Sport • 18 Qyrkúıek, 2019

Qorjynda – taǵy bir qola

42 ret kórsetildi

Nur-Sultan qalasynda kúres túrleri boıynsha ótip jatqan álem chempıonatynyń grek-rım stılindegi balýan­dar beldesýi keshe aıaqtaldy. Olımpıadalyq 6 salmaq (60, 67, 77, 87, 97, 130 kılo) jáne lısenzııasyz 4 sal­maq (55, 63, 72, 82 kılo) boıynsha baq synaǵan álem myq­tylary 36 joldamany sarapqa saldy.

Iаǵnı, Reseı, Germanııa, О́zbek­stan, Iran qurama­la­rynyń árbiri úsh-úshten lı­sen­zııaǵa ıe bolsa, Qazaqstan, Kýba, Serbııa, Vengrııa, Ar­menııa, Ýkraına, Túrkııa, Grý­zııa elderiniń árqaısysyna 2 joldama, Japonııa, Mysyr, Danııa, Shvesııa, Qyrǵyzstan, Belarýs, Polsha, Estonııa respýblıkalaryna bir-birden úles buıyrdy.

Keshe keshkisin joǵarydaǵy elimizge buıyrǵan qos joldama ıesi – Meırambek Aınaqulov pen Ashat Dilmuhanbetov chempıonattyń qola júldesi úshin kilemge shyqty.

Buǵan deıin ekiniń biri qoly jete bermeıtin bıik meje – 2017 jyly Parıj qa­lasynda ótken álem chempıonaty men Nıý-Delıdegi Azııa birinshiliginen qos kúmis medalǵa qol jetkizgen Meı­rambek alǵashqy aınalym­da Qazaqstan týmasy, qazirgi tańda Brazılııa atynan óner kórsetip júrgen saqa balýan Marat Garıpovty qınalmaı jeńdi. Ekinshi aınalymda lıtvalyq Iý. Petraıkıýsty 4:2 esebimen utyp, shırek fınaldyq beldesý básekesinde horvatııalyq Lıza­tovıkti 10:0 upaıymen erkin eńserdi. Biraq fınaldyq báseke úshin reseılik sportshy, 2018 jylǵy álem jáne Eýropa chempıony Sergeı Emelınnen jeńilip qaldy. Al qola medal úshin Meırambek ýkraınalyq balýan, 2018 jyl­ǵy álem birinshiliginde qola medal ıegeri atanǵan Lenýr Temırovpen beldesýdiń sáti tústi. Sóıtip 60 kılo sal­maq dárejesinde álemdik do­daǵa túsken M.Aınaqulov qar­sylasyn 10:0 esebimen eńserip qorjynymyzǵa qola medal saldy.

Al qola júldege talasa­tyn ekinshi balýany­myz 77 kılo salmaqta kúres­ken ót­ken jylǵy Azııa birinshili­giniń jeńimpazy Ashat Dil­muhanbetov. Ol alǵashqy aı­nalymda cheh balýany Oldrıch Vargany bar-joǵy eki mı­nýttyń ishinde 9:0 esebimen utyp, ekinshi kezekte reseılik ataqty balýan eki dúrkin Olım­pıada jáne álem chempıony, tórt dúrkin Eýropa jeńimpazy Roman Vlasovpen joly túıisti. Ataqty balýanmen qaımyqpaı kúresken qazaq balasy kúres taktıkasyn durys úılestire bilýiniń arqasynda jeńiske jetti. Esep 3:0.

Ashat jartylaı fınaldyq básekede Serbııa maqtanyshy 2017 jyly Parıjde ótken álem chempıonatynyń jeńim­pazy Vıktor Nemeshpen bel­d­esti. Nátıjesinde kúres taǵ­dyry 4:3 esebimen bizdiń ji­gittiń paıdasyna sheshildi. Osylaı álemniń eki myqtysyn jarys jolynan shyǵarǵan Dilmuhanbetov fınaldyq básekede tanymal majar balýany, Olımpıadanyń kúmis júldegeri, álem birinshiliginiń eki dúrkin qola medal ıegeri, Eýropanyń úsh dúrkin chempıo­ny Tamash Lorınsten jeńilis tapty. Al júldeli oryn úshin ózbek­standyq Jalǵasbaı Berdi­muratovpen kúresip, nátıje­sinde qarsylasyna 3:1 upaıy­men ese jiberip 5-oryndy qa­naǵat tutty.

Osylaı grek-rım kúres stıli aıaqtalǵannan keıin áıel­der kúresi jalaýyn kóterip, 6 lı­senzııalyq salmaq (50, 53, 57, 62, 68, 76 kılo) jáne jol­dama berilmeıtin 4 salmaq (55, 59, 65, 72 kılo) sanattary boıynsha beldesý bastaldy. Ja­rystyń birinshi kúni jerlesterimiz V.Islamova (50 kılo), T.Ahmetova (53 kılo), M.Sed­neva (55 kılo), J.Baq­ber­genova (72 kılo) óner kór­setti.

Jarystyń aldynda áıel­der kúresinen elimizdiń bas bapkeri, Olımpıadanyń úsh dúrkin júldegeri, Azııa oıyn­darynyń jáne Azııa chempıony Gúzel Manıýrova, Tokıoǵa joldama alý ońaı bolmaıtynyn aıtqan bolatyn. «Árıne medaldan úmittimiz. Ol úshin balýandarǵa barlyq jaǵ­daı jasaldy. Eń bastysy, áıelder kúresi boıynsha ereje ózgerdi. Munyń da áseri bar. Sonymen qatar jańadan básekeles memleketter paıda bolyp jatyr. Kóp dúnıe jerebege baılanysty. Jerebe sátti tússe, medal da bolady. Dese de «úıde» kúresýdiń óz artyqshylyqtary bar» degen bolatyn Gúzál Tahırqyzy.

Sonymen joǵaryda aıt­qa­nymyzdaı, tórt salmaq­ta beldesken balýan qyz­da­rymyzdyń arasynan 50 kı­lodaǵy Marına Sedneva men 72 kılodaǵy Jámıla Baqbergenova qaryndasymyz jartylaı fınalǵa ótse de, salmaqtary olımpıadalyq emes bolǵandyqtan joldama buıyrmady. Al 50 kılo salmaqta elimiz atynan beldesken reseılik legıoner qyz Valentına Islamova birinshi bolyp lısenzııaǵa qol jetkizdi. Biraq bul qa­ryndasymyz fınaldyq beldesý úshin bolǵan kúreste rýmynııalyq E.Býchten 6:6 esebimen utyldy. Biraq áli de bolsa qola júlde úshin kúresetin múmkindigi bar. So­nymen birge 55 kıloda beldesken Marına Sedneva da joǵarydaǵy áriptesiniń jolyn qushyp, fınalǵa ótý jolynda japon qyzy N.Irıege 10:0 esebimen jol berdi. Al 72 kıloda kúresken Jámıla Baqbergenova reseılik ataq­ty balýan, London Olım­pıadasynyń chempıony Na­talıa Vorobevadan jeńilip, fınalǵa shyǵý joly kesildi.

Qazirgi jaǵdaıda, Qytaı Ázerbaıjan, Rýmynııa, Qazaq­­stan, Soltústik Koreıa, Ja­ponııa jáne Grekııa qyz­daryna 8 olımpıadalyq joldama bu­ıyryp tur. Qalǵan joldamalar búgin jáne erteń sarap­qa salynady.

Sýrette: álem chempıo­naty­nyń qola júldegeri Meırambek Aınaq­ulov

Sońǵy jańalyqtar

Qazaqstanda dollar qaıta qymbattap jatyr

Ekonomıka • Búgin, 12:23

Báıterekte órt shyqty

Aımaqtar • Búgin, 12:00

Jaýapty kezeńge jan-jaqty daıyndyq

Aımaqtar • Búgin, 11:40

Qazaqstanda epıdemııalyq jaǵdaı turaqtaldy

Koronavırýs • Búgin, 09:41

Alekseı Soı áýe qatynasyn toqtatýdy surady

Koronavırýs • Búgin, 09:25

Búgin úsh óńirde úsik júredi

Aýa raıy • Búgin, 09:20

Qazaqstanda taǵy 75 adam koronavırýs juqtyrdy

Koronavırýs • Búgin, 09:11

Adaldyq pen senim bastaýy – ashyqtyq

Saıasat • Búgin, 08:23

Investısııa tartý boıynsha keńes ótti

Ekonomıka • Búgin, 08:22

QOLDA baǵdarlamasy kómek kórsetti

Qoǵam • Búgin, 07:56

Polısııa qyzmetkerleri qan tapsyrdy

Aımaqtar • Búgin, 07:54

«Barys» muzaıdynǵa qashan oralady?

Hokkeı • Búgin, 07:46

Bekzada óner, batyr Bekzat

Sport • Búgin, 07:45

Shyńdar shaqyrady

Týrızm • Búgin, 07:42

Kemeńger jáne senim keńistigi

Abaı • Búgin, 07:36

Aqyldyń keni

Abaı • Búgin, 07:34

Túrmedegiden túńilmeıik

Qoǵam • Búgin, 07:33

Jastarǵa kerek zamanaýı bilim

Bilim • Búgin, 07:19

Termınologııa tezge túsýge tıis

Rýhanııat • Búgin, 07:07

Sańyraýqulaqty qaldyqsyz óndirýde

Tehnologııa • Búgin, 07:02

Shaǵyn aýyldardyń úlken máselesi ­

Aımaqtar • Búgin, 07:00

Syrqatpen kúreste sergek

Medısına • Búgin, 07:00

Sońǵy salto

Qoǵam • Búgin, 06:55

Internasıonalmen qoshtasatyn kez keldi

Oqıǵa • Búgin, 06:49

Kópjaqtylyqqa oralý

Álem • Búgin, 06:46

Uqsas jańalyqtar