Aımaqtar • 18 Qyrkúıek, 2019

Shetpeni shańǵa kómgen karerlerdiń tas ýatý qondyrǵylary aýyldan 10 shaqyrym qashyqtyqqa kóshiriledi

38 ret kórsetildi

- Shetpe aýyly mańynda ornalasqan karerlerdiń qorshaǵan ortany lastaýy, shańytýy máselesi turǵyndar tarapynan birneshe jyldardan beri kóterilip keledi. Máseleni qoǵamdyq keńestiń qaraýyna saldyq. Jaqynda oblys ákiminiń orynbasary B.Kashaqovtyń tóraǵalyǵymen Shetpe aýylynda osy karerlerdiń shań shyǵarý máselesi jóninde úlken keńeıtilgen jıyn ótti. Oǵan osy máselege qatysty oblystyq basqarma, departament basshylary qatysty. Jıyn qorytyndysymen arnaıy is-sharalar jospary jasaqtaldy, dedi О́ńirlik kommýnıkasııalar qyzmeti alańynda ótken brıfıngte Mańǵystaý aýdanynyń ákimi T.Jetkizgenuly.

Jalpy karerlerge jer telimi oblystyq jer qatynastary basqarmasy arqyly beriledi. Karerler kelisim shartqa sol oblystyq jer qatynastary basqarmasymen otyrǵan. Biz óz kezegimizde osy máselelerdi tolyqtaı sheshý jóninde olarǵa hat joldadyq, usynystarymyzdy berdik. Jer qatynastary basqarmasy, ekologııa departamenti tarapynan karerlerdiń jumysyna, qorshaǵan ortany lastaý, shań shyǵarý faktilerine baılanysty birneshe ret tekserýler de uıymdastyryldy. Qazirgi tańda osy Shetpe mańynda jumys jasap turǵan karerlerdiń tas ýatý qondyrǵylaryn aýyldan 10 shaqyrym qashyqtyqqa, burynǵy Qyzylturan tas kareriniń qarsy betine kóshirý jumystary uıymdastyrylýda. Karer ıeleri tas ýatý qondyrǵylaryn kóshirgen jaǵdaıda Shetpeniń shańy 70 paıyzǵa azaıady. Bul máselemen tikeleı oblystyq jer qatynastary basqarmasy men ekologııa departamenti aınalysyp jatyr. Másele bizdiń qatań baqylaýymyzda, dedi Mańǵystaý aýdanynyń ákimi.

Sońǵy jańalyqtar

Rýbl baǵamy quldyrady

Ekonomıka • Keshe

Uqsas jańalyqtar