Rýhanııat • 18 Qyrkúıek, 2019

Alpys jeti jyldan bergi dosym

50 retkórsetildi

– Men «Egemen Qazaqstannyń» 67 jyldan bergi turaqty oqyrmanymyn, – dep bastady óziniń sózin jýyrda ǵana 95 jasqa tolyp, oblys ardaqtap, Soltústik Qazaq­stannyń Qurmetti azamaty ata­ǵyn bergen Sapar Dúısenov aqsaqal.

– 1943 jyly Kýrsk ıinindegi kes­kilesken shaıqastarǵa qatysyp júrgen men jaqyn jarylǵan bombadan saý-tamtyǵym qalmaı jaralanyppyn. Jaralylardy tasıtyn saldyrlaq arbamen dalalyq gospıtalǵa jetkiz­gende esim kiresili-shyǵasyly boldy. Qan da kóp aqqan, tek áıteýir kómip tastaǵan to­pyraqtyń jabýymen uıyp, toqtaǵan tárizdi. Áıtpese qansyrap ólip qalady ekenmin.

Aýyr jaralanǵan meni aldymen Allanyń bergen myqty densaýlyǵy, sodan soń dárigerlerdiń kómegi ǵana qut­qardy. Eki aıdaı dalalyq gospı­talde emdelip, dárigerlerdiń kóme­gimen ǵana qozǵalatyn basym eptep, jan-jaǵyma kóz salyp, táltirektep aıaǵymdy basýǵa jaradym. Osy kezden meni Kıslovodskiniń áskerı gos­pıtaline jetkizdi. Kýrortty qalanyń saf aýasy, janǵa jaıly kútimi men emi jarty jyldaı jatqan soń emin-erkin qozǵalýǵa múmkindik berdi.

1944 jyldyń naýryz aıynda densaýlyqty anyqtaý jónindegi medı­sınalyq komıssııa saptan bosatty. Elge kelgen soń aýyr jumysqa jaramaı, aýdan ortalyǵy Presnov selosynan ózime laıyq jumys izdedim. Sóıtip aýdandyq sottyń hatshysy bolyp ornalastym. Bul meniń sot-quqyq salasynda qyzmet etken 43 jyl ómirimniń basy edi. Aldymen on jyldyq mektepti bitirý úshin ekstern­men emtıhan tapsyrýǵa ruqsat alyp, attestat aldym. Ol kezde osyndaı jeńildikter bolatyn. 1952 jyly Al­matydaǵy 2 jyldyq zańgerler mek­tebin, odan Qazaq ýnıversıtetiniń zań fa­kýltetin syrttaı oqyp, bitirdim.

1952 jyldan meniń sot-quqyqtyq saladaǵy kásibı eńbegim jalǵasty. Aldymen Aqmola oblysyndaǵy advokattar alqasyna jumysqa turyp, bir jyl qorǵaýshy boldym. Mine, osy kezden bastap meniń qolymnan «Sosıalıstik Qazaqstan» túsken emes. О́ıtkeni, onda arnaıy quqyq qorǵaý aıdary bolyp, bizdiń salaǵa qatysty kóptegen maqalalar jarııa­lanyp turatyn. Ol kezdegi eń ne­gizgi aq­parat quraly da «SQ». Oǵan jańa qabyldanǵan zańdar da jarııalanyp turdy. Eger «SQ»-nyń bir nómirin oqı almaı, ótkizip alsań, kóp nárseden qur qalasyń. Sondyqtan ony mindetti túrde úıge jazdyryp alyp, oqıtyn edik. Sóıtip «SQ» meniń kásibı qyzmetimniń ushtala túsýine, biliktiligimniń artýyna úlken eńbek sińirdi dep aıta alamyn. Árıne keıin vedomstvolyq gazet, jýrnaldar da shyǵa bastady. Biraq olardyń materıaldy berýi «SQ» sııaqty jatyq emes, tili de qasań, oıy da jutań boldy. Al «SQ»-nyń sheberleri erkin kósilip, zańdylyqtar men zań buzýshylyqtar týraly oqymasyńa qoımaıtyndaı etip, sheber jazatyn edi.

Sol kezderden beri janazyq bolǵan «Egemendi» men áli kúnge qolymnan túsirmeı oqyp kelemin. О́ıtkeni qa­zir onda halyq múddesin kózdegen, el taǵdyryna arasha suraǵan ótkir maqalalar jıi jarııalanady. Keıbirine rıza bolatynym sondaı, tipti eki-úsh ret oqyp shyǵamyn. Qudaıǵa shúkir, ázirge kózim de birshama jaqsy kóredi, kózildiriksiz oqı beremin.
Júz jyldyq mereıtoı qarsańynda súıikti gazetimniń búgingi ujymyna shyǵarmashylyq tabystar tileımin. Halyqtyń muń-muqtajyn ótkir jazyp, el múddesin aldaǵy ýaqytta da tý etip júre berińder, shyraqtarym, – dep aqsaqal áńgimesin aıaqtady.

Petropavl

Banner
Sońǵy jańalyqtar

Elıtaly kezeńge joldama aldy

Sport • Búgin, 09:58

Eki qola medal enshiledi

Boks • Búgin, 09:57

«Barystyń» qarqyny qatty

Hokkeı • Búgin, 09:52

Kıprdi de jeńe almadyq...

Fýtbol • Búgin, 09:51

Galbadrah bolmasa qaıter edik?!

Sport • Búgin, 09:49

«Qara altyndy» qapysyz aǵyzǵan

Qazaqstan • Búgin, 09:44

Qyz áýlıe

Rýhanııat • Búgin, 09:34

Qaıtalanbas qymyz dámi

Qazaqstan • Búgin, 09:33

Rýhanı jańǵyrǵan aýyl

Rýhanııat • Búgin, 09:28

Ekijaqty kelisimge qol qoıyldy

Qazaqstan • Búgin, 09:26

Tálim men tájirıbe ushtasqan uıa

Qazaqstan • Búgin, 09:10

Jambyldyqtardyń jarqyn jobasy

Aımaqtar • Búgin, 08:36

Joshy ulysynyń joǵalǵan shaharlary

Rýhanııat • Búgin, 08:31

Úılestirý keńesiniń kezekti basqosýy

Qazaqstan • Búgin, 08:27

Túgel túrkini túgendegen

Álem • Búgin, 08:20

Katonqaraǵaıdy qalaı saqtap qalamyz?

Qazaqstan • Búgin, 08:12

«Dostastyq vızasyn» engizýdi usyndy

Prezıdent • Búgin, 08:03

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Uqsas jańalyqtar