Qoǵam • 18 Qyrkúıek, 2019

Baılanys bekı túsedi

12 retkórsetildi

Elimizde Iran-Qazaqstan ekonomıkalyq zertteýler ortalyǵy ashyldy. Ortalyq 2016 jyly L.N.Gýmılev atyndaǵy Eýrazııa ulttyq ýnıversıtetiniń Irandaǵy Allame Tabatabaı memlekettik ýnıversıtetimen yntymaqtastyq týraly memorandým aıasynda qolǵa alynǵan. Jańa ortalyqqa 973-1048 jyldary ómir súrgen, Aral teńiziniń jaǵasynda astronomııalyq zertteý jumystaryn júrgizip, jer mólsherine dálme-dál anyqtama jasaǵan ortaazııalyq ensıklopedıst-ǵalym Abý-Raıhan ál-Bırýnıdiń esimi berildi.

Abý-Raıhan Bırýnı aty­n­daǵy Iran-Qazaqstan eko­no­­mıkalyq zertteýler or­ta­ly­ǵy­nyń ashylý saltanatynda sóz alǵan L.N.Gýmılev atyndaǵy Eýrazııa Ult­tyq ýnıversıtetiniń Halyqaralyq baılanystar jáne ınnovasııalar jónindegi prorektory Aqbota Nııazqyzy ortalyq ashý ıdeıasy atalǵan otandyq JOO-nyń bilimdi ınternasınol­dandyrý strategııasynan tý­­yn­­­daǵanyn aıtty. «Qazaqstan-Iran qatynastarynyń tarıhyn­da tuńǵysh ret 2018 jyly 6 ma­­­­myr­da ýnıversıtetimizdiń bastamasymen jáne delega­sııa­synyń qatysýymen Iranda Iran-Qazaqstan mádenı-bi­lim berý ortalyǵy ashylǵan bo­la­tyn. Irandaǵy ortalyqta qazaq tili, tarıhy men mádenıeti bo­ıynsha kýrstar bir jarym jyldan beri oqytylyp ke­ledi. Mine, osy jobaǵa jaýap retinde bizde de ortalyq ashyldy. Bir ereksheligi, bizdiń ortalyq – Iran memleketiniń sheteldegi alǵashqy jobasy», dedi ulttyq ýnıversıtet prorektory. Onyń aıtýynsha, jańa ortalyq ekonomıka salasyndaǵy jańalyqtardy zertteýge baǵyttalǵandyqtan, munda ýnıversıtettegi eko­no­mıka kafedrasynyń pro­fessor-oqytýshylary men stýdentter jumys isteıdi.

Al ashylý rásimine qo­naq bolyp kelgen Allame Taba­­tabaı ýnıversıtetiniń pre­­­zıdenti Hýseın Salımı or­ta­lyq jumysy qos JOO-nyń ara­syndaǵy dos­tyq qarym-qatynasty odan ári jaqsarta túse­rine úmittenedi. «Iran men Qazaqstannyń eko­nomı­ka­lyq júıesi, sondaı-aq eki eldiń ulttyq jáne halyqaralyq eko­nomıkasyndaǵy almasý mo­deli ártúrli. Árıne birqatar eko­nomıkalyq uqsas tabys kóz­deri, aıtalyq, munaı salasynda eki eldiń ortaq porty bar. Dese de osy eki erekshelik pen ózgeshelik qos memlekettiń ekono­mıkasy men qalyptasqan akademııalyq júıesine paıdaly bolady degen oıdamyn», dedi H.Salımı.

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar