Qazaqstan • 17 Qyrkúıek, 2019

Almaty Fitch Ratings agenttiginiń «VVV» kredıttik reıtıngine kóterildi

25 ret kórsetildi

Almaty álemniń úsh iri halyqaralyq reıtıng agenttikteriniń biri Fitch Ratings  usynǵan Qazaqstannyń táýelsiz reıtıngi deńgeıinde «BBB» halyqaralyq kredıttik reıtıngine ıe boldy. Bul týraly búgin Almatyda ótken jıynda belgili boldy.

Ortalyq Azııa boıynsha IFC aımaqtyq menedjeri Kassandra Kolbert jýrnalıstermen kezdesken kezde halyqaralyq kredıt reıtıngin alý qalanyń óziniń ósip kele jatqan ınvestısııalyq qajettilikteri úshin kommersııalyq uzaq merzimdi qarjylandyrýdy tartý qabiletin kúsheıtýdegi mańyzdy qadam bolyp tabylatynyn atap ótti.  «IFC mindeti – zamanaýı ınfraqurylymǵa ınvestısııa tartý jáne Almatyǵa óz turǵyndarynyń ómir súrý sapasyn jaqsartý úshin tıimdi jáne turaqty qyzmet kórsetýge kómektesý» dedi  Kassandra Kolbert hanym.

Endi Almatynyń nesıelik reıtıngi halyqaralyq ınvestısııalyq qaýymdastyqtyń nazaryn aýdarý maqsatynda Fitch Ratings baǵalaıtyn álemniń jetekshi astanalar reıtıngteriniń tizimine engiziletin bolady. Bul týraly Almaty qalasynyń ákiminiń orynbasary Ilııas О́serov aıtty.   

«Joǵary nesıelik reıtıng Almaty qalasynda jaıly ınvestısııalyq ahýal týǵyzyp, bıznes-bastamalarǵa arnalǵan barynsha perspektıvaly ınvestısııalyq alań bolyp qala beredi. Biz nesıelik reıtıngti aǵymdaǵy «BBB+» - ten álemniń jetekshi qarjy uıymdarymen uzaq merzimdi zaemdar jasaı otyryp, odan da joǵary ınvestısııalyq deńgeıge deıin kóterýdi jalǵastyratynymyzdy aıta ketý kerek» dep atap ótti I. О́serov.   

Búgingi jıyn barysynda IFC jáne Almaty qalasynyń ákimdigi strategııalyq áriptestik týraly kelisimge qol qoıdy. Osy  kelisimniń sheńberinde  uzaq merzimdi kapıtalǵa qol jetkizýde jáne ınfraqurylymǵa ınvestısııalardy tartýǵa ákimdikke qoldaý kórsetedi.

Sońǵy jańalyqtar

Uıysa bilsek, urlyq tyıylady

Aımaqtar • Keshe

Eýro taǵy qymbattady

Ekonomıka • Keshe

Báıterekte órt shyqty

Aımaqtar • Keshe

Uqsas jańalyqtar