Qatty otyn satyp alý úshin bólinetin áleýmettik kómek zeınetkerlerge, múgedekterge, múgedek balalarǵa, kóp balaly analar men peshpen jylytatyn jer úılerde turatyn otbasylarǵa beriledi.
Bul kópbalaly otbasylar sol úıdiń ıesi (jaldaýshy) nemese úı ıesi otbasynyń múshesi bolýy kerek ári otbasy músheleriniń atynda óz úıi, tórt kúnkóris mınımynan joǵary tabysy bolmaýy tıis.
2019 jyldyń 15 qazanynan 2020 jyldyń 15 sáýirine deıin sozylatyn jylytý maýsymyna 16 AEK kóleminde tólem tólenedi. Bıyl bul soma 40 400 teńgege teń. Atalmysh kómekti alýǵa quqyǵy bar birneshe adam bir úıde turǵan jaǵdaıda, ótemaqy olardyń bireýine ǵana tólenedi.
Jylytý maýsymy kezinde memleketten bul kómekti alý úshin ótinish berýshi Nur-Sultan qalalyq Jumyspen qamtý jáne áleýmettik qorǵaý basqarmasyna ótinishimen birge birqatar qujattardy tirkeýi kerek.
Qujattar tizimimen elorda ákimdiginiń resmı saıtynda tanysýǵa bolady.
