Qoǵam • 16 Qyrkúıek, 2019

Shamalǵandaǵy apatta zardap shekken áıel QTJ qyzmetkeri bolyp shyqty

132 retkórsetildi

Bul týraly «Qazaqstan temir joly» ulttyq kompanııasynyń baspasóz qyzmeti habarlady. 

«Almaty oblysyndaǵy JKO japa shekken eki qyz jáne olardyń anasy 33 jastaǵy áıel «Qazaqstan temir joly» ulttyq kompanııasynyń qyzmetkeri bolyp shyqty. «QTJ» UK» AQ onyń emdelýine jáne ary qaraı saýyǵyp ketýine barlyq qajetti, sonyń ishinde materıaldyq kómek kórsetedi», delingen habarlamada.

Kompanııanyń habarlaýynsha, japa shegýshi Almaty lokomotıv paıdalaný deposynda esepshi bolyp jumys isteıdi, onyń temirjol kóligindegi jumys ótili – 14 jyl. Otbasy týystarynda ótkizgen demalystarynan úılerine qaıtyp kele jatqan. Poıyzben soqtyǵysqanǵa deıin avtobýs jolaýshylary salondy artqy esik arqyly tastap shyqqan. Qolynda qyzdary uıyqtap jatqan Elmıra avtobýstan shyǵyp úlgere almapty. Qazir japa shegýshi Qaskelen qalasyndaǵy ortalyq aýdandyq aýrýhanasynyń jansaqtaý bóliminde jatyr. Onyń qyzdary jabyq bas súıek-mı jaraqattaryn alǵan. Áıeldiń óziniń - bas mıy shaıqalyp, jaraqattyq shok alyp, oń qoly, buǵanasy, qabyrǵasy synǵan.

Áriptesteri oǵan jáne qyzdaryna erterek saýyǵyp ketýin tileıdi. «QTJ» UK» AQ arnaıy komıssııasy oqıǵa oryn alǵan jerge shyǵyp ketti. Kompanııa basshylyǵy japa shegýshiniń jaǵdaıyn bilý úshin aýrýhanaǵa barǵan.

«Biz emdeýshi dárigerlermen sóılestik, olar japa shegýshilerdiń densaýlyǵynyń aýyrlyǵyn aıtty. Dárigerler olardyń saýyǵyp ketýi úshin barlyq múmkindikti qoldanatyn bolady. Kompanııa japa shegýshilerdiń emdelýine jáne ary qaraı saýyǵyp ketýine járdemdesedi jáne barlyq qajetti kómek kórsetetin bolady», - dedi «QTJ» UK» AQ bas ınjeneri Batyr Kotyrev.

Sońǵy jańalyqtar

Qyzylorda: Test synamalary jetkizildi

Aımaqtar • Búgin, 11:56

Til saıasatyna reforma kerek pe?

Suhbat • Búgin, 10:45

Petropavl: 16 jastaǵy boıjetken ustaldy

Aımaqtar • Búgin, 10:28

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Uqsas jańalyqtar