Úkimet • 17 Qyrkúıek, 2019

Úkimette Jambyl oblysynyń jeke qosalqy sharýashylyqtaryn qoldaý boıynsha pılottyq joba talqylandy

56 retkórsetildi

Premer-Mınıstr Asqar Mamınniń tóraǵalyǵymen ótken Úkimettiń selektorlyq otyrysynda aýyldarda jeke qosalqy sharýashylyqtardy qoldaý arqyly Jambyl oblysynyń turǵyndarynyń tabysyn arttyrý boıynsha pılottyq jobany iske asyrý joldary qaraldy. Bul týraly Premer-Mınıstrdiń baspasóz qyzmeti habarlady.

Memleket basshysy Qasym-Jomart Toqaevtyń atalǵan pılottyq joba boıynsha tapsyrmalaryn iske asyrý tetigin ázirleý boıynsha atqarylǵan jumystar týraly Jambyl oblysynyń ákimi A. Myrzahmetov, Eńbek jáne halyqty áleýmettik qorǵaý mınıstri B. Nurymbetov, Aýyl sharýashylyǵy vıse-mınıstri R. Qurmanov, sondaı-aq Premer-Mınıstrdiń orynbasary B. Saparbaev baıandady. 

Joba  ósimdik sharýashylyǵy, mal jáne qus sharýashylyǵyn damytý úshin úı irgesindegi telimderdi tıimdi paıdalaný, sondaı-aq eldi mekenderden tys jerlerde ár aýyl turǵynyna tıesili jer resýrstaryn tıimdi paıdalaný jáne ár aýyldyq okrýgte qajetti tehnıka, qural-jabdyqtarmen jáne aınalym qarajattarymen kooperatıv qurý baǵyttary boıynsha memlekettik qoldaý sharalaryn qarastyrady.

Pılottyq jobany iske asyrýǵa 2020 jyldyń sońyna deıin ıgerý kezeńimen shamamen 46,4 mlrd teńge qajet. Bıyl bastapqy kezeńde oblystyń 10 aýdanynyń 10 aýyldyq okrýgine 7,2 mlrd teńge qajet, olardy 2459 shaǵyn nesıe berýge, onyń ishinde 492 startap-jobaǵa berýge baǵyttaý kózdelgen. Shaǵyn nesıelerdi aýyldyq eldi mekenderde jáne shaǵyn qalalarda sońǵy qaryz alýshyǵa jyldyq 2,5% jáne 7 jyldan aspaıtyn merzimge berý josparlanýda.

Aýyl sharýashylyǵy mınıstrligi «Eńbek» О́nimdi jumyspen qamtýdy jáne jappaı kásipkerlikti damytýdyń 2017 – 2021 jyldarǵa arnalǵan memlekettik baǵdarlamasy aıasynda  0,01% mólsherlememen oblys ákimdigine bıýdjettik nesıe berýdi usynady. Ákimdik, óz kezeginde, senimdi agentti tartýmen halyqqa odan ári nesıe berýdi júzege asyrady. Bul rette «Taraz» ÁKK senimdi agent retinde áreket etedi jáne sońǵy qaryz alýshy úshin syıaqy mólsherlemesi 2,5% quraıdy.

«О́zderińiz bilesizder, bizdiń aldymyzda qazaqstandyqtardyń ál-aýqatyn arttyrý, ómir sapasyn jaqsartý mindeti tur. Azamattarǵa ózderiniń kásipkerlik bastamalaryn iske asyrýǵa, nesıelerdi ońaı alýǵa, otbasylyq bıznes júrgizýge barlyq múmkindikterdi jasaýymyz qajet. Shaǵyn nesıe berý jaı ǵana az paıyzben aqsha taratý bolmaýy kerek.  Jobany iske asyrý kezinde qaryz aqshany qaıtarýǵa qatań baqylaý bolýy qajet», dedi A. Mamın.   

Úkimet basshysy Aýyl sharýashylyǵy men Eńbek jáne halyqty áleýmettik qorǵaý mınıstrlikterine qyrkúıek aıynyń sońyna deıin pılottyq jobany iske asyrý tetigin qaraýǵa engizip, sondaı-aq jarııalanǵan kórsetkishterge ýaqytyly qol jetkizýdiń tıisti baqylaýyn qamtamasyz etýdi tapsyrdy.

«Kelesi jyly pılottyq jobany iske asyrý qorytyndysyn shyǵaramyz», dep túıindedi Premer-Mınıstr. 

Sońǵy jańalyqtar

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Eń qysqa áńgime. Saılaý Tóleý

Eń qysqa áńgime • Keshe

Eń qysqa áńgime. Erbol Boranshy

Eń qysqa áńgime • Keshe

Eń qysqa áńgime. Kúlaına Orazbekqyzy

Eń qysqa áńgime • Keshe

Eń qysqa áńgime. Qurmanǵazy Jumaǵul

Eń qysqa áńgime • Keshe

Eń qysqa áńgime. Qurmanjan Qasymjanuly

Eń qysqa áńgime • Keshe

Eń qysqa áńgime. Nurlan Qabdaı

Eń qysqa áńgime • Keshe

Dáýir belesiniń avtory

Ádebıet • Keshe

Minez jumbaqtyǵy

Ádebıet • Keshe

Áýezovtiń jalǵasy

Ádebıet • Keshe

Ǵasyr epopeıasy

Rýhanııat • Keshe

Til tirligi – tilge muqtajdyqta

Rýhanııat • Keshe

Talastan shyqqan dıplomat

Rýhanııat • Keshe

О́risi keń, óreli

Rýhanııat • Keshe

Hat qorjyn (22.10.2019)

Rýhanııat • Keshe

Uqsas jańalyqtar