Oblys ákimi Ońdasyn Orazalınniń tóraǵalyǵymen ótken jıynǵa oblys ákiminiń orynbasarlary Amanǵalı Berdalın, Oljas Smaǵulov, Indýstrııalyq-ınnovasııalyq damý basqarmasynyń basshysy Darhan Ermaǵanbetov, Kásipkerlik basqarmasynyń basshysy Erlan Nazarov, Aýylsharýashylyq basqarmasynyń basshysy Qusaıyn Sársembaı, damý basshylary, ekinshi dárejeli bank ókilderi jáne vıdeobaılanys arqyly aýdan ákimderi qatysty.
О́ńirimizdegi qarapaıym zattar ekonomıkasynyń búgingi jaǵdaıy týraly «Atameken» óńirlik kásipkerler palatasynyń dırektory, jobalyq ofıstiń tóraıymy Anar Darjanova baıandama jasady. Aıtýynsha, bıznes sýbektilerimen jáne qarjy ınstıtýttary ókilderimen kezdesip, birqatar máselelerdi talqylaǵan. Respýblıkalyq jobalyq keńsege usynystar berilgen. Taýarlar tizbesin keńeıtý bóliginde joba somasyna 4 156,0 mln. teńge 10 usynys engizilip, onyń ishinde nesıe somasy 332,0 mln. teńge bolatyn 2 joba júzege asty. Jobalyq keńsemen jalpy somasy 34,1 mlrd teńge bolatyn 97 joba boıynsha jumys júrgizil ústinde. «Tikeleı Prezıdenttiń tapsyrmasyna saı, qarapaıym zattar ekonomıkasy baǵdarlamasyna erekshe mán berilip otyr, Aqtóbe óńirinde osy jumysty damytyp, jobalardyń sanyn arttyrý qajet», - dep atap ótti aımaq basshysy.
Anar Darjanova sondaı-aq qarapaıym zattar ekonomıkasy aıasynda aýdan basshylarynyń jumysy mardymsyz júrgizilip jatqandyǵyn jetkizdi. Aýdan ákimderi qarapaıym zattar ekonomıkasyna engizilgen ózgerister jaıynda kásipkerlerdi aqparattandyrmaǵan. Ońdasyn Orazalın atalǵan baǵdarlama aıasynda jumysty durys úılestirmegen, ári jańa jobalardy ashýǵa asyqpaǵan aýdan basshylaryna eskertý jasady. Oblys ákimi ındýstrııalyq-ınnovasııalyq damý, kásipkerlik, aýylsharýashylyq basqarmasynyń basshylary men aýdan ákimderine qajetti sharalardy qolǵa alyp, bank mekemelerimen etene jumys jasaýdy tapsyrdy. Ońdasyn Orazalın bul turǵyda bank ókilderiniń de yntaly bolýy qajettigin aıtty.
Aqtóbe
