Qoǵam • 17 Qyrkúıek, 2019

Qazaqstan matematıka jáne jaratylystaný pánderinen akademııalyq bilim boıynsha 10 jetekshi eldiń qataryna kirdi

78 retkórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda Qazaqstannyń halyqaralyq reıtıngterdegi pozısııalaryn jaqsartý sharalary qaraldy. Bul týraly Premer-Mınıstrdiń baspasóz qyzmeti habarlady.

Bilim jáne ǵylym mınıstri Ashat Aımaǵambetov orta bilim berýde Qazaqstannyń 5 salystyrmaly zertteýlerge qatysatynyn aıtty, olardyń negizgileri - PISA (Programme for International Student Assessment), TIMSS  (Trends in International Mathematics and Science Study), PIRLS (Progress in International Reading Literacy Study) zertteýleri.

«PIRLS zertteýinde biz mátindi túsiný jáne oqý saýattylyǵy boıynsha 27-shi oryndamyz. TIMSS-ta matematıka jáne jaratylystaný pánderi boıynsha akademııalyq bilimde úzdikter ishindemiz jáne 10 jetekshi eldiń qataryna kirdik», dedi Bilim jáne ǵylym mınıstri. 

Oqýshylardy alǵan bilimderin qoldanýǵa úıretý úshin 2016 jyldan bastap mektepterde synı oılaý men daǵdylardy damytýǵa baǵyttalǵan jańartylǵan mazmun engizilýde.

Jahandyq básekege qabilettilik ındeksinde Mınıstrlikke 8 ındıkator bekitilgen. Reıtıngke 140 el qatysady.

«Olardyń ishinde «kásiptik-tehnıkalyq bilim berý sapasy» boıynsha 2017 jylmen salystyrǵanda 11 pozısııaǵa (102-den 92-orynǵa), «oqytýdaǵy synı oılaý» boıynsha 1 pozısııaǵa (46-dan 45-shi orynǵa) jaqsardy. «Kútiletin bilim berý uzaqtyǵy» (53 oryn) jáne «jarııalanymdardyń dáıeksózdiligi» (110 oryn) boıynsha aldyńǵy kórsetkishter saqtaldy», dedi A. Aımaǵambetov.

Munda «bilim berýdiń ortasha uzaqtyǵy» (1 pozısııaǵa 39-dan 40-orynǵa), «bastaýysh synyptardaǵy oqýshylar men muǵalimderdiń araqatynasy» (23 pozısııaǵa, 50-den 73-orynǵa), «túlekterdiń daǵdylary» (7 pozısııaǵa, 86-dan 93-orynǵa) jáne «zertteý ınstıtýttarynyń sapasy» (1 pozısııaǵa, 83-ten 84-orynǵa) boıynsha pozısııalardyń tómendeýi baıqalady.

Joǵary bilim berýdegi negizgi reıtıngter - QS World University Rankings jáne Times Higher Education.

Mınıstrdiń aıtýynsha, QS-de Qazaqstanda oń dınamıka bar, 2011 jyly reıtıngte 5 joǵary oqý orny, 2019 jyly - 10 ýnıversıtet atap ótildi. Reıtıngte qazaqstandyq joǵary oqý oryndary arasynda kóshbasshy oryndy ál-Farabı atyndaǵy QazUÝ ıelendi - 207 oryn (top-300). Úzdik 500 qataryna 2 ýnıversıtet kirdi: L. Gýmılev atyndaǵy EUÝ (418), M. Áýezov atyndaǵy OQMÝ (491).

Sonymen qatar 2018 jyly alǵash ret Times Higher Education reıtıngtik basylymymen  2 qazaqstandyq JOO (ál-Farabı atyndaǵy QazUÝ, Gýmılev atyndaǵy EUÝ) tanyldy.

Jalpy alǵanda Bilim jáne ǵylym mınıstri sendirgendeı, bilim men ǵylymnyń sapasyn, qoljetimdiligin jaqsartý boıynsha Qazaqstannyń halyqaralyq reıtıngterdegi ustanymdaryn arttyrý jónindegi jumys Bilim men ǵylymdy damytýdyń memlekettik baǵdarlamasy jáne basqa da júıeli sharalar sheńberinde jalǵasatyn bolady.  

Sońǵy jańalyqtar

Aqtóbe qalasy karantınge jabyldy

Aımaqtar • Búgin, 20:51

Eksporttyq áleýetti arttyrý kózdelmek

Ekonomıka • Búgin, 20:11

Ulttyq online aıtys ótkizbek

Rýhanııat • Búgin, 20:10

Amandyǵyńdy oılasań, tártipke baǵyn!

Aımaqtar • Búgin, 19:00

MMA: Habıb Nurmagomedovty almastyrady

Kásipqoı boks • Búgin, 16:39

Qaraýsyz bala qaýipke urynady

Qoǵam • Búgin, 16:23

Atyraý: Kásipker usynǵan kómek

Aımaqtar • Búgin, 16:22

MMA: Denıel Korme karerasyn aıaqtaıtynyn aıtty

Kásipqoı boks • Búgin, 16:07

Jańa apparattar ókpeni tazartýda

Aımaqtar • Búgin, 15:57

Uqsas jańalyqtar