Sport • 16 Qyrkúıek, 2019

ÁCh-2019. Ashat Dilmuhamedov eki dúrkin Olımpıada chempıony Vlasovty jeńip ketti

58 retkórsetildi

Nur-Sultanda kúres túrlerinen álem chempıonaty jalǵasýda. Jarystyń úshinshi kúninde úsh olımpıadalyq salmaq boıynsha grek-rım kúresiniń sheberleri kilemge shyǵady, dep habarlaıdy Olympic.kz.

77 kıloda beldesetin Ashat Dilmuhamedov eki dúrkin Olımpıada chempıony, reseılik Roman Vlasovty 3:0 esebimen jeńdi. Bul týrnırdiń basty sensasııalarynyń biri desek, artyq emes. Birinshi beldesýde chehııalyq balýandy taza utqan Ashat endi serbııalyq balýanmen kezdesedi.

130 kıloǵa deıingi salmaqtaǵy qazaqstandyq balýan Mansur Shadkýaev birinshi aınalymda fınlıandııalyq qarsylasy Konsty Iohannes Maenpaıaıdi jeńgenimen, ekinshi aınalymda qyrǵyzstandyq balýannan 1:2 esebimen jeńilip qaldy.

Sondaı-aq 60 kıloda beldesetin Meırambek Aınaǵulov álem chempıonatyn sátti bastady. Ol brazılııalyq alǵashqy qarsylasy Marat Garıpovty 9:0 esebimen aıqyn basymdyqpen jeńse, ekinshi aınalymda lıtvalyq Iýstas Petravıchıýstan 4:2 esebimen basym tústi.

FOTO: Danııar Maılybaev

Sońǵy jańalyqtar

Esik nege «tesik»?

Qoǵam • Keshe

Uqsas jańalyqtar