Sport • 16 Qyrkúıek, 2019

Meırambek Aınaǵulov pen Ashat Dilmuhamedov Olımpıada joldamasyn ıelendi

61 retkórsetildi

Kúres túrlerinen Nur-Sultanda ótip jatqan álem chempıonatynda grek-rım kúresinen Qazaqstan qorjynyna joldama tústi dep habarlaıdy Olympic.kz.

60 kıloda beldesetin Meırambek Aınaǵulov álem birinshiliginiń jartylaı fınalyna joldama aldy. Ol shırek fınalda horvatııalyq Ivan Lızatovıchti 10:0 esebimen taza jeńdi. Osylaısha, otandasymyz qazaqstandyq balýandar arasynan alǵash bolyp Tokıo Olımpıadasynyń joldamasyn jeńip aldy.

Komanda úzdigi sanalatyn Meırambek Aınaǵulov 1994 jyly 17 aqpanda Aqtóbe oblysynda dúnıege kelgen. Ol buǵan deıin 2017 jylǵy álem chempıonatynyń kúmis, Azııa chempıonatynyń eki dúrkin qola jáne Azııa oıyndarynyń qola júldesin jeńip alǵan bolatyn.

Sondaı-aq grek-rım kúresinen 77 kıloda beldesetin Ashat Dilmuhamedov shırek fınalda serbııalyq balýan Vıktor Nemeshti 4:3 esebimen jeńip, óz jerimizdegi álem birinshiliginiń jartylaı fınalyna ótti.  Grek-rım kúresiniń erejesi boıynsha lısenzııalyq álem chempıonatynda 1-den 6-shi orynǵa deıingi aralyqta oryn alǵan balýandar Olımpıada joldamasyna ıe bolady. Osylaısha, Ashat Dilmuhamedov te Tokıo Olımpıadasynyń lısenzııasyna qol jetkizdi.

 Ashat Dilmuhamedov 1986 jyly 26 shildede dúnıege kelgen. Halyqaralyq dárejedegi sport sheberi. Azııa chempıonatynyń jeńimpazy jáne birneshe dúrkin qola júldegeri. Búgin irikteý aınalymynda Ashat Dilmuhamedov eki dúrkin Olımpıada chempıony, tórt dúrkin Eýropa chempıony Roman Vlasovty jeńgen bolatyn.

 

FOTO: Danııar Maılybaev

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Uqsas jańalyqtar