Qoǵam • 17 Qyrkúıek, 2019

Elimizdiń bilim salasyndaǵy sarapshylary Joldaýǵa qatysty hat joldady

26 retkórsetildi

Redaksııamyzdyń hat-qorjynyna elimizdiń bilim salasyndaǵy sarapshylarynyń atynan Prezıdent
Qasym-Jomart Toqaevtyń Qazaqstan halqyna Joldaýynda kóterilgen máselelerge qoldaý bildirgen hat kelip tústi. Biz hat mátinin tolyq usynǵandy jón kórdik.

Qazaqstan Respýblıkasynyń Prezıdenti Qasym-Jomart Kemeluly Toqaevqa!

Asa mártebeli Prezıdent myrza!

2019 jylǵy 2 qyrkúıekte Qazaqstan halqyna arnaǵan alǵashqy Joldaýyńyzda elimizdegi bilim berý sapasyna erekshe toqtalyp ótkenińiz eldegi ustazdar qaýymyn dúr silkindirdi. Bilim berý sapasyn jaqsartý dep atap, sonyń ishinde mamandar daıarlaý isinen bastap, oqýlyq sapasyna deıingi, bilim berý júıesinde qordalanyp, sheshimin tabýdy talap etip turǵan máselelerdiń bárine derlik toqtaldyńyz.

Bilim salasyna degen erekshe kóńi­lińiz ben qamqorlyǵyńyz Tamyz konferensııasyna qatysyp, bastamalar men tapsyr­malaryńyzdan kórinip edi, endi Sizdiń Joldaýyńyzda bilim máseleleriniń jańa qyrlary ashyldy.

Atap aıtqanda, elimizde sapaly bilim alýdy qamtamasyz etýmen qatar jastardyń bolashaq mamandyqtaryn durys tańdaı bilýiniń mańyzdylyǵyn aıttyńyz. Shynynda da, oqýshylardyń qabiletin aıqyndap, kásibı baǵdar berý saıasatyna kóshý – qazirgi tańda mektep jasyndaǵy balalardy bolashaqta básekege qabiletti halyqaralyq  deńgeı­de jumys isteı alatyn bilikti maman etip tárbıeleýdiń alǵysharty. Kásiptik baǵyt-baǵdar berý saıasaty – kezek kúttirmeıtin, jyldamdatyp qolǵa alynýy tıis sharýa. Qazirgi tańda JOO alǵashqy kýrs stýdentteriniń 70 paıyzyna jýyǵy óz mamandyǵyn durys anyqtap almaı kelgeni belgili bolyp otyr. Sonyń saldarynan, dıplomy bar jumyssyzdar qatary molaıyp, joǵary bilim berý salasynda nátıjelilik tómendep ketkeni qynjyltady. Tipti kóptegen stýdent alǵash­qy semestrlerden keıin-aq óz erkimen oqýdan shyǵyp ketip jatady. Bul joǵary bilim salasyna bólinetin memleket qarjysynyń tıimsiz jumsalýyna da alyp keledi. Sondyqtan Siz bastama kóterip otyrǵan kásiptik baǵyt-baǵdar berý saıa­saty – elimizdegi joǵary bilim berý  salasyn jandandyryp, JOO túlekteriniń el múddesine qyzmet etetin azamat bolyp shyǵýyna, maman tapshylyǵy sezilip otyrǵan salalardy shetelden shaqyrylǵan qyzmetkerler emes, Qazaqstan Respýblıkasynyń azamattarymen toltyrýǵa múmkindik berip, sol arqyly elimizdiń ǵylymı, tehnıkalyq, ınjenerlik, ekonomıkalyq áleýetin arttyrýǵa jol ashpaq.

 Joldaýda atap ótilgen bilim salasyna qatysty bastamalar birinsiz biri júzege aspaıtyny belgili. Sonyń ishinde qala men aýyl mektepteri arasyndaǵy bilim sapasynyń alshaqtap ketkenine basa mán bergenińizdi erekshe aıtqymyz keledi. Aýyl mektepteriniń negizgi máselesi retinde joǵary bilikti muǵalimderdiń jetispeýin atap, ony sheshýdiń jolyn kórsetip tursyz. Bul – aýyl mektepterindegi muǵalimderdiń úmitin úrlep, senimin arttyrdy. «Dıplommen – aýylǵa!» baǵdarlamasyn júzege asyrýǵa 20 mlrd teńge qarajat bólinýin shegelep aıtqanyńyz aýyl mektepterine, aýyldaǵy oqýshylar men ustazdarǵa degen Sizdiń jeke qamqorlyǵyńyz dep sezindik. Memleket tarapynan osyndaı qoldaýdy kórip, sezip otyrǵan ustazdar qaýymy bilim sapasyn arttyrý jolynda aıanbaı eńbek etýge qulshyna kirisetini anyq. 

El ishindegi, ásirese aýyldyq jerlerdegi erekshe qabileti bar, daryndy balalar úlken qalalarǵa jete almaı, daryny men qabiletin shyńdaýǵa qol jetkize almaı jatady. Osy oraıda az qamtylǵan jáne kóp balaly otbasylarǵa qoldaý kórsetip, daryndy balalardyń qabiletin damytýdyń jol kartasyn ázirleý bastamańyz kásiptik baǵyt-baǵdar berý saıasatymen ushtastyra júzege asyrylsa – Qazaqstannyń halyqaralyq deńgeıdegi básekege qabiletin arttyra túsetin ıgi is bolmaq.  Osy atalǵan bastamalar – elimizdegi  kásiptik bilim berý salasynda qyzmet atqaryp otyrǵan ustazdar qaýymyna da erekshe qulshynys beredi, óıtkeni memlekettiń qamqorlyǵyn sezine otyryp, daryndy oqýshylardy tárbıeleýde esh kedergisiz jumys isteı alý – ár ustazdyń armany. 

Osy atalǵannyń bári Qazaqstan Respýblıkasynyń Prezıdenti bolyp saılanǵannan keıingi alǵashqy Joldaýyńyz­da kórsetilgen eń mańyzdy bastamalardyń biri – joǵary bilim­niń sapasyn arttyrýǵa yqpal etedi.

Bilim bólimderin basqarýdy aýdan­dyq deńgeıden oblys­tyq deńgeıge ótkizý máselesine toqtalǵanyńyz Sizdiń eli­miz­de­gi bilim berý júıesine nemquraıly qaramaıtyn, tek kózge kórinip turǵan máselelerdi ǵana emes, onyń sebebi men saldaryn tereń bilip, sheshý joldaryn izdestirýge erekshe múdde tanytatyn, bilim berý salasy el bolashaǵynyń qaınar kózi ekenine aıryqsha mán beretin memleket basshysy ekenińizdi kórsetti.

Oqýlyq sapasyn jaqsartýdy aıryqsha atap tapsyrma berýińizden bilim berý sapasyna beıjaı qaramaı, el bolashaǵyn óskeleń urpaqtyń taǵdyrymen baılanystyra qarastyratynyńyzdy, jas urpaqtyń keleshegi únemi oıyńyzdyń bir túkpirinde júretinin kórip, ustazdar men ata-analar qaýymy asa rıza boldy.

Qazaqstan Respýblıkasynyń Tuńǵysh Prezıdenti – Elbasy­­nyń tapsyrmasy­men qolǵa alyna bastaǵan ustazdar mártebesi týraly Zań qabyldanýyn qaıta qolǵa alyp, óz baqylaýyńyzben júzege asýyna den qoıdyńyz. Osy máselege degen erekshe yqylasyńyzdy 2019 jylǵy 16 tamyzda ustazdardyń Tamyz máslıhatynda kórsettińiz. El táýelsizdigi jyldary úzbeı ótkiziletin Tamyz máslıhatyna alǵash ret Memleket basshysy retinde qatysýyńyz osy eldegi eń mańyzdy tulǵa muǵalim ekenin basa kórsetip, ustazdardyń rýhyn kóterip, jańa serpin, tyń kúshpen jańa oqý jylyn bas­taýyna aıryqsha shabyt berdi.

Asa mártebeli Qasym-Jomart Kemeluly, Sizdiń Jolda­ýyńyz­dy tyńdaǵan kezde qazaqtyń uly hany Abylaıdyń «Bilekke sener zamanda eshkimge des bermedik, bilimge sener zamanda qapy qalyp júrmeıik» degen amanaty ózińizdeı Memleket basshysy bar elde oryndalatynyna senimimiz kúsheıdi.

Ustazdar ózińizge senedi, Prezıdent myrza! Osy bastamalardy júzege asyrý jolynda Siz de eldegi ár ustazǵa senim artyp, arqa súıeı alasyz! El bolashaǵyn tárbıeleý isinde Qazaqstandaǵy ár muǵalim Siz bastaǵan jolmen júrýge ázir.

 

Qazaqstan Respýblıkasynyń bilim sarapshylary atynan

 Ǵanı BEISEMBAEV,

 PhD doktory

 

Sońǵy jańalyqtar

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Eń qysqa áńgime. Saılaý Tóleý

Eń qysqa áńgime • Keshe

Eń qysqa áńgime. Erbol Boranshy

Eń qysqa áńgime • Keshe

Eń qysqa áńgime. Kúlaına Orazbekqyzy

Eń qysqa áńgime • Keshe

Eń qysqa áńgime. Qurmanǵazy Jumaǵul

Eń qysqa áńgime • Keshe

Eń qysqa áńgime. Qurmanjan Qasymjanuly

Eń qysqa áńgime • Keshe

Eń qysqa áńgime. Nurlan Qabdaı

Eń qysqa áńgime • Keshe

Dáýir belesiniń avtory

Ádebıet • Keshe

Minez jumbaqtyǵy

Ádebıet • Keshe

Áýezovtiń jalǵasy

Ádebıet • Keshe

Ǵasyr epopeıasy

Rýhanııat • Keshe

Til tirligi – tilge muqtajdyqta

Rýhanııat • Keshe

Talastan shyqqan dıplomat

Rýhanııat • Keshe

О́risi keń, óreli

Rýhanııat • Keshe

Hat qorjyn (22.10.2019)

Rýhanııat • Keshe

Uqsas jańalyqtar