Batys Qazaqstanda sharýalar kún batareıalaryn ornatýda

Eseptesek, bókeıliktiń ár tur­ǵynyna orta eseppen 4 sıyr, 2 jylqy, 6 qoıdan tıedi eken.

– Bıylǵy 1-qyrkúıekte aýdan­dyq bıýdjet 3 mlrd 60 mln 890 myń teńgeni qurady. 8 aıdyń qorytyndysynda aýdandyq bıýdjetke 222 mln 675 myń teńge salyq túsip, jospar 111%-ǵa oryndaldy. 2019 jyldyń 8 aıy boıynsha jalpy ınvestısııa kólemi 1 mlrd 666 mln 290 myń teńgeni qurap otyr. Osy ýaqytta aýyl sharýashylyǵy salasynda 4 mlrd 152 mln teńgeniń ónimin óndirdik. Aýdanda 513 sharýa qojalyǵy bar. Aýdan sharýashylyqtary 4360 tonna et, 10490 tonna sút ón­dirdi, – deıdi oblystyq óńirlik kom­mýnıkasııalar qyzmetinde jýr­­nalıstermen kezdesken Bókeı or­­dasy aýdanynyń ákimi Nurlan Rahymjanov.

Aýdan ákiminiń aıtýynsha, aýdanda sheteldik asyl tuqymdy mal satyp alýǵa baǵyttalǵan jumys qarqyndy júrýde. «Sybaǵa» baǵ­darlamasy boıynsha 5 sharýa qojalyǵy Reseıden 166 bas, Be­lorýssııadan 143 bas gereford já­ne angýs tuqymdy sıyr satyp al­ǵan. Jaqynda taǵy bir sharýa qojalyǵy Belorýssııadan 105 bas asyl tuqymdy qashar ákelýdi jos­parlapty. Aýdanda «asyl tu­qymdy mal sharýashylyǵy» már­tebesin alǵan 24 qojalyq bar eken, olar 6872 bas asyl tuqymdy mal ósirip otyr.

Bir aıta keterligi, alystaǵy mal qystaqtary jańa tehnologııa­ny jappaı ıgerip jatyr. Sońǵy jyldarda 165 qystaq kún bata­reıasyn ornatqan. Bıyldyń ózinde 80 kún batareıasy jańadan qol­danyla bastapty. Memlekettiń mal ósirýshi sharýashylyqtardy sýmen qamtamasyz etý jobasy aıasynda bıyl 18 qudyq qazylǵan. «Kún batareıalaryn ornatqan jáne qudyqtaryn soqqan sharýa qo­jalyqtary memleketten tıisti sýb­sıdııalaryn alyp otyr» deıdi aýdan basshysy.

Batys Qazaqstan oblysy