Jıynǵa Assambleıa músheleri, olımpıadalyq sport túrleri boıynsha ulttyq sporttyq federasııalardyń prezıdentteri qatysyp jatyr.
Kún tártibindegi basty másele - Qazaqstan Ulttyq Olımpıadalyq komıtetiniń prezıdentin saılaý.
Otyrysty Qazaqstan Respýblıkasynyń premer-mınıstri Asqar Mamın bastady.
«Men basty nazardy óskeleń urpaqqa aýdarý kerektigin aıtqym keledi. Olardyń arasynda talantty sportshylar óte kóp. Bizdiń maqsatymyz – olardy taýyp, oqytyp, álemdik jarystarda júlde alatyn dárejege jetkizý. Árbir federasııa úshin bul basty mindet sanalady. Sonymen qatar, biz qazaqstandyq sportshylardyń Tokıo Olımpıadasynda sátti óner kórsetýine kúsh salýymyz qajet.
Oǵan bizdiń áleýetimiz jetedi. Qurmetti, jıynǵa qatysýshylar. Qazaqstan Úkimeti men UOK-tiń birlesken jumysy arqasynda elimizde iri jarystar ótkizildi. Bul bizdiń elde álemdik týrnırlerdi abyroımen atqaratynymyzdyń dáleli. Kelesi jyly elimizdegi sportty damytýǵa respýblıkalyq bıýdjetten 54 mıllıard teńge bólindi.
Elimizdegi sporttyq ınfraqurylymdy damytamyz. Sóz sońynda UOK basshysyn saılaý óte mańyzdy oqıǵa ekenin aıtqym keledi. О́ıtkeni, elimizdegi sporttyń ári qaraıǵy damýy týraly sóz bolyp otyr. Bizdiń durys tańdaý jasaıtynymyzǵa senemin», - dedi Asqar Mamın.
