Qoǵam • 17 Qyrkúıek, 2019

Sıfrlandyrýdyń bilimge yqpaly talqylandy

18 retkórsetildi

Otandyq jáne sheteldik joǵary oqý oryndary ókilderiniń qatysýymen elordada bilim sapasyn qamtamasyz etý boıynsha Eýrazııalyq forým ótti. Sharada spıkerler men qonaqtar ýnıversıtetti sıfrlandyrýdyń mańyzy men tıimdi joldary jóninde oı bólisti.

Joǵary bilim salasyndaǵy ózekti ta­qy­ryptardy talqylaýǵa arnalǵan alańdy «Bilim sapasyn qamtamasyz­dan­dyrý boıynsha táýelsiz agenttigi» uıymdastyrdy.

Jıynda alǵashqylardyń biri bolyp sóz alǵan EQAR (Joǵary bilim berý sapasyn qamtamasyz etýdiń Eýropalyq reestri) prezıdenti, professor Karl Dıtrıh «Sıfrlandyrý ǵasyryndaǵy sapa, sapa kepildigi jáne yntymaqtastyq» taqyrybynda baıandama jasady. Onyń oıynsha, bilim berýdiń sapasy oqytýdyń sapasyna, sondaı-aq pedagogtardyń kásibıligi men biliktiligine baılanysty. Qazirgi zamanda zamanaýı tehnıkalar men sıfr­ly tehnologııalardy meńgermegen maman sapaly nátıje kórsete almaıdy. Al sapaly bilimmen qamtamasyz etýde yntymaqtastyqtyń róli orasan. Bul óz kezeginde bilim berýdi ınternasıonaldandyrý máselesin alǵa shyǵarady. «Internasıonaldandyrý – bilim berýdegi kóptegen túıtkildiń túıinin tarqatatyn tıimdi jol. Biz óz-ózimizdi damytý úshin bir-birimizge qushaq ashýymyz kerek», degen spıker bilim berýdi ınternasıonaldandyrý álemdik ozyq tájirıbeni ıgerýge, mamandardy oqytýǵa, halyqaralyq qaýym­dastyqtarmen tyǵyz baılanys ornatýǵa, senimmen dıalog qurýǵa, aınalyp kelgende sapaǵa kepildik beredi.

Sátbaev ýnıversıtetiniń akade­mııa­lyq jumystar jónindegi prorektory Rınat Maratuly bilim berýdi sıfrlan­dyrý aıasyndaǵy JOO-nyń básekege qa­bi­lettiligine toqtaldy. Spı­ker­diń só­zine sensek, ýnıversıtetter bá­se­kege qabiletti bolýy úshin mamandyq – quzyret­tilikke, mamandaný – daǵdy­lanýǵa, aqpa­rat­tyq tártip – ınteraktıv­ti tártipke, leksııa – belsendi sabaqqa, aqparat – talqy­­laýǵa, jazbasha kýrstyq jáne dıplom­­dyq jumystar – daıyn nysan ne­mese ónim negizindegi kýrstyq jáne dıp­­lomdyq jumystarǵa aınalýy qajet. Baıan­­da­mashynyń paıymdaýynsha, sıfrlan­dyrý zamanyndaǵy professor qoıyl­ǵan suraqtyń jaýabyn oılanyp bola­myn degenshe, stýdentter óz keregin birneshe faktilermen taýyp qoıady. Son­dyqtan burynǵy ádis-tásil jaramaıdy.

Birneshe baıandamashyny tyńdap, talqylaýǵa qatysqan L.N.Gýmılev atyn­­daǵy Eýrazııa ulttyq ýnıversıteti Halyqaralyq quqyq kafedrasynyń meńgerýshisi Sholpan Tlepına forýmnan kóp oı túıgenin aıtty.

Sońǵy jańalyqtar

«Eńbekshi qazaq» basqarmasy

100 • Búgin, 07:09

Azamattyq ustanymym qalyptasty

100 • Búgin, 07:05

Taralym hám qaralym

100 • Búgin, 06:55

«Egemen» esten shyqpaıdy

100 • Búgin, 06:47

Qandastarǵa qamqorlyq jasaǵan

100 • Búgin, 06:42

Tarhan tekti redaktor

100 • Búgin, 06:40

Júz jyl

100 • Búgin, 06:27

Jaqsy dástúr jalǵasa beredi

100 • Búgin, 06:22

Ushqyr oılar ushqyndary

100 • Búgin, 06:11

Úlken joldyń úzikteri

100 • Búgin, 05:58

Investısııa – damý dańǵyly

Aımaqtar • Búgin, 05:49

Yntymaqtastyq máseleleri qaraldy

Qoǵam • Búgin, 05:43

Ǵasyrlyq shejire ǵıbraty

100 • Búgin, 05:39

Tapa tal tústegi qaraqshylyq

Aımaqtar • Keshe

Dombyradan tegin dáris berip júr

Rýhanııat • Keshe

Arymas abyroı

Rýhanııat • Keshe

Kóneden kelgen kónek

Rýhanııat • Keshe

Uqsas jańalyqtar