Taǵaıyndaý • 16 Qyrkúıek, 2019

Kásipodaqtar federasııasynyń jańa tóraǵasy saılandy

120 retkórsetildi

Nur-Sultan qalasynda Kásipodaqtar federasııasynda Bas keńestiń otyrysy ótti. Keńes otyrysynda QRKF basshysy Baqytjan Ábdiraıym basqa qyzmetke aýysýyna baılanysty Kásipodaqtar federasııasynyń Tóraǵasy ókilettigin toqtatty. Bul týraly federasııanyń baspasóz qyzmeti habarlady. 

Baqytjan Ábdiraıym qazaqstandyqtardyń ál-aýqatyn damytý jolynda qoıan-qoltyq jumys istegen áriptesterine eren eńbekteri men artqan senimderi, qoldaýlary úshin alǵys aıta otyryp, Kásipodaqtar federasııasy halyqtyń ál-aýqatyn nyǵaıtýǵa jáne Eńbek adamynyń ómir súrý sapasyn arttyrý úshin jańa múmkindikter qalyptastyrýǵa baǵyttalǵan jumystardyń basy-qasynda bolatyndyǵyn jetkizdi.

Osy jyldar ishinde Kásipodaqtar federasııasy ýaqyt talaptaryna saı úılesimdi qadamdar jasady, jumysshylardyń eńbek quqyqtary men múddelerin qorǵaý jolynda birqatar is-sharalar atqardy. Bul, óz kezeginde, kásipodaqtar qozǵalysyna jańa lep berip, áleýmettik-eńbek salasynyń ózekti baǵyttary boıynsha jańa deńgeıge shyǵýǵa múmkindik berdi.

Elbasy Nursultan Nazarbaev QRKF kezekten tys XXV sezinde kásipodaqtardyń jetistikterin joǵary baǵalap, Kásipodaqtar federasııasy qazaqstandyqtardy Tórtinshi ónerkásiptik revolıýsııanyń jańa sharttaryna áleýmettik beıimdeý úshin qozǵaýshy kúsh bolýy tıistigin atap ótken bolatyn.

Bas keńestiń músheleri QRKF tóraǵasy laýazymyna 2 kandıdatýrany – belgili qoǵam jáne saıası qaıratker Eraly Toǵjanovtyń jáne «Qazaqstandyq temirjol, avtokólik, áýe jáne sý kóligi qyzmetkerleriniń salalyq kásipodaǵy» QB tóraǵasy Orazǵalı Ahmetbaevtyń kandıdatýrasyn usyndy.

Kásipodaqtar federasııasynyń Jarǵysyna sáıkes ótken daýys berý nátıjesinde Eraly Toǵjanov balama negizde Kásipodaqtar federasııasynyń tóraǵasy bolyp saılandy.

Eraly Luqpanuly Toǵjanov túrli jyldary Qazaqstan halqy Assambleıasynyń tóraǵa orynbasary, Qazaqstan Respýblıkasy Ádilet mınıstrligi Din ister komıtetiniń tóraǵasy laýazymdarynda, sondaı-aq Qazaqstan aımaqtarynda basshylyq qyzmetter atqardy.

Sońǵy jańalyqtar

Áriptestik ornatýǵa kelisti

Tehnologııa • Búgin, 08:16

Investorlardyń alǵysy

Aımaqtar • Búgin, 08:10

Qoǵamdyq keńester qyzmeti jandanady

Parlament • Búgin, 08:08

Áskerde tártip bolmasa...

Qoǵam • Búgin, 07:56

Estaıdyń jańa sýreti tabyldy

Tanym • Búgin, 07:49

«Egemen» – ómirsheń basylym

Rýhanııat • Búgin, 07:45

Adaldyq qundylyqtary dáripteldi

Aımaqtar • Búgin, 07:44

Jańa formattaǵy mamandar daıyndaıdy

Aımaqtar • Búgin, 07:41

Bos jatqan jerlerge baqylaý kúsheıdi

Aımaqtar • Búgin, 07:36

San salaǵa serpin bergen Túrkistan

Aımaqtar • Búgin, 07:31

Álimjettikke qandaı jaza bar?

Tanym • Búgin, 07:29

Parıjdi moıyndatqan qazaq qyzy

Álem • Búgin, 07:26

«Áıteýir aqsaqaldar aıtpady dep...»

Rýhanııat • Búgin, 07:24

Úkilim-aı

Tanym • Búgin, 07:21

Donbass neden dúrlikti?

Álem • Búgin, 07:19

Tasqynǵa – tosqyn

Úkimet • Búgin, 07:12

Uqsas jańalyqtar