Saıasat • 17 Qyrkúıek, 2019

Qazaqstan-Reseı shekarasy mańyndaǵy turǵyndardyń memlekettik shekarany kesip ótý tártibi týraly zań jobasy qaraldy

94 ret kórsetildi

Parlament Senatynyń Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysynda 2006 jylǵy 3 qazandaǵy Qazaqstan Respýblıkasynyń Úkimeti men Reseı Federasııasynyń Úkimeti arasyndaǵy Qazaqstan Respýblıkasynyń jáne Reseı Federasııasynyń shekara mańyndaǵy aýmaqtary turǵyndarynyń Qazaqstan-Reseı memlekettik shekarasyn kesip ótý tártibi týraly kelisimge ózgerister engizý týraly hattamany ratıfıkasııalaý týraly zań jobasy qaraldy. Bul týraly Parlament Senatynyń baspasóz qyzmeti habarlady.

Hattama 2018 jylǵy 9 qarashada Petropavl qalasynda jasalǵan bolatyn. Qoldanystaǵy Kelisimge sáıkes shekarany kesip ótý kezinde Qazaqstan Respýblıkasy azamattarynyń ózimen birge jeke kýáligi nemese tólqujaty, sondaı-aq azamattardy tirkeý kitabynan kóshirme bolýy qajet. 2011 jyldan bastap Qazaqstanda azamattardy tirkeýdi esepke alý kitaby alyp tastaldy. Osyǵan baılanysty Hattamanyń 1-babymen ózgerister engiziledi, oǵan sáıkes jeke kýálikke (tólqujatqa) shekara mańyndaǵy aýmaqtyń eldi mekeninde turaqty turǵylyqty jeri boıynsha tirkelgenin rastaıtyn, ýákiletti memlekettik organ bergen qujat (mekenjaı anyqtamasy) qosa berilýi tıis.

Hattamany qabyldaý Reseı Federasııasymen shekaralas aýmaqtarda turatyn Qazaqstan Respýblıkasy azamattarynyń memlekettik shekarany kesip ótý prosesin retke keltiredi jáne eki eldiń arasyndaǵy sharýashylyq, mádenı jáne basqa dástúrli baılanystardy saqtaýǵa jáne odan ári damytýǵa járdemdesetin bolady.

Komıtet tóraǵasy Muhtar Qul-Muhammed memlekettik shekaradan ótý kezinde azamattar tap bolatyn yńǵaısyzdyqtar men avtokólik keptelisine qatysty birqatar máselelerdi kóterdi. Darıǵa Nursultanqyzynyń basshylyǵymen ótken komıtettiń kóshpeli otyrystary aıasynda Qazaqstan men Reseı shekarasyndaǵy ótkizý beketterindegi ınfraqurylymdy damytý máselelerine erekshe nazar aýdarylǵany atalyp ótildi.

Shekara qyzmetiniń dırektory Darhan Dilmanovtyń aqparatyna sáıkes Memlekettik shekaranyń Qazaqstan men Reseı ýchaskesinde shekara mańyndaǵy qajetti ınfraqurylymdy jasaý  jónindegi Jol kartasy qabyldanyp, jaqyn kúnderi reseılik tarappen ekijaqty qujattarǵa qol qoıylǵannan keıin qalyptasyp otyrǵan jaǵdaı jaqsara túspek.

Senator Nurjan Nursıpatov Hattamany qabyldaý shekara mańyndaǵy aýmaqtardyń turǵyndaryna Qazaqstan men Reseıdiń memlekettik shekarasynan ótýdi jeńildetip, eki el arasyndaǵy yntymaqtastyqtyń odan ári damýyna yqpal etetinin atap ótti.

Qujat Palata qaraýyna engizildi.

Sońǵy jańalyqtar

Uıysa bilsek, urlyq tyıylady

Aımaqtar • Keshe

Eýro taǵy qymbattady

Ekonomıka • Keshe

Báıterekte órt shyqty

Aımaqtar • Keshe

Uqsas jańalyqtar