Saıasat • 18 Qyrkúıek, 2019

Darıǵa Nazarbaeva: Álemdik konfessııalar basshylarynyń elordada kezdesýi dástúrge aınaldy

110 retkórsetildi

Elordada Álemdik jáne dástúrli dinder lıderleri sezi XVIII hatshylyǵynyń otyrysy ótip jatyr. Otyrysqa QR Parlamenti Senatynyń tóraǵasy – Álemdik jáne dástúrli dinder lıderleri sezi hatshylyǵynyń basshysy Darıǵa Nazarbaeva tóraǵalyq etýde, dep habarlaıdy QazAqparat tilshisi.

«Osy kúnderi Álemdik jáne dástúrli dinder lıderleriniń birinshi sezi ótken kezden beri 16 jyl ótip otyr. Sol sátte qonaqjaı qazaq jeri alǵash ret beıbitshil, dostyq peıildi jáne jemisti konfessııaaralyq dıalogty júrgizý úshin ashyq alańǵa aınalǵan bolatyn. QR Tuńǵysh Prezıdenti – Elbasy Nursultan Nazarbaev álemdik jáne dástúrli dinder lıderleriniń sezin ótkizý ıdeıasynyń avtory boldy. О́tken jyldary Qazaqstannyń orasan zor ıadrolyq qarý arsenalynan bas tartýyna bastamashy bolǵan, búkil álem moıyndaǵan bitimger, Táýelsizdik jyldary ishinde óńirlik qaýipsizdik pen turaqtylyqtyń tiregine aınalǵan eldiń basshysy Nursultan Nazarbaevtyń bastamasyn eń iri álemdik dinder men konfessııalardyń basshylary qoldady», dedi otyrysty ashqan Senat spıkeri.

Sonymen qatar, ol Elbasynyń konfessııaaralyq dıalog ótkizý týraly ıdeıasyn sol sátte barsha álem qyzý qoldaǵanyn eske saldy.

«Sodan beri Qazaqstannyń Tuńǵysh Prezıdentiniń strategııalyq salmaqty ári kórgen bastamasy óziniń ózektiligin joǵaltqan emes. Jańa myńjyldyq basynda eń joǵary deńgeıde konfessııaaralyq ashyq dıalog ótkizý naǵyz revolıýsııalyq is edi. Al búgingi kúni iri álemdik konfessııalar basshylarynyń Eýrazııa kindiginde kezdesýi izgi dástúrge aınaldy», - dedi Darıǵa Nazarbaeva.

Aıta keteıik, búgingi otyrysta Álemdik jáne dástúrli dinder lıderleriniń VI Sez qorytyndylary men Hatshylyq qyzmetiniń keleshegi týraly pikir almasylady. Sodan keıin 2021 jylǵy Álemdik jáne dástúrli dinder lıderleriniń VII Sezin ótkizý boıynsha usynystar talqylanady.



Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar