Naýryz jyry

Senbi, 23 naýryz 2013 1:18

Kóterip monshaq ańǵarda,
Kógiljim tartyp taýlarda,
Shalqytyp saǵym baýlarda,
Naýryzym keldi bar mańǵa,
Naýryzym keldi bar janǵa.

Senbi, 23 naýryz 2013 1:18

Kóterip monshaq ańǵarda,
Kógiljim tartyp taýlarda,
Shalqytyp saǵym baýlarda,
Naýryzym keldi bar mańǵa,
Naýryzym keldi bar janǵa.

Ǵajaıyp sátter taıandy,
Tabıǵat sergip oıandy.
Kózime keste tartylyp,
Kókirek nurǵa boıandy,
Dúrildep dúnıe oıandy.

Ańsarym, asyl Naýryzym,
Jaǵaǵa bitken jalbyzym.
Kóz jazyp qalyp san jyldar,
Kózaıym bolǵan jalǵyzym –
Armysyń, ardaq Naýryzym.

Qydyr Naýryzǵa ereıik,
Náýrizek qusyn kóreıik.
Báısheshek gúlin tereıik.
Ulystyń kúnin aımalap,
Altyn kúrek jelin óbeıik.

Naýryz kójede bal uıyp,
Aq ýyzǵa arda jarıyq.
Semserdi sertpen janıyq.
Naýryzdyń nurly naqyshy,
Káýsar tazalyq dep tanıyq.

Qazaqqa bitken jeruıyq,
Halqyma qutty bol uıyq.
Adalǵa saqtap qorıyq.
Naýryzdyń qydyr batasyn,
Jaqsylyqqa ǵana jorıyq.

Kógiljim nurlar qalqyǵan,
Býsanyp dúnıe balqyǵan,
Tirshilik tolǵaý tolqyǵan,
Tasqynda búgin tolassyz,
Naýryzdyń kúıi shalqyǵan.

Ulysym bolǵaı baqtyly,
Yryzdyq tunǵaı aqtyly.
Patshamyz turǵaı taqtyly.
Shapaǵat Naýryz shalqytqan,
Alashtyń asqaı shattyǵy!
Qorǵanbek AMANJOL.
ALMATY.