Jigerli jastardy jınaǵan netvorkıng

«Bolashaq» qaýymdastyǵy uıymdas­tyrǵan basqosýdyń ortasynan qala áki­mi Erlan Aıtahanov ta tabylyp jas­tar uıymdarynyń jetekshilerimen, belsendi stýdenttermen suhbattasty. Ol Pre­zıdent Qasym-Jomart Toqaevtyń Joldaýynda kórsetilgen azamattyq sek­tor­dyń belsendiligin arttyrý baǵytyna toqtalyp, tyń ıdeıasy bar jastardy qol­daý mańyzdy ekenin aıtty.

– Bizdiń jastar – bızneske beıim. Qaı salada da bilimmen qosa tárbıe máse­lesine de mán berý kerek. Jalyndy jas­­­tar qo­ǵamdyq jumysqa, azamattyq sek­­tor­ǵa bilek sybana atsalyssa, memle­kettik bá­sekege qabiletti bolýyna úles qo­sady. Son­dyqtan men jastardan naqty usy­nystar kútemin, – dedi shahar basshy­sy.

Jańa formattaǵy jobada «Bolashaq» qaýymdastyǵynyń atqarýshy dırektory Laýra Demesinovamen kezdesken jastar bilim, ǵylym salasy boıynsha ózderin tolǵandyryp júrgen suraqtarǵa jaýap ala bildi.

Sonymen qatar taǵylymdy kezdesýde Jastar jumysshylar qaýymdastyǵy keńesiniń tóraǵasy Nurlybaı Naýryzbaev, stra­tegııalyq damý jónindegi dırektor jáne «Salem Coffee & Tea» negizin qa­laý­shy, jas kásipker Aıat Azımov, GR-keńesshisi, «Bolashaq» baǵdarlamasynyń tú­legi Nurlan О́teshev, «Arnaý» damý or­ta­lyǵy» qoǵamdyq birlestiginiń tór­aǵasy, baılanys mamany, bloger Ulan Ábishev ózderiniń tájirıbelerimen bólisip, iskerlik sabaǵyn ótkizdi.

Jastarmen jumys isteıtin úkimettik emes uıymdardyń, jastar resýrstyq ortalyqtarynyń jumysyn jaqsartýdy kózdegen is-sharada jınalǵan qaýymǵa áleýmettik tapsyrystarmen jumys isteýdiń jóni túsindirildi.

О́z kezeginde Nurlan О́teshov jastar­dy kásipkerlikke qalaı baýlý kerektigi jóninde keńes berse, «Bolashaq» baǵdar­la­ma­synyń túlegi Erasyl Tólebaev Shym­­­kentte bolashaqtyqtardyń fılıalyn ashsaq degen usynysyn bildirdi. Al «Jetigen» mektebiniń dırektory Ka­­mıla Esqaraeva ál-Farabıdiń 1150 jyldyǵyna oraı ál-kanýn aspabynda ǵulama ǵalymnyń týyndylaryn jańǵyr­typ jatqanyn marqaıa jetkizdi.

Buǵan qosa qalanyń qoǵamdyq keńe­sine memlekettik emes uıymdar múshele­rin de qatystyrý, Nur-Sultan men Almaty­da­ǵydaı jastardyń aýqymdy kovorkıng ortalyǵyn qurý, respýblıkalyq deńgeıde aqyndardyń poetıkalyq dýeli men «Aqyn men ánshi» jobasyn qaıta jandandyrý, pikirsaıys klýby ashý sııaqty usynystar aıtyldy.

Erlan Aıtahanov barlyq oı-pikirdi mu­qııat tyńdap, qoldaıtynyn aıtty. Aldaǵy jyly Abaı Qunanbaıulynyń 175 jyldyq jáne ál-Farabıdiń 1150 jyl­dyq mereıtoılarynda atqarylar sharalarda jastardy belsendi bolýǵa shaqyrdy. Sondaı-aq qala basshysy jas­tardy masyldyq psıhologııadan arylyp, eńbekqor bolýǵa, eldiń damýyna óz úlesin qosyp, belgili bir ispen aınalysýǵa úndedi.

Shymkent