Álem • 17 Qyrkúıek, 2019

Japonııa úkimeti jańadan jasaqtaldy

61 retkórsetildi

О́tken aptada Japonııanyń úkimeti tolyq quramda otstav­kaǵa ketip, mınıstrler kabıneti jańadan jasaqtaldy.

Japonııanyń premer-mınıstri Sındzo Abe úkimetti túgelge jýyq taratty. Úki­met basshysynyń mundaı sheshim­ge kelýine shilde aıynda ózi ba­sqaratyn Lıberaldy-demo­kra­­tııalyq partııanyń parla­ment saılaýynda jeńiske jetýi túrtki boldy. Bul syrtqy saıası baǵyt pen el ishindegi ekonomıkalyq saıasatty odan ári ilgeri júrgizý úshin qajet.

О́tken jyly qazan aıynda úkimet jańartylǵanda kóptegen mınıstr óz oryndaryn saqtap qalǵan edi. Al bul joly tek eki laýazymdy tulǵa ǵana qyz­metterin jalǵastyra bermek. Olar – úkimettiń bas hatshysy Esıhıde Sýga men qarjy mı­nıstri Taro Aso.

Mınıstrler kabınetiniń eki múshesi qyzmetten shettetilmeı, oryndaryn aýystyrdy. Syrt­qy ister mınıstri Taro Ko­no qorǵanys mınıstri bolyp ta­ǵaı­yndalsa, onyń burynǵy or­nyna ekonomıkany qaıta qal­pyna keltirý isi jónindegi mınıstri bolǵan Tosımısý Motegı keldi. Sondaı-aq buryn úkimet quramynda qyzmet etken eki adam qaıta oraldy. Den­­saýlyq saqtaý, eńbek jáne ál-aý­qat mınıstri Kasýnobý Kato bolsa, jalpyulttyq ister mınıs­tri bolyp Sanae Takıtı bekitildi.

Buǵan qosa taǵy 13 adam úkimet qu­ramyna alǵash ret enip otyr. Burynǵy premer-mınıstr Dzıýnıtıro Koı­d­zý­mıdiń uly, 38 jastaǵy Sındzıro eldiń soǵystan keıingi tarıhynda mınıstrler kabıneti quramyna kirgen eń jas saıasatker boldy. Sarapshylar ony bolashaqta úkimet basshysy laýazymynan úmitker bola alatynyn aıtady.

Sonymen qatar úkimet qu­ra­mynan tys laýazym – qaýip­sizdik keńesiniń bas hatshysy bolyp Sıgerý Kıtamýra taǵaı­yn­daldy. Ol buǵan deıin barlaý jáne zertteý bólimin basqarǵan edi.

Jańa mınıstrler kabıne­ti­niń or­tasha jasy 61,5 jasty qurady. Sár­senbi kúni Japonııa ımperatorynyń jańa quramdy maquldaý rásimi ótti.

Japonııanyń Nihon Keizai basylymy jańarǵan úkimetke el ekonomıkasyn qalpyna kel­tirý jáne áleýmettik qamsyz­dan­dyrý júıesin reformalaý sııaqty máselelerdi sheshýde oń nátıjelerge qol jetki­zý jaýapkershiliginiń júktel­ge­nin jazdy. «Men jańa zaman­daǵy eldiń damýyn alǵa jyljyta­tyn­daı jańa quram jasaqta­dym. Biz reformalarǵa batyl kiri­semiz», dedi Sındzo Abe úki­met aýysqannan keıingi bas­pasóz máslıhatynda.

Japonııada qazan aıynan bas­tap salyq 10%-ǵa kóteri­ledi. Osynyń aldynda úki­met­tiń jańartylýy mınıstr­ler­diń mindetin arttyra túspek. О́ıtkeni salyqty qansha kóter­genmen, áleýmettik qamtamasyz etý shyǵyndarynyń ósimin te­jeý ońaı sharýa bolmaı tur. 2014 jyly elde tutyný saly­ǵy 5-ten 8%-ǵa deıin joǵary­laǵan. Jalpy, Sındzo Abe kezin­de aksııa baǵasy ósip, salyq­tyq túsimder edáýir molaı­ǵan. Degenmen, bul bala týý men halyqtyń qartaıý kórset­ki­shiniń tómendeýinen áleýmet­tik shyǵyndardy jabýǵa jetkilik­siz eken. Sondyqtan áleý­met­ta­ný­shylar úkimetke salyq ósi­mine arqa súıemeı, máseleni she­shýdiń jańa joldaryn qa­rastyrý qajet ekenin aıtady.

Úkimet basshysy 72 jyldan kóp ýaqyt buryn jazylǵan kons­tıtýsııaǵa ózgeris engizgisi keletinin birazdan beri baıqa­typ keledi. Ne­gizgi zańnyń qa­zir­gi zaman talabyna tolyq jaýap bere almaıtynyn alǵa tartatyn Sındzo Abe ásirese, memlekettiń óz áskerin qurýdan já­ne soǵystarǵa qatysýdan bas tartýyn mindetteıtin 9 bapty qaıta qa­raýdy ashyq aıtyp júr. Ol 2020 jyl Japonııanyń qaıta jańǵyratyn jyly bolady dep senedi.

Japonııa – Qazaqstannyń Shy­ǵys Azııadaǵy negizgi saýda-ekonomı­kalyq áriptesteriniń biri. Qazaqstan Ult­tyq banktiń málimetine sáıkes 2018 jyly Japonııadan kelgen ın­ves­tısııalardyń jalpy kólemi 403 mln dollardy qurady. Qazaqstanda ja­pondyq kapıtaldyń qatysýymen 70-ten asa kásiporyn jumys isteıdi.

Sońǵy jańalyqtar

Eń qysqa áńgime. Aldabergen Kempirbaı

Eń qysqa áńgime • Búgin, 13:00

Eń qysqa áńgime. Erkeǵalı Beısenov

Eń qysqa áńgime • Búgin, 12:42

Eń qysqa áńgime. Kógedaı Shámerhan

Eń qysqa áńgime • Búgin, 12:39

Eń qysqa áńgime. Jasulan Serik

Eń qysqa áńgime • Búgin, 12:37

Eń qysqa áńgime. Aqjol Qalshabek

Eń qysqa áńgime • Búgin, 12:28

Eń qysqa áńgime. Nurbek Nurjanuly

Eń qysqa áńgime • Búgin, 12:24

Elbasy Takeo Kavamýramen kezdesti

Prezıdent • Búgin, 11:34

Saǵynaıdyń beıiti tabyldy

Aımaqtar • Búgin, 10:52

Aqmolanyń astyǵyna suranys mol

Aımaqtar • Búgin, 10:22

Kúlki kerýeni № 7

Rýhanııat • Búgin, 10:20

Uly dalanyń tarıhy qaıta jańǵyrýda

Qazaqstan • Búgin, 10:09

Atalmaı nege qalsyn Musa aty?!

Rýhanııat • Búgin, 10:01

Uqsas jańalyqtar