106-shy kóktem
Senbi, 23 naýryz 2013 1:20
Shalqar qalasynyń turǵyny Sulýpan Abajan bıyl 106-shy kóktemin qarsy alyp otyr. Bir ǵasyrdy artqa tastaǵan kisiniń búginde sózi túzý bolǵanmen, sońǵy kezderi syrtqa kirip-shyǵýy qıyndapty.
Qos ǵasyrdyń kýási – Sulýpan ájeniń ótken jolynyń ózi bir tarıh. Ol 1907 jyly aýdanǵa qarasty №13 aýyldyń Qarajıde degen jerinde dúnıege kelipti. Balalyq shaǵy eldiń basyna túsken aýyr kezeńdermen qatar kelip, buǵanasy bekimeı jatyp qaınaǵan qara jumysqa jegiledi.
Senbi, 23 naýryz 2013 1:20
Shalqar qalasynyń turǵyny Sulýpan Abajan bıyl 106-shy kóktemin qarsy alyp otyr. Bir ǵasyrdy artqa tastaǵan kisiniń búginde sózi túzý bolǵanmen, sońǵy kezderi syrtqa kirip-shyǵýy qıyndapty.
Qos ǵasyrdyń kýási – Sulýpan ájeniń ótken jolynyń ózi bir tarıh. Ol 1907 jyly aýdanǵa qarasty №13 aýyldyń Qarajıde degen jerinde dúnıege kelipti. Balalyq shaǵy eldiń basyna túsken aýyr kezeńdermen qatar kelip, buǵanasy bekimeı jatyp qaınaǵan qara jumysqa jegiledi. Sol zamandaǵy aqtardyń dúrbeleńin, Qazan tóńkerisin, kolhozdastyrý kezeńin, qazaqtyń jappaı asharshylyqqa ushyraýyn, 1937 jylǵy repressııany, 1941-45 jyldar aralyǵyndaǵy Uly Otan soǵysyndaǵy eńse ezer aýyrtpalyqtardyń barlyǵyn ájemiz bastan ótkergen.
– Men úshin ótkendi eske túsirý qıyn, ol kúnder qurdymǵa ketsin dep tileıik. Biz kindikten tórteý edik. Aǵam Nuǵyman soǵystan keri oralmady. Menen keıin Tóleý degen inim bolǵan, sosyn Tókesh degen sińlim bar. Ol qazir tiri, osy Shalqarda turady. Shalym Serjan 1983 jyly 78 jasynda o dúnıelik boldy. Qosaǵym ekeýmiz ómirge Tóleý, Raıa, Nurııa, Samat, Marat esimdi bes bala ákelip, búginde solardan 26 nemere, 24 shóbere súıip otyrmyn. Osyndaı ǵumyr berip, nemere, shóberelerimniń ortasynda otyrǵanymdy Allanyń maǵan bergen baǵa jetpes syıy dep bilemin. Táńirge myń táýbe, – dep shúkirshilik etedi keıýana.
О́ziniń qolyn jyly sýǵa malyp otyrǵan balasy men kelini Marat pen Sánimgúlge rızashylyǵy da kóldeı ájeniń. Sánimgúl apaıdyń da kelin bolyp osy shańyraqtyń tabaldyryǵynan attaǵanyna 25 jyl. Onyń ǵasyr jasaǵan enesin baǵyp, aq batasyn alyp júrgenin maqtan tutatynyn ańǵardyq. Áje óziniń nemere-shóberelerine aqylyn aıtyp, tárbıesine mán berýden esh jalyqqan emes. Úıindegi 8 jasar nemeresiniń esimin kezinde Aqylbek dep ájeniń ózi qoıypty. Búginde sol Aqylbegi ájelep kelip, moınyna asylǵanda onyń boıyn erekshe sezim bıleıdi.
Áje qoshtasar sátte bizge: «Ulystyń uly kúni bar jaqsylyǵyn ala kelsin. Elimizde árdaıym tynyshtyq bolsyn. Dastarqanymyz mol bolyp, ár shańyraqta bereke, birlik máńgi bola bersin. Bárińizge mendeı ǵumyrly jas bersin. Táýelsiz elimizdiń bolashaǵy baıandy bolsyn. Alla osy aıtqanymdy qabyl etsin! Áýmın!» – dep batasyn berdi.
Laıym, Táńir kez kelgenniń peshenesine buıyrta bermeıtin ǵumyr syılaǵan ájemizdiń bergen Ulystyń uly kúni qarsańynda aq batasy qabyl bolǵaı dep tileıik.
Muhtar MYRZALIN,
Aqtóbe oblysy,
Shalqar aýdany.
Sýrette: Sulýpan áje.
