Tehnologııa • 16 Qyrkúıek, 2019

Sýperkompıýter usyný jónindegi qujatqa qol qoıyldy

37 retkórsetildi

Qytaı Halyq Respýblıkasyna memlekettik sapary barysynda Qazaqstan Prezıdenti Qasym-Jomart Toqaev pen QHR Tóraǵasy Sı Szınpınmen kezdeskeni belgili. Joǵary deńgeıdegi ekijaqty kezdesý aıasynda mańyzdy memleketaralyq qujattarǵa, onyń ishinde Qazaqstan tarapyna sýperkompıýterdi usyný jobasy boıynsha yntymaqtastyq týraly QR men QHR Úkimetteri arasyndaǵy kelisimge qol qoıylǵan. Bul týraly ál-Farabı atyndaǵy Qazaq Ulttyq ýnıversıtetiniń baspasóz qyzmeti habarlady.

Álemdegi eń óndirgish úzdik 500-ge kiretin sýperkompıýterdi elimizdiń jetekshi joǵary oqý orny – álemniń 130-dan astam joǵary oqý oryndaryn biriktiretin Jibek joly ýnıversıtetteri Alıansynyń Halyqaralyq IT-tehnoparkin qurý boıynsha jumys isteıtin ál-Farabı atyndaǵy QazUÝ alady.

«Silicon Valley» modeli boıynsha qurylatyn IT-tehnoparki men sýperkompıýterlik jáne bultty esepteýler ortalyǵy QazUÝ-dyń «Joǵary tehnologııalar aımaǵynda» ornalastyrylady. Qazirgi ýaqytta ınfraqurylym men qajetti úı-jaılardy daıyndaý jumystary qarqyndy júrgizilýde. Sondaı-aq bul jerde «Indýstrııa 4.0» ujymdyq paıdalaný ortalyǵy men kórme ortalyǵy ornalasatyn bolady. QazUÝ-da qurylatyn álemdik deńgeıdegi IT-tehnoparki Elbasynyń IT-ındýstrııasyn qalyptastyrý jáne eldiń jahandyq básekege qabilettiligin arttyrý boıynsha qoıǵan mindetterin júzege asyrý draıverleriniń birine aınalmaq.

Beıjińdegi Qazaqstan-Qytaı iskerlik keńesiniń altynshy otyrysynda sóılegen sózinde Memleket basshysy Qazaqstan qytaıdyń kompanııalarymen birlesken ınnovasııalyq kásiporyndar, tehnoparkter men IT-ortalyqtar qurýǵa múddeli ekenin atap ótti.

Úkimet delegasııasynyń quramynda Qytaıǵa sapary barysynda QazUÝ rektory, akademık Ǵalym Mutanov belgili joǵary tehnologııalyq kompanııalardyń ókilderimen kezdesip, ǵylymı-tehnıkalyq yntymaqtastyqty keńeıtý máselelerin talqylady. «Inspur» kompanııasymen joǵary tehnologııalar salasyndaǵy yntymaqtastyq týraly memorandýmǵa qol qoıyldy. Taraptar joǵary ónimdi serverler, QR-da derekterdi saqtaý júıeleri men derbes kompıýterlerdi óndirý boıynsha birlesken jobany iske asyrý, sondaı-aq aldyńǵy qatarly sandyq tehnologııalar transferti jáne Big Data, zattar ınterneti, jasandy ıntellekt, bultty tehnologııalar jáne t. b. baǵyttarda ǵylymı zertteýler júrgizý máselelerin talqylady.

Mundaı jobalardy tabysty júzege asyrý «Sıfrlyq Qazaqstan» memlekettik baǵdarlamasyn iske asyrýǵa yqpal etip, ǵylymdy qajetsinetin tehnologııalardy damytý men el ekonomıkasyn jańǵyrtý lokomotıvteriniń biri bolmaq.

 

ALMATY

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Uqsas jańalyqtar