Taǵaıyndaý • 18 Qyrkúıek, 2019

Pavlodar oblysy ákimdiginde jańa kadrlyq taǵaıyndaýlar boldy

15 ret kórsetildi

Oblys ákiminiń ókimimen óńirlik Energetıka jáne turǵyn úı-kommýnaldyq sharýashylyq basqarmasynyń basshysy bolyp Murat Ábilqalyqov taǵaıyndaldy. Sondaı-aq aımaq basshysy Densaýlyq saqtaý basqarmasy basshysynyń orynbasary men oblys ákiminiń apparat basshysynyń orynbasaryn da tanystyrdy. Bul týraly ákimdiktiń baspasóz qyzmeti habarlady. 

– «Nurly jol» ınfraqurylymdyq damý jáne «О́ńirlerdi damytý» memlekettik baǵdarlamalary sheńberindegi jobalardyń júzege asyrylýyn, energııa saqtaý jáne sıfrlandyrý salalaryndaǵy memlekettik-jeke menshik áriptestik máselelerin baqylaýǵa alý qajet. Jumys óte kóp, sondyqtan osy salalar sizdiń nazaryńyzda bolý yqajet, - dedi aımaq basshysy. 

Sonymen qatar oblys ákimi Densaýlyq saqtaý basqarmasy basshysynyń orynbasary Kúzekov Ardaq pen oblys ákimi apparat basshysynyń orynbasary bolyp taǵaıyndalǵan Muqanov Saıandy  tanystyrdy. 

Murat Ábilqalyqov 1988 jyly dúnıege kelgen. «Jylý energetıkasy» jáne «Ekonomıka» mamandyqtary boıynsha eki joǵary bilimi bar. Ol 2009-2014 jyldar aralyǵynda Indýstrııa jáne jańa tehnologııalar mınıstrliginiń Elektr energetıkasy jáne kómir ónerkásibi departamenti Elektr energetıkasyn damytý basqarmasynyń sarapshysy bolyp jumys istedi. 2014 jylǵy qańtar men 2015 jylǵy shilde aralyǵynda Pavlodar oblysy Energetıka basqarmasy energomenedjment bóliminiń basshysy laýazymyn atqardy. Jańa taǵaıyndaýǵa deıin Energetıka jáne turǵyn úı-kommýnaldyq sharýashylyq basqarmasy basshysynyń orynbasary bolyp qyzmet etti. Oǵan deıin bul vedomstvony jaqynda ǵana Ekibastuz qalasynyń ákimi bolyp taǵıyndalǵan Erjan Imanzaıypov basqarǵan edi.

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar