Aımaqtar • 17 Qyrkúıek, 2019

«Shyǵys-2019» halyqaralyq oqý-jattyǵýy ótkizilýde

59 retkórsetildi

«Shyǵys» óńirlik qolbasshylyǵynyń «Shyǵys» oqý polıgonynynyń saptyq alańynda «Shyǵys-2019» shuǵyl taktıkalyq komandalyq shtabtyq oqý-jattyǵýy bastaldy. Oqý jattyǵýǵa Reseı Federasııasynyń Ortalyq áskerı okrýgynyń, Qurlyq áskerleriniń áskerı qyzmetshileri, Qazaqstan Qarýly kúshteriniń Áýe qorǵanys kúshteri, Ulttyq gvardııa men Ulttyq qorǵanys komıteti Shekara qyzmetiniń áskerı qyzmetshileri qatysýda. Bul týraly «Batys» óńirlik qolbasshylyǵy Basqarmasynyń baspasóz qyzmetinen kapıtan Rýstem Igısınov habarlady.

Oqý-jattyǵýdyń basty maqsaty – áskerı basqarý organdarynyń daıyndyq deńgeıin tekserý, bólimsheni basqarýdaǵy shtabtar men komandırlerdiń praktıkalyq tájirıbe alýy, óńirdegi beıbitshilikti saqtaý boıynsha arnaıy áskerı is-qımyldy birlesip oryndaýdaǵy ózara is-áreket deńgeıin nyǵaıtý bolyp tabylady.

Oqý-jattyǵý mánisi úsh kezeńnen turady – áskerlerdi jaýyngerlik daıyndyqtyń joǵarǵy deńgeıine keltirý, birlesken arnaıy áskerı operasııany daıyndaý jáne ótkizý.

Atap aıtsaq, bul oqý-jattyǵýǵa 4000-ǵa jýyq áskerı qyzmetshi, shamamen 1500 birlik áskerı tehnıka men qarý-jaraq jumyldyryldy.

«Shyǵys - 2019» ShTKSh oqý-jattyǵýy sheńberinde halyqaralyq deńgeıde Qazaqstannyń ońtústiginde taýlyq bólimshelermen jáne Qaraǵandy oblysynda raketalyq artıllerııalyq bólimshelermen shuǵyl taktıkalyq raketalardyń oqý atysy bir ýaqytta ótkizilip jatyr.

 Halyqaralyq áskerı birlestik sheńberinde Qazaqstannyń Qarýly Kúshteri Ortalyq Azııa memleketteriniń Qarýly Kúshteri bólimshelerimen, atap aıtsaq Qyrǵyzstan, О́zbekstan, Tájikstan sonymen qosa Reseı, Belorýsııa, Indııa, Týrsııa jáne basqa da memlekettermen birlesken oqý – jattyǵýlarǵa únemi qatysýda. Qazaqstannyń áskerı qyzmetshileri 2018 jyly 10-ǵa jýyq oqý – jattyǵýǵa qatysqan.

«Shyǵys-2019» ShTKSh oqý jattyǵýyn ótkizý  áskerlerdiń dalalyq jaǵdaıdaǵy daıyndyǵyn arttyrýǵa, sonymen qosa oqý – jattyǵýǵa qatysýshy memleketter arasynda máseleli suraqtardy sheshýdegi kezekti qadam bolmaq.

Sońǵy jańalyqtar

Aqtóbe qalasy karantınge jabyldy

Aımaqtar • Búgin, 20:51

Eksporttyq áleýetti arttyrý kózdelmek

Ekonomıka • Búgin, 20:11

Ulttyq online aıtys ótkizbek

Rýhanııat • Búgin, 20:10

Amandyǵyńdy oılasań, tártipke baǵyn!

Aımaqtar • Búgin, 19:00

MMA: Habıb Nurmagomedovty almastyrady

Kásipqoı boks • Búgin, 16:39

Qaraýsyz bala qaýipke urynady

Qoǵam • Búgin, 16:23

Atyraý: Kásipker usynǵan kómek

Aımaqtar • Búgin, 16:22

MMA: Denıel Korme karerasyn aıaqtaıtynyn aıtty

Kásipqoı boks • Búgin, 16:07

Uqsas jańalyqtar