısha ispen bekemdelgenine ne jetsin!

 

Aqtóbe – Arys – Aqtóbe

Sońǵy jańalyqtar

Garrı Kasparov robottardan saq bolýdy eskertti

Tehnologııa • Búgin, 09:11

Áriptestik ornatýǵa kelisti

Tehnologııa • Búgin, 08:16

Investorlardyń alǵysy

Aımaqtar • Búgin, 08:10

Qoǵamdyq keńester qyzmeti jandanady

Parlament • Búgin, 08:08

Áskerde tártip bolmasa...

Qoǵam • Búgin, 07:56

Estaıdyń jańa sýreti tabyldy

Tanym • Búgin, 07:49

«Egemen» – ómirsheń basylym

Rýhanııat • Búgin, 07:45

Adaldyq qundylyqtary dáripteldi

Aımaqtar • Búgin, 07:44

Jańa formattaǵy mamandar daıyndaıdy

Aımaqtar • Búgin, 07:41

Bos jatqan jerlerge baqylaý kúsheıdi

Aımaqtar • Búgin, 07:36

San salaǵa serpin bergen Túrkistan

Aımaqtar • Búgin, 07:31

Álimjettikke qandaı jaza bar?

Tanym • Búgin, 07:29

Parıjdi moıyndatqan qazaq qyzy

Álem • Búgin, 07:26

«Áıteýir aqsaqaldar aıtpady dep...»

Rýhanııat • Búgin, 07:24

Úkilim-aı

Tanym • Búgin, 07:21

Donbass neden dúrlikti?

Álem • Búgin, 07:19

Tasqynǵa – tosqyn

Úkimet • Búgin, 07:12

Uqsas jańalyqtar