Qazaqstan • 18 Qyrkúıek, 2019

Nur-Sultanda Álemdik jáne dástúrli dinder lıderleriniń VII Seziniń kún tártibi talqylandy

34 ret kórsetildi

Nur-Sultanda Álemdik jáne dástúrli dinder lıderleriniń VII Sezine daıyndyq aıasynda dinı forým Hatshylyǵynyń otyrysy boldy. Sharaǵa Qazaqstan Parlamenti Senatynyń Tóraǵasy, Sezd Hatshylyǵynyń basshysy Darıǵa Nazarbaeva tóraǵalyq etti. Bul týraly Parlament Senatynyń baspasóz qyzmeti habarlady.

Senat basshysy Hatshylyq otyrysyna qatysýshylarǵa arnaǵan sózinde Álemdik jáne dástúrli dinder lıderleri Sezin ótkizý týraly ıdeıanyń avtory Qazaqstannyń Tuńǵysh Prezıdenti, Ult kóshbasshysy Nursultan Nazarbaev ekenin atap ótti.

«Búkil álem moıyndaǵan bitimger, ótken jyldary Qazaqstannyń orasan zor ıadrolyq qarý arsenalynan bas tartýyna bastamashy bolǵan, táýelsizdik jyldary ishinde óńirlik qaýipsizdik pen turaqtylyqtyń tiregine aınalǵan eldiń basshysy Nursultan Nazarbaevtyń bastamasyn barlyq eń iri álemdik dinder men  konfessııalardyń basshylary qoldady», - dedi Sezd Hatshylyǵynyń Basshysy.

Dinaralyq sammıt álemge barlyq dinderdiń shynaıy maqsat-muratyn, ar-ojdan jáne etıkalyq qaǵıdalardyń ortaqtyǵyn, olardyń bitimgershilik jáne gýmanıtarlyq zor áleýetin kórsetedi.

Álemdik jáne dástúrli dinder lıderleriniń I sezi dinı qaıshylyqtardy jamylyp iske asyrylǵan birqatar josyqsyz lańkestik áreketterden keıin adamzat búkil álemdi tolyq derlik jaılap alǵan konfessııaaralyq senimniń daǵdarysyn bastan keshken kezeńde ótti. «О́kinishke oraı, ekstremızm, terrorızm máseleleri jáne zorlyq-zombylyqtyń ózge de túrleri áli kúnge deıin kún tártibinen túsken joq. Osy jyldar ishinde ǵıbadathanalary men dindarlaryna jalǵan tabynýshylar men ekstremıster qastandyq jasamaǵan konfessııa joq», - dedi Senat basshysy.

Sezd Hatshylyǵynyń Basshysy Qazaqstannyń kórsetip otyrǵan úlgisi men álemdik dinı jáne saıası lıderlerdiń Sezd deklarasııasynyń baǵytyn jer-jerde ustanýy qaqtyǵystar oryn alǵan aımaqtarda shıelenisti álsiretýge, órkenıetterdi jaqyndastyrýǵa jáne jer júzinde beıbitshilik pen turaqtylyqty nyǵaıtýǵa aıtarlyqtaı yqpal etetinine senim bildirdi.

«Búgin osy Beıbitshilik jáne kelisim saraıynyń qonaqjaı zalynda bizdiń, Sezd Hatshylyǵyna qatysýshylardyń aldynda Sizder ókildik etken árbir konfessııa jınaqtaǵan osy kópǵasyrlyq tájirıbeni bitimgershilik maqsattarǵa paıdalaný mindeti tur. Bul Saraı tózimdilik pen ashyqtyqtyń sımvoly retinde kópjaqty ashyq dıalog, kezdesýler júrgizýge arnaıy jobalanyp salynǵan», - dep atap ótti Senat basshysy.

Otyrysqa qatysýshylar Álemdik jáne dástúrli dinder lıderleriniń 2021 jylǵa josparlanǵan jetinshi Seziniń kún tártibin talqylady, sondaı-aq, sezaralyq kezeńdegi jumys josparyn ázirledi.

Sońǵy jańalyqtar

Almaty oblysynda sehta jarylys boldy

Qoǵam • Búgin, 15:50

ShQO-da blokbeketter qaıta qoıylady

Aımaqtar • Búgin, 14:15

Almatydaǵy JEO-2 gazǵa qalaı aýysady?

Aımaqtar • Búgin, 12:10

Qazaqstanda dollar qymbattady

Ekonomıka • Búgin, 11:37

Uqsas jańalyqtar