Ekonomıka • 17 Qyrkúıek, 2019

Nur-Sultanda jahandyq ınnovasııalyq sammıt bastaldy

43 retkórsetildi

Bul sammıt Ortalyq Azııada alǵash ret ótýde. Forýmǵa qatysý úshin 16 elden 50-den astam halyqaralyq spıkerler keldi. Bul týraly elorda ákimdiginiń baspasóz qyzmeti habarlady.

- Bul kezdesý bizdiń forým aıasynda 10 ret kezdesýimiz. Nur-Sultan qalasy osy kezdesýge óte jaqsy, qolaıly qala, sebebi Qazaqstan qazirgi tańda ómirdiń barlyq salalaryn qamtıtyn transformasııalyq prosesterdiń júregi bolyp tabylady, - dedi GFCC Prezıdenti Debora L. Vıns Smıt.

Premer-Mınıstrdiń birinshi orynbasary - Qarjy mınıstri A. Smaıylov Dúnıejúzilik Banktiń Doing Business reıtıngisinde Qazaqstan 28-shi orynǵa kóterilgenin, Jahandyq básekege qabilettilik ındeksinde elimiz 59-shy orynǵa ıe bolǵanyn atap ótti. Sammıttiń tańdalǵan taqyrybynyń ózektiligi týraly aıta kele, Tuńǵysh Prezıdent – Elbasy qorynyń atqarýshy dırektory Á. Isekeshev sońǵy onjyldyqta bolǵan ómirdiń túrli salalaryndaǵy Eleýli «ilgerileýlerdi» atap ótti.

- Qazaqstan Tuńǵysh Prezıdenti Qorynyń mıssııasy – eldiń turaqty damýyna jáne ultymyzdyń básekege qabiletti bolýyna yqpal etý. Elbasynyń tapsyrmasy boıynsha birneshe jobany iske qosamyz. Olardyń biri-elimizdiń básekege qabilettilik qasıetin arttyrý, turaqty ınklıýzıvti ósýdiń áleýmettik-ekonomıkalyq modeli boıynsha memleket úshin usynystar ázirleý jáne de ǵylymı - praktıkalyq zertteýler júrgizý, - dedi Á. Isekeshev.

Á. Isekeshev Nur-sultan, Almaty jáne Shymkent syndy iri qalalar árdaıym talanttardyń ortalyǵy ekendigin asa atap ótti. Al elordamyz Nur-Sultan qalasy talanttar úshin eń ozyq ortalyq retinde tanylǵanyn aıtty.

- Elbasynyń sheshiminiń arqasynda qala alǵashqy transformasııadan sátti ótti. Halyq sany 3,5 esege artyp, qazirgi tańda 1 mln adamnan asty. Qazaqstan prezıdenti Qasym-Jomart Toqaev qalanyń odan ári damýyna úlken mán beredi. Búginde Nur-Sultan qazirgi zamanǵy ınnovasııalardy: bilim berý, medısınalyq jáne sport klasterin qamtıtyn oryn bolyp tabylady. Sondaı - aq Nazarbaev ýnıversıteti, EKSPO, «Astana» halyqaralyq qarjy ortalyǵy jáne basqa da mańyzdy nysandary bar basty qalaǵa aınaldy, - dedi elorda ákimi A. Kólginov.

Sonymen, qalanyń básekege qabilettiligin arttyrý maqsatynda 5 negizgi quraldy paıdalaný josparlanyp otyr: AHQO platformasy, ınnovasııalyq ekojúıeni qurý, sıfrlandyrýdy kúsheıtý, óńirlik ıntegrasııalyq birlestikterdiń artyqshylyqtary (jańa Jibek joly, EAEO, ShYU), sondaı-aq geografııalyq jaǵdaıdyń kóliktik-logıstıkalyq áleýeti. Sammıtke qatysýshylar memleket júrgizip otyrǵan reformalarǵa qatysty oń pikir bildirdi, básekege qabilettilik jónindegi jahandyq Keńes federasııasynyń atqarýshy dırektory R. Alvarez Qazaqstan - OA-daǵy asa serpindi damyp kele jatqan memleketterdiń biri ekenin aıtty.

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Uqsas jańalyqtar