Prezıdent • 18 Qyrkúıek, 2019

Prezıdent pen paryz

37 retkórsetildi

Qasym-Jomart Toqaevtyń Qazaqstan Respýblıkasynyń Prezıdenti qyzmetine resmı kiriskennen keıin óz baılamymyzdy, óz tujyrymymyzdy ortaǵa salyp, «Evolıýsııalyq jol qoǵamnyń, halyqaralyq saıasattyń tamyr búlkilin tereń biletin, ýádesine berik, sertine adal Prezıdenttiń arqasynda júzege asatyny sózsiz. Endeshe, Qasym-Jomart Kemelulynyń «halqy úshin bergen sertine» eliniń senimi serik bolsyn!» dep jazǵan bolatynbyz («Egemen Qazaqstan», 24 maýsym, 2019 jyl).

Mine, sodan beri de úsh aıǵa jýyq ýaqyt ótipti. Tarıh úshin qysqa merzim bolǵanymen, qazaq qoǵamyndaǵy sońǵy ózgeristerge oraı el senimine ıe bolǵan Prezıdenttiń qyzmeti tóńireginde taǵy bir márte oı qozǵaǵandy jón kórdik.

Qazirgideı alasapyran kezeńde, bir-birine yqpalyn júrgizgisi keletin alpa­ýyttar yrǵasqan, tórtkúl dúnıe qubylyp turǵan zamanda el basqarý ońaı deımisiz. Syrtqy faktordyń yqpalyna tótep berýde eldiń ishki birligi myqty bolýy úshin halyqtyń áleýmettik, ekonomıkalyq jaǵdaıy jaqsy bolýy kerek qoı. «Halyqtyń ómir sapasyn arttyrý – bizdiń basty nazarymyzda». Halyqaralyq saıasattyń qatparly astaryn baǵamdaı biletin Memleket basshysy Qasym-Jomart Toqaev Twitter-degi paraqshasynda dál osylaı jazǵany da sondyqtan bolar. Prezıdenttiń halyqtyń áleýmettik ahýalyna, maqsat-muratyna erekshe alańdaıtyny – onyń qyzmetindegi basty kredosy. Olaı deıtinimiz, Memleket basshysynyń aıtýynsha, eń aldymen bılik pen halyq arasynda ashyq dıalog ornaýy kerek. Iаǵnı, qoǵamda qordalanǵan «mindetterdi sheshý úshin bılik pen halyq arasynda dıalog bolýy tıis». Qazaqtyń baıyrǵy qalybyna salar bolsaq, «Keńesip pishken ton kelte bolmas».

Prezıdent «Syndarly qoǵamdyq dıalog – Qazaqstannyń turaqtylyǵy men ór­kendeýiniń negizi» atty Qazaqstan halqyna ar­naǵan tuńǵysh Joldaýynda da halyqtyń sózine, pikirine basymdyq berý jóninde kele­li áńgime qozǵady. «Halyq únine qulaq asa­tyn memleket» tujyrymdamasyn iske asyrýdy barshaǵa ortaq mindet retinde qaras­tyrǵany da sol sebepti. Halyqtyń muń-muqta­jyna qulaq asýmen qatar, onyń problemalaryn sheshý qazirgi kún tártibindegi ózekti másele ekendigi sózsiz. Memlekettiń qa­zir­gi mindeti de osy bolýy kerek. «Halqy qa­la­sa, han túıesin soıady» degen halyq ma­qa­­ly­nyń zamanaýı kórinisi dep baǵaladyq biz muny.

Tulǵa synaqta shyńdalady. El basyna is túskende basshynyń bedeli de synǵa túsedi. Bıyl 24 maýsymda Arys qalasynda bolǵan áskerı qoımadaǵy alapat jarylys Qazaqstan Prezıdenti úshin de úlken synaq boldy. Tótenshe jaǵdaı oryn alǵannan keıin Memleket basshysy ile-shala Arys qalasyna arnaıy baryp, halyqtyń jaı-jaǵdaıymen jete tanysty. «Qazir biz eń birinshi kezekte adamdardyń, qala turǵyndarynyń qaýipsizdigin qamtamasyz etýimiz kerek» degen ol tıisti oryndarǵa naqty tapsyrmalar berdi. Qudaıǵa shúkir, qazir Arys halqynyń kóńili ornyǵyp, qalypty tirshilik yrǵaǵyna kóshti. Memleket basshysynyń turaqty qadaǵalaýynyń nátıjesinde eki aıdan astam ýaqyt ishinde buzylǵan nysandar qalpyna keltirildi, qazaqstandyqtar túgeldeı jumylyp, kómek kórsetti.

Qasym-Jomart Kemelulynyń halyq­tyń tarıhy men dástúrine degen qurmeti erek­she. Ony Prezıdenttiń ult rýhanııaty­na degen aıryqsha qamqorlyǵynan ań­ǵa­ramyz.

Elordada ótken Dombyra kúni aıasynda osyndaı oı túıdik. Elordanyń bas alańy – «Qazaq eli» monýmenti aldynda ótken saltanatty jıynǵa Memleket basshysy arnaıy qatysyp, atalǵan merekeniń rýhanııatqa kórsetilgen zor qurmet ekendigin atap ótti.

– Barsha halyq osy shýaqty mere­keni aıryqsha qýanyshpen toılaıdy. Sebebi qazaq pen dombyra – egiz uǵym. Kúmbirlegen dombyranyń úni batyr­la­rymyzǵa rýh, aqyndarymyzǵa shabyt bergen. Dombyra árbir qazaqtyń rýhyn kókke kóteretin qundy qazynamyz bolýǵa tıis, – dedi Prezıdent.

Qundy qazyna demekshi, Qasym-Jomart Kemelulynyń qazaq halqy úshin qasıetti jer – Ulytaý tórindegi alqaly jıynda sóılegen sózi eldiktiń eńsesi taǵy bir beleske kóterilgen áńgime arqaýyna aınaldy. Álemdik saıasattyń qatparly tarıhyn MGIMO-daǵy aýdı­torııadan oqyǵan dıplomat ult tarıhyn da tereńnen tolǵaıtyndyǵyn qalyń qaýymǵa áıgiledi osy joly. «Biz, qazaq halqy, uly tarıhı tulǵalardyń izbasar urpaǵy ekenimizdi eshqashan umytpaýymyz kerek» dep sóz ora­ıyn bir qaıyryp, tarıh týraly tereńnen tolǵata kelip, halyq aldyndaǵy paryzdy da tilge tıek etti. «Tarıhy tereń Ulytaýdyń qadir-qasıetin baǵalaı bilý – barshamyzǵa ortaq paryz» dep aıtatyny da sol.

Halqynyń tarıhynan, dástúrinen habardar tulǵa ony qyzmet barysynda da qatań qadaǵalaıdy. Bolashaq urpaqqa qamqorlyq kórsetý, olardyń janyna shýaq syılaıtyn, qanat bitiretin jyly lebiz bildirý de ótkenniń ónegesi. Qazaqstan Prezıdentiniń ÝEFA Sýper kýbogynyń marapattaý rásimine qatysqan elordalyq Álı Turǵanbekovke Twitter arqyly izgi tilegin jetkizýi de osy yńǵaıdaǵy qadam. «Álı, seniń maqsatqa jetý jolyndaǵy kúsh-jigeriń álemde talaı adamdy alǵa jeteleıdi. Barlyq armandaryń oryndalsyn!» dep jazdy Qasym-Jomart Toqaev Twitter-degi paraqshasynda.

Bul Nık Výıchıch atanyp ketken qazaq­standyq Álı Turǵanbekovke arnalǵan lebiz ǵana emes, taǵdyr synaǵyna túsken basqa da múgedek jandarǵa rýh beretin, ómirge degen qushtarlyǵyn kúsheıte túsetin tilek. El Prezıdentiniń osyndaı biraýyz sózi, izgi tilegi Álıdiń aldyna qoıǵan maqsatyn júzege asyrýyna ózindik qýat bereri sózsiz.

Qazaqstan halqyna Joldaýynda Qasym-Jomart Kemelulynyń eldiń bolashaǵy týraly aıtqany da Alash jurtynyń janyna jylylyq uıalatty. «Ulttyq qor qarajatynyń aǵymdaǵy máselelerdi sheshýge jumsalýyn qys­qartý qajet. Bul – keleshek urpaqtyń qarjysy». Halqynyń bolashaǵyn oılaǵan Memleket basshysynyń baılamy erteńgi kúnniń senim kepili ispetti.

«Paryz – oryndalýǵa tıis mindet pen áreket. Paryz alǵa qoıylǵan mindetten týady, ıaǵnı mindet adamǵa paryzdy júkteıdi». Baýyrjan Mo­myshulynyń ulaǵatty sózin búgingi ta­qyrybymyzdyń temirqazyǵyna aınaldyratyn bolsaq, Qazaqstan Prezıdenti Qasym-Jomart Toqaev eldiń aldynda turǵan asqaraly mindetterdi jan-jaqty saralap berdi. Resmı túrde qyzmetine kiriskeli beri sol mindetterdi áreketke ulastyryp, tinin tarqatyp, júzege asyryp keledi. Halyq aldyndaǵy paryzyn tereń túsinetin Prezıdenttiń qımyl-áreketi bul.

Banner
Sońǵy jańalyqtar

Atyraýlyq sarbazdar áskerge attandy

Aımaqtar • Búgin, 17:27

Almatyda taǵy da jylý qubyry jaryldy

Qoǵam • Búgin, 16:20

Jambylda aǵash kóshetteri otyrǵyzyldy

Aımaqtar • Búgin, 16:02

Taldyqorǵanda tekstıl shyǵarylady

Aımaqtar • Búgin, 15:42

Eń qysqa áńgime. Qanat Ábilqaıyr

Eń qysqa áńgime • Búgin, 11:33

Eń qysqa áńgime. Arman Álmenbet

Eń qysqa áńgime • Búgin, 11:26

Kúlki kerýeni № 2

Rýhanııat • Búgin, 10:27

Qylqalamnyń ushynda – Qaraǵandy

Rýhanııat • Búgin, 09:48

«Qoıanqasqa» tulpar top jardy

Rýhanııat • Búgin, 09:11

Qazan meshitiniń úlgisin tańdapty

Rýhanııat • Búgin, 09:09

Qazaq dastarqanynan dám tatty

Aımaqtar • Búgin, 09:03

Baqyt Bókebaev: Bekzat óner belesteri

Rýhanııat • Búgin, 08:59

Aqyn qalamyndaǵy akademık beınesi

Rýhanııat • Búgin, 08:56

Baıanǵalı týraly baıan

Rýhanııat • Búgin, 08:52

Joldyń jaıy qalaı: Mamandar jetispeıdi

Aımaqtar • Búgin, 08:50

Semizdik túrli syrqatqa sebepshi

Qoǵam • Búgin, 08:39

«Nurly kósh» kúnin belgilesek...

Qoǵam • Búgin, 08:35

Jańa aıaldamaǵa jany qas

Aımaqtar • Búgin, 08:31

Jańaózende jańa joba bastaldy

Aımaqtar • Búgin, 08:24

Taǵzym men taǵylym toǵysqan toı

Rýhanııat • Búgin, 08:19

Bizdiń belsendiligimiz de mańyzdy

Qoǵam • Búgin, 08:16

Ekonomıkada turaqty ósim bar

Ekonomıka • Búgin, 08:06

Kraýdfandıng qazaqqa da jat emes

Qazaqstan • Búgin, 08:00

Elbasy Qyrǵyzstan basshysymen kezdesti

Saıasat • Búgin, 07:56

Uqsas jańalyqtar