Aımaqtar • 18 Qyrkúıek, 2019

Almatyda Bıbigúl Tólegenovanyń H halyqaralyq vokalıster baıqaýy ótip jatyr

31 retkórsetildi

Almatyda Bıbigúl Tólegenovanyń H halyqaralyq vokalıster baıqaýy ótip jatyr. 14-24 qyrkúıek aralyǵynda ótetin baıqaý jas talanttardyń esimin anyqtap, qazaq klassıkalyq óneriniń bedelin arttyryp, Qazaqstan kompozıtorlarynyń shyǵarmalaryn nasıhattaýǵa septigin tıgizedi. Baıqaý jas urpaqtyń boıyna izgilik qasıetterin sińirip, estetıkalyq tárbıe berý maqsatyn kózdeıdi.

Jas oryndaýshylardyń halyqaralyq baıqaýy tyńdarmannyń nazaryn klassıkalyq jáne halyqtyq mýzykanyń bastaý-bulaǵyna aýdarýǵa baǵyttalǵan. Qazaq mýzykasynyń eń úzdik úlgileriniń birin oryndaý baıqaýdyń negizgi talaptarynyń biri bolyp otyr. Baıqaýǵa qatysatyn ánshiler Qazaqstannyń túkpir-túkpirinen, sondaı-aq Reseı, Qytaı, Bolgarııa, Tájikstan, Ázirbaıjan, Monǵolııa syndy alys jáne jaqyn shetelderden keldi. Qazylar alqasynyń quramynda óner áleminiń belgili qaıratkerleri Petr Sheremetev, Mıhaıl Mýntıan, Tamara Novıchenko, Damır Basyrov bar. Qazylar alqasynyń tóraǵasy – KSRO halyq ártisi, Sosıalıstik Eńbek Eri, KSRO jáne Qazaqstan Memlekettik syılyqtarynyń laýreaty, akademık Bıbigúl Tólegenova.

Irikteý týry, baıqaýdyń ashylý jáne jabylý saltanaty Abaı atyndaǵy Qazaq memlekettik akademııalyq opera jáne balet teatrynda bolady. О́ner kórsetý tártibi jerebe boıynsha anyqtalyp, baıqaýdyń sońyna deıin  saqtalady. Aqtyq márege tek 14 qatysýshy jiberiledi. Árbir qatysýshyǵa óner kórsetkennen keıin shyǵarmashylyq saraptama, kásibı mamandardyń usynymdary beriledi. О́ner merekesi áıgili álem sahnalaryn baǵyndyratyn jańa esimderdi ashýǵa múmkindik beredi. Baıqaýdy «Mıras» ulttyq qoǵamdyq qory Mádenıet jáne sport mınıstrligimen birlese uıymdastyryp otyr. Sondaı-aq alǵashqy baıqaýdan beri Almaty qalasynyń ákimdigi de qamqorlyq tanytyp keledi.

1

Abaı atyndaǵy opera jáne balet teatrynda ótken baspasóz máslıhatynda Bıbigúl Tólegenovanyń ózi  halyqaralyq án merekesiniń jańalyǵy men talaptary týraly egjeı-tegjeıli áńgimelep berdi. «Baıqaý onynshy ret ótkizilip otyrǵandyqtan, onyń mereıtoılyq mańyzy bar ekenin de eskerýimiz kerek. Bizdiń bul halyqaralyq baıqaýymyz jas talanttardy tabýda, klassıkalyq mýzykany oryndaýshylar men baǵalaýshylardy tárbıeleýde úlken ról atqaryp, osy arqyly Qazaqstannyń óner salasyndaǵy bedelin arttyrady. Baıqaýdy ótkizý bastamasy búgin ortamyzda bolmasa da, meniń qyzym, Qazaqstannyń eńbek sińirgen qaıratkeri Márııamgúl Tólegenovaǵa tıesili. Jas oryndaýshylar bizdiń baıqaýymyzdan shabyt alyp, qanattaryn jaıady. Jumysymyzdy Qazaqstannyń Tuńǵysh Prezıdenti – Elbasy N.Nazarbaevtyń qoldaýymen bastaǵanymyzdy atap ótkim keledi. Sol sebepti biz sharany joǵary dárejede ótkizýge tyrysamyz» dedi, Bıbigúl Ahmetqyzy. 

Bıbigúl Tólegenovanyń H halyqaralyq vokalıster baıqaýy qatysýshylaryn, qazylar alqasy múshelerin, qonaqtardy Mádenıet jáne sport vıse-mınıstri Nurǵısa Dáýeshov quttyqtady. Ol Mádenıet jáne sport mınıstri Aqtoty Raıymqulovanyń halyqaralyq baıqaýdyń oryndaýshylaryna joldaǵan hatyn oqyp berdi. Mınıstrdiń quttyqtaý hatynda: «Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaev aıtqandaı, qazaq ultynyń asyl qazynasy men mádenı murasyn dáripteýge bar sanaly ǵumyryn arnaǵan Bıbigúl Ahmetqyzy táýelsiz memleketimizdiń rýhanı aıasynyń keńeıýine yqpal etkeni sózsiz. О́nerimizdiń klassıkalyq áleýetin damytyp, ony nasıhattaý, jas ánshilerdiń shyǵarmashylyǵyn shyńdaý maqsatynda ótkizilip otyrǵan baıqaý Talǵat Musabaev, Natalıa Music, Azamat Jyltyrkózov, Súndet Baıǵojın sııaqty Qazaqstannyń daryndy jastarynyń ónerin ushtady. Bul kúnde olar búkil álemniń sahnalarynda Qazaqstannyń vokaldyq ónerin halyqaralyq deńgeıde nasıhattap júr» dep, jas oryndaýshylar óneriniń óristeı berýine tilektestik bildirgen.

 

ALMATY

 

Banner
Sońǵy jańalyqtar

Taǵylymdy tulǵa

Rýhanııat • Búgin, 09:36

Ǵylym qanatyndaǵy ǵumyr

Rýhanııat • Búgin, 09:34

Moıynqumǵa ushaq qatynaıdy

Aımaqtar • Búgin, 09:29

«Para berme» chellendji bastaý aldy

Aımaqtar • Búgin, 09:27

Kásipodaq úzdikteri marapattaldy

Aımaqtar • Búgin, 09:26

Bı-aǵa salǵan án eken...

Rýhanııat • Búgin, 09:17

Qaıta oralǵan «Don Karlos»

Rýhanııat • Búgin, 09:15

Jeti óner qonǵan jampozym

Rýhanııat • Búgin, 09:12

Taǵdyry tańdalǵan patshaıym

Rýhanııat • Búgin, 09:09

Naǵyz qazaq

Rýhanııat • Búgin, 09:05

«Brakoner» biraz basbuzardy quryqtady

Aımaqtar • Búgin, 09:00

Reseıden de úırenýge bolady

Saıasat • Búgin, 08:52

Zań jobasyn talqylady

Qoǵam • Búgin, 08:46

IýNESKO-nyń syılyǵyn jeńip aldy

Qazaqstan • Búgin, 08:45

«Eńbek» eleýsiz qaldy

Qoǵam • Búgin, 08:43

Robot-tehnıka úıirmeleri qajet pe?

Qazaqstan • Búgin, 08:26

Qurylysshylar nege ereýilge shyqty?

Qazaqstan • Búgin, 08:24

«Januıa» ortalyǵy jumysyn bastady

Qoǵam • Búgin, 08:22

Kedergisiz ómir syılaıdy

Qoǵam • Búgin, 08:22

Reformalar oza shabýdy kótermeıdi

Qoǵam • Búgin, 08:19

Azamattyq jaýapkershilik qajet

Qoǵam • Búgin, 08:16

Ashyq qoǵam aıshyqtary

Búgin, 08:14

Tazalyqtan aldyna jan salmaıtyn jurt

Qoǵam • Búgin, 08:08

Jaldamaly jumysshylar jalaqysy artty

Ekonomıka • Búgin, 08:05

Sheteldik taýarlar qymbattady

Ekonomıka • Búgin, 08:03

Ekonomıkalyq ósimniń kóleńke tusy

Ekonomıka • Búgin, 08:00

Baspana baǵasy nege kóterildi?

Qoǵam • Búgin, 07:58

Yntymaqtastyqtyń jańa kezeńi

Qazaqstan • Búgin, 07:52

Eń qysqa áńgime. Qanat Ábilqaıyr

Eń qysqa áńgime • Keshe

Eń qysqa áńgime. Arman Álmenbet

Eń qysqa áńgime • Keshe

Uqsas jańalyqtar