Qoǵam • 17 Qyrkúıek, 2019

El damýyna jańa serpin beredi

105 retkórsetildi

Árbir Joldaýdyń jarııalanýy – bizdiń qoǵam úshin memlekettik deńgeıdegi mańyzdy oqıǵa. Joldaýda memlekettiń birinshi tulǵasy el damýynyń asa ózekti máselelerin anyqtaıdy, olardy sheshýdiń naqty joldary men sharalaryn kórsetedi, strategııalyq baǵdarlar men qoǵamnyń odan ári údemeli damýynyń baǵyttaryn aıqyndaıdy.

Prezıdent Qasym-Jomart Toqaev Qazaqstan halqyna arnaǵan Joldaýynda Úkimettiń aldaǵy ýaqytta kúsh-jigeri baǵyttalatyn bes negizgi salany atap ótti. Mańyzdy salalardyń biri – memle­ket­tik qurylys. Qazirgi zamanǵy tıimdi Qa­­zaqstan memleketin damytý eldiń qoǵam­dyq-saıası ómirin jańǵyrtýsyz múmk­in emes.

Tıimdi memlekettiń negizi – memleket pen halyq arasyndaǵy senimdi qarym-qatynas. «Estıtin memleket» tujy­rym­damasy – halyq tarapynan áreket ete­tin bılikke degen senimdi ornatý men ny­ǵaıtýǵa negizgi ekpin jasalatyn bas­ty strategııalyq element. Al jaqynda qurylǵan Ulttyq qoǵamdyq senim keńesi tıimdi suhbat alańyna aınalady, onda azamattyq qoǵam asa ótkir jáne ózekti jalpy memlekettik máseleler boıynsha óz pikirin bildiredi.

«Kúshti Prezıdent – yqpaldy Par­la­ment – esep beretin Úkimet» – qa­zir­gi zamanǵy tıimdi Qazaqstan mem­le­ke­tin órkendetýdiń negizgi formýlasy. Ony iske asyrý úshin partııalyq qurylys úde­ri­sin jalǵastyrý, halyqpen tıimdi keri baılanys ornatý, mıtıngiler týraly zań­namany jetildirý, qoǵamdyq kelisimdi ny­ǵaıtý qajet.

Azamattardyń quqyqtary men qaýip­siz­digin qamtamasyz etý – salamatty qoǵam qu­rý úshin mańyzdy shart. Osy maqsatta sot jáne quqyq qorǵaý júıelerine tereń reformalar júrgiziledi. Sondaı-aq bul Qarýly Kúshter júıesine de qatysty. Qoǵamda keń talqylaýlarǵa negiz bolǵan qaıǵyly oqıǵalar mundaı reformalar qajet ekenin dáleldeıdi.

Joldaýda áleýmettik-ekonomıkalyq jospar máseleleriniń kesheni óte aýqym­dy. Memleket basshysy ekonomıka­ny odan ári ártaraptandyrýǵa jáne shıki­zattyq baǵyttan aýytqýǵa, agro­óner­ká­sip­tik sektordy damytýǵa, qarjylyq jáne salyqtyq retteýge, shaǵyn jáne orta bıznesti damytýǵa, Ulttyq qor resýrstaryn tıimdi basqarý men paıda­lanýǵa qatysty t.b. segiz ózekti ekono­mı­kalyq má­seleni atap ótti.

Qazaqstandyq shaǵyn jáne orta ká­siptiń damýyn yntalandyrý jáne ós­ýin belsendi etý úshin mańyzdysy – Pre­zı­dent­tiń ShOB kompanııalaryn úsh jyl merzimge tabys salyǵyn tóleýden bosatý týraly, sondaı-aq shaǵyn jáne orta bıznesti tekserýge úsh jyl tyıym salý týra­ly sheshimi. Árıne, bul sheshimdi júzege asyrý ShOB-ty damytýǵa jańa serpin beredi. Sonymen qatar Qasym-Jomart Toqaev atap ótkendeı, bıznes tutynýshylar men azamattar aldynda jaýapty bolýy tıis. Oǵan ózin ózi retteý jáne qoǵamdyq baqylaý quraldary kómektesedi. Bıznesti damytýdy qoldaýǵa Ulttyq qordan 100 mlrd teńge bólinedi.

Suraqtardyń áleýmettik blogy bilim berý salasyndaǵy máselelerdi sheshýge, otbasy men bala ınstıtýtyn qol­daý­ǵa, ınklıýzıvti qoǵam qurýǵa, me­dı­sınalyq qyzmetterdiń sapasy men qoljetimdiligin qamtamasyz etýge, máde­nı­et qyzmetkerlerin qoldaýǵa jáne áleýmettik qoldaý júıesin odan ári damytý máselesine qatysty boldy.

Múmkindigi shekteýli adamdardy qoǵam­nyń tolyqqandy ómirine tartý – ınk­lıýzıvti qoǵam qurýdyń basty mindeti. Bul maqsatqa úsh jyl ishinde 58 mlrd teńge bólinedi.

Zeınetaqy júıesin damytý jáne zeı­netaqy aktıvterin tıimdi basqarý máselesi de ońaı emes. Jumys isteıtin aza­mattardyń ózderiniń zeınetaqy jı­naq­­tarynyń bir bóligin maqsatty paıdalaný múmkindigi qoǵamda birneshe ret talqylandy. Úkimetke maqsatty paıdalaný máselesin pysyqtaý tapsyrmasy halyqtyń kópshiligi úshin mańyzdy.

О́ńirlik damýda barlyq deńgeılerde bıýdjet úderisin uıymdastyrý qaıta qaralady, bul jergilikti bılik organda­ry­na halyqpen birlesip máse­lelerdi sheshýde ekonomıkalyq ne­ǵur­lym erkin bolýǵa múmkindik beredi. Kóshi-qon úderisterin retteý, iri qalalar ákimderiniń quzyretin keńeıtý jónindegi sharalar basqarýdyń tıimdiligin arttyr­ýy tıis.

 

Ásel ÁBEN,

Prezıdent janyndaǵy QSZI-diń Almaty qalasyndaǵy ókildiginiń basshysy, ekonomıka ǵylymdarynyń kandıdaty

 

Sońǵy jańalyqtar

Garrı Kasparov robottardan saq bolýdy eskertti

Tehnologııa • Búgin, 09:11

Áriptestik ornatýǵa kelisti

Tehnologııa • Búgin, 08:16

Investorlardyń alǵysy

Aımaqtar • Búgin, 08:10

Qoǵamdyq keńester qyzmeti jandanady

Parlament • Búgin, 08:08

Áskerde tártip bolmasa...

Qoǵam • Búgin, 07:56

Estaıdyń jańa sýreti tabyldy

Tanym • Búgin, 07:49

«Egemen» – ómirsheń basylym

Rýhanııat • Búgin, 07:45

Adaldyq qundylyqtary dáripteldi

Aımaqtar • Búgin, 07:44

Jańa formattaǵy mamandar daıyndaıdy

Aımaqtar • Búgin, 07:41

Bos jatqan jerlerge baqylaý kúsheıdi

Aımaqtar • Búgin, 07:36

San salaǵa serpin bergen Túrkistan

Aımaqtar • Búgin, 07:31

Álimjettikke qandaı jaza bar?

Tanym • Búgin, 07:29

Parıjdi moıyndatqan qazaq qyzy

Álem • Búgin, 07:26

«Áıteýir aqsaqaldar aıtpady dep...»

Rýhanııat • Búgin, 07:24

Úkilim-aı

Tanym • Búgin, 07:21

Donbass neden dúrlikti?

Álem • Búgin, 07:19

Tasqynǵa – tosqyn

Úkimet • Búgin, 07:12

Uqsas jańalyqtar