Úkimet • 17 Qyrkúıek, 2019

Jambyl oblysynyń turǵyndarynyń tabysyn arttyrý jobasy 131 myń otbasynyń ál-aýqatyn jaqsartady

118 retkórsetildi

Premer-Mınıstr Asqar Mamınniń tóraǵalyǵymen ótken Úkimet otyrysynda Jambyl oblysynyń turǵyndarynyń tabysyn arttyrý boıynsha pılottyq joba qaraldy. Bul týraly Premer-Mınıstrdiń baspasóz qyzmeti habarlady.

Joba týraly Jambyl oblysynyń ákimi A. Myrzahmetov tolyq baıandady. Búgingi tańda oblys turǵyndarynyń sany - 1 mln 125 myń adam, onyń ishinde 680 myń adam (60%) aýyldyq jerde turady. О́ńir ákiminiń aıtýynsha, aýyl turǵyndarynyń ómir súrý deńgeıin arttyrý úshin jeke qosalqy sharýashylyqtardy qoldaýdyń maqsatty memlekettik saıasaty qajet.

«Jeke qosalqy sharýashylyqtardy óndiris pen tabys kózi retinde qaraýǵa tolyq negiz bar. Buǵan  aýyl sharýashylyǵy jalpy óniminiń 43%-y men et pen súttiń 60%-yny4 jeke qosalqy sharýashylyqtarda óndirilip otyrǵany dálel. Ári, bul memlekettiń qoldaýynsyz istelip otyrǵan sharýa», dedi A. Myrzahmetov. 

Tuńǵysh Prezıdent - Elbasy N.Á. Nazarbaevtyń jáne Memleket basshysy Q. K. Toqaevtyń turǵyndardyń ómir súrý sapasyn arttyrý boıynsha bergen  tapsyrmasy boıynsha oblystaǵy barlyq 138 myń aýla aralandy. Taldaý nátıjeleri jeke qosalqy sharýashylyqtyń bir aýlasynan orta eseppen tabys aıyna 25-30 myń teńgeni quraıtynyn kórsetti. Oǵan qosa, tabysy aıyna 500 myń teńgeni quraıtyn jeke qosalqy sharýashylyqtar da bar. 

Jambyl oblysy ákimdiginiń aqparatynsha, kóbine-kóp jeke qosalqy sharýashylyqtar uıymdastyrý máseleleriniń sheshilmeýinen joǵary tabys tappaıdy. Mysaly, ortalyqtandyrylǵan satyp alýlar men ótkizýlerdiń, jem-shóp bazasynyń, qajetti tehnıka men tehnologııalardyń bolmaýy, qarajattyń jetkiliksizdigi. 

Turǵyndardyń tabysyn arttyrý maqsatynda Jambyl oblysynyń ákimdigi sharalar keshenin iske asyrýdy josparlap otyr, onyń ishinde: 

  1. О́simdik sharýashylyǵy úshin úıdiń janyndaǵy jer telimderin tıimdi paıdalaný. 

  2. Úı janyndaǵy aýlalardy mal sharýashylyǵy úshin tıimdi paıdalaný.

  3. Úlestik jerlerdi tıimdi paıdalaný.

  4. Árbir aýyldyq okrýgte qajetti quraldary, tehnıkasy, jabdyqtary men aınalym qarajattary bar kooperatıvter qurý.

  5. Shaǵyn jobalardy barynsha qarjylandyrý úshin jaǵdaılar jasaý.

Atalǵan bes sharany iske asyrý úshin 31 myńnan asa jobany iske asyrý qajet. 

Oblys ákimdiginiń boljamdaryna sáıkes, atalǵan sharalardy qabyldaý 131 myń otbasyny (600 myńnan asa adamdy) aı saıyn 128 myń teńge kóleminde turaqty qosymsha tabyspen qamtamasyz etýge múmkindik beredi. Bul qazirgi tabys deńgeıinen 4 ese artyq. 68 myń ózin-ózi jumyspen qamtyǵandar men jumyssyzdar jeke kásipkerge aınalady. Jalpy aýyl sharýashylyǵy ónimi 34%-ǵa artady. Et pen sút óńdeıtin kásiporyndar júktemesi 30%-ǵa ulǵaıady. Jańa óńdeý kásiporyndaryn ashý múmkindigi paıda bolady. Ataýly áleýmettik kómek alýshylar sany keminde jartysyna kóbeıedi.

«Jobanyń aýqymdylyǵy men qarjylandyrylý máselelerin eskere otyryp, biz bıyl ony oblystaǵy ár aýdannyń bir aýyldyq okrýginde iske asyra bastaýdy usynamyz. Nátıjesinde 10 aýyldyq korýg pen 23 eldi meken qamtylatyn bolady. Ol úshin 7,2 mlrd teńge kóleminde qarajat qajet», dedi ákim.

Jobany iske asyrýdyń ekinshi kezeńi 2020–2021 jyldarǵa josparlanǵan.  

Eńbek jáne halyqty áleýmettik qorǵaý mınıstri B. Nurymbetov óz kezeginde Jambyl oblysynyń ákimdigi ázirlegen oblys jurtshylyǵynyń ál-aýqatyn jaqsartý boıynsha jobanyń ýaqytyly ári qajetti ekenin atap ótti.

Statıstıkalyq organdardyń resmı málimetteri boıynsha bıyl Jambyl oblysynda tabysy kúnkóris deńgeıinen tómen halyqtyń úlesi 5,4%-dy qurady, bul kórsetkish respýblıkalyq deńgeıden (4,1%) 1,3%-ǵa joǵary. Ásirese, aýyldyq jerlerde atalǵan kórsetkish óte joǵary – 6,7%. Sonymen qatar, jan basyna shaqqandaǵy nomınaldy aqshalaı tabys oblysta 66,3 myń teńgeni quraıdy nemese respýblıkalyq ortasha kórsetkishtiń 68%-yna ǵana jetedi (97 myń teńge).

Al, oblystaǵy jumys kúshin saralaıtyn bolsaq 506 myń jumyspen qamtylǵandardyń 35%-y nemese 177 myń adam ózin-ózi jumyspen qamtyǵandar, onyń ishinde 8,3 myń adam nátıjesiz jumyspen qamtylǵan. Bul respýblıkadaǵy eń joǵary kórsetkishterdiń biri. Jambyl oblysynda pılottyq jobany iske asyrý týraly sheshimniń sebebi de osy.

«Sondyqtan elimizdegi barlyq ákimdikter aýyl turǵyndarynyń ómir súrý deńgeıin, onyń ishinde naqty tabysyn tolyqtaı zerdelep, olardyń turmys deńgeıin arttyrý múmkindikterin izdestirý boıynsha aýqymdy jumys júrgizgenin eskere otyryp, osyndaı áleýmettik zerdeleý jumysyn qolǵa alý qajet dep sanaımyz», dedi B. Nurymbetov.

Jambyl oblysynyń ákimdigi usynǵan málimetter boıynsha zerttelgen 368 myń aýyl turǵyndarynyń tek 54%-y nemese 177 myń adam turaqty tabysqa ıe. Sonyń saldarynan respýblıka boıynsha ataýly áleýmettik kómek taǵaıyndalǵan otbasylardyń 9,6%-y Jambyl oblysynyń turǵyndary bolyp keledi (39 myń otbasy).

«Osyny baıandaı otyryp, oblys turǵyndarynyń turmystyq tabysyn jaqsartýǵa qatysty jobasyn pılottyq negizde iske asyrý qajet dep esepteımin», dedi B. Nurymbetov

Pılottyq joba 2017–2021 jyldarǵa arnalǵan «Eńbek» ntıájeli jumyspen qamtý jáne jappaı kásipkerlikti damytý Memlekettik baǵdarlamasy aıasynda júzege asyrylatyn bolady. 

Qazaqstan Respýblıkasy Úkimetiniń tıisti qaýly jobasy ázirlenip, onda kelesi ózgerister kózdelgen:

- pılottyq joba sheńberinde beriletin mıkrokredıtter QR Memlekettik satyp alý týraly zańnamasyna sáıkes bıýdjetti atqarý jónindegi ýákiletti organ nemese bıýdjettik baǵdarlama ákimshisi aıqyndaıtyn senim bildirilgen ókil (agent) arqyly beriledi;

- pılottyq joba sheńberinde bıýdjettik kredıt merzimdilik jáne aqylylyq qaǵıdattarynda 10 jylǵa beriledi;

- al qatysýshylarǵa beriletin mıkrokredıttiń nomınaldy syıaqy mólsherlemesi jyldyq 2,5%-dan aspaıdy.

«Jambyl oblysy turǵyndarynyń turmystyq tabysyn jaqsartýǵa qatysty joba oblystaǵy 131 myń otbasynyń tabysyn arttyrýǵa, onyń ishinde 70 myńǵa jýyq ózin-ózi jumyspen qamtyǵan jáne nátıjesiz jumyspen qamtylǵan azamattardyń jeke kásipker retinde qalyptasýyna, ataýly áleýmettik kómek alýshylardyń sanyn azaıtýǵa óz septigin tıgizetinine senemiz», — dep túıindedi B. Nurymbetov.

Bul jobaǵa qatysty óz pikirin aýyl sharýashylyǵy vıse-mınıstri R. Qurmanov málim etti. Aýyl sharýashylyǵy mınıstrligi «Eńbek» memlekettik baǵdarlamasyn iske asyrýǵa aýyldyq eldi mekender men shaǵyn qalalarda shaǵyn nesıe usyný boıynsha qatysady. Bul maqsattarǵa bıyl 64,7 mlrd teńge bólindi, onyń esebinen 17 myń shaǵyn nesıe berý josparlanǵan. Qazir 31 mlrd teńge somasyna 8 myń shaǵyn nesıe berildi nemese 48%.

«Jambyl oblysynyń ákimdiginiń usynysy boıynsha «Eńbek» baǵdarlamasyn keńeıtip, Jambyl oblysynyń turǵyndarynyń tabysyn aýqymdy jáne tıimdi kóterý boıynsha pılottyq jobany jeke qosalqy sharýashylyqtardy qosa alǵanda, usaq sharýashylyqtardy jeńildikpen nesıelendirý arqyly keńeıtý usynylady», dedi R. Qurmanov.

Pılottyq jobada senimdi agent arqyly 7,2 mlrd teńge somasyna shaǵyn nesıe usyný qarastyrylǵan. Bul rette, túpki syıaqy mólsherlemesi jylyna 2,5% quraıdy. Jobanyń usaq óndirýshilerdiń aýyl sharýashylyǵy kooperasııasyn damytýǵa negizdeletinin eskere otyryp, Aýyl sharýashylyǵy mınıstrligi osyndaı pılottyq jobany iske asyrýdy qoldaıdy. 

Premer-Mınıstrdiń orynbasary B. Saparbaev ózin-ózi jumyspen qamtyǵan qazaqstandyqtardyń eń kóp sany Jambyl oblysynda turyp jatqanyn atap ótti jáne óńir ákimdigi usynǵan jobanyń mańyzdylyǵyn aıtty. Onyń iske asyrylýy aýyl turǵyndaryna ózderin qamtamasyz etip, ómir súrý sapasyn arttyrýǵa múmkindik beredi. Sonymen qatar aýyl turǵyndary úshin jer telimderin paıdalaný men mal sharýashylyǵy boıynsha jańa múmkindikter týyndaıdy. Keminde 90 myń jumys orny qurylyp, AÁK alýshylar sany azaıady. Eń bastysy - barlyq sharalar túbegeıli atqarylýy tıis. 

Sońǵy jańalyqtar

«Eńbekshi qazaq» basqarmasy

100 • Búgin, 07:09

Azamattyq ustanymym qalyptasty

100 • Búgin, 07:05

Taralym hám qaralym

100 • Búgin, 06:55

«Egemen» esten shyqpaıdy

100 • Búgin, 06:47

Qandastarǵa qamqorlyq jasaǵan

100 • Búgin, 06:42

Tarhan tekti redaktor

100 • Búgin, 06:40

Júz jyl

100 • Búgin, 06:27

Jaqsy dástúr jalǵasa beredi

100 • Búgin, 06:22

Ushqyr oılar ushqyndary

100 • Búgin, 06:11

Úlken joldyń úzikteri

100 • Búgin, 05:58

Investısııa – damý dańǵyly

Aımaqtar • Búgin, 05:49

Yntymaqtastyq máseleleri qaraldy

Qoǵam • Búgin, 05:43

Ǵasyrlyq shejire ǵıbraty

100 • Búgin, 05:39

Tapa tal tústegi qaraqshylyq

Aımaqtar • Keshe

Dombyradan tegin dáris berip júr

Rýhanııat • Keshe

Arymas abyroı

Rýhanııat • Keshe

Kóneden kelgen kónek

Rýhanııat • Keshe

Uqsas jańalyqtar