Aımaqtar • 18 Qyrkúıek, 2019

Pedagogıkalyq ýnıversıtet bir jylǵy jumysyna esep berdi

76 retkórsetildi

Abaı atyndaǵy ýnıversıtetke túsetin stýdentterdiń sany jyl saıyn artyp keledi. Bıyl  4381 stýdent oqýǵa qabyldansa, bul kórsetkish 2018 jylmen salystyrǵanda 20 paıyzǵa artqan. Bakalavr boıynsha oqýǵa qabyldanǵandar sany 3745-ti qurasa, kórsetkish 2018 jyly 2715 adamdy quraǵan.

Jurtshylyq aldynda esep bergen ýnıversıtet rektory Tahır Balyqbaev osyndaı málimetterdi alǵa tartyp, bir jyl ishinde pedagogıkalyq orny qandaı jetistikterge jetti, bilim sapasy qandaı dárejede kórinis berdi degen saýaldarǵa naqty kórsetkishtermen jaýap berdi.

Kezdesý barysynda M.Áýezov atyndaǵy Ádebıet jáne óner atyndaǵy ınstıtýttyń dırektory Kenjehan Matyjanov, Áskerı ǵylymdar doktory, qoǵam qaıratkeri, professor  Kım Serikbaı, Pedagogıkalyq ǵylymdar akademııasynyń prezıdenti Asqarbek Qusaıynov,  Matematıka jáne fızıka mektebiniń dırektory  Almaz Kúnǵojın, t.b. ǵalymdar men oqytýshylar qatysty. 

«Búginde Abaı atyndaǵy Qazaq ulttyq pedagogıkalyq ýnıversıteti Qazaqstandaǵy  pedagogıkalyq joǵary oqý oryndarynyń kóshbasshysy bolyp otyr. Oǵan myna tómendegi jetistikterimiz dálel. Ýnıversıtet bilim berýdegi sapany qamtamasyz etý jónindegi táýelsiz agenttiktiń (NAOKO) «Bilim» baǵyty boıynsha ınstıtýsıonaldyq reıtıngisinde 1 oryn aldy. Qazaqstan joǵary oqý oryndary QR – 2019 Táýelsiz ulttyq reıtıngisinde (NAAR) 5-orynǵa shyqty. 31- bilim berý baǵdarlamalary táýelsiz ulttyq reıtıngisinde TOP -3 qataryna endi.

Halyqaralyq reıtıngiler boıynsha: QS World University Ranking-2020 reıtıngisinde 561-oryn, qazaqstandyq joǵary oqý oryndary arasynda 4-oryn aldy, al «QS EECA-2020» reıtıngisinde 103 orynǵa jaıǵastyq.Webometrics Ranking of World Universities (qańtar 2019) reıtıngisinde Qazaqstandyq joǵary oqý oryndary arasynda 4-oryn (2018 jyly – 15 oryn), al pedagogıkalyq joǵary oqý oryndary arasynan – 1 oryndy aldyq. Web of Scicnce reıtıngisi boıynsha Qazaqstan Respýblıkasy pedagogıkalyq joǵary oqý oryndary  arasynda 1-orynǵa shyqtyq» dep atap ótti Tahır Balyqbaev.

2019 jyly 1 kýrsqa qabyldanǵandar ishinde 316 «Altyn belgi» ıegerleri bar, onyń 185 –i pedagogıkalyq mamandyqtar boıynsha (59%), 182 úzdik attestat ıegerleri, onyń 111-i pedagogıkalyq mamandyqtar (61%), 47 úzdik dıplom ıegerleri, onyń ishinde 33 pedagogıkalyq mamandyq boıynsha (70%).

Bilim sapasyna keler bolsaq, VOÝD-2019-dyń ortasha  baly 86 boldy, al respýblıka boıynsha ortasha kórsetkish 84 ball bolǵan edi. 12 stýdent QR Prezıdentiniń stependııasyn aldy. 203 bilim alýshy oqýdy úzdik dıplommen bitirgen. 2018/2019 oqý jylynda úlgerim bakalavrıatta 78 paıyz, magıstratýrada 85 paıyz boldy.  2019 jyly 1800 túlek bitirdi, bul 2018 jyly 1934 bolatyn. Bitirýshilerdiń 97 paıyzy jumysqa ornalastyryldy. 2018 jyly bul kórsetkish 95  paıyzdy quraǵan. Jumys berýshiler tarapynan bos oryn jármeńkesinde 120 túlek jumysqa ornalastyryldy. (2018 j -72).

Búginde ýnıversıtettiń qurylymynda 7 profıldi ınstıtýt, bir sheteldik azamattarǵa jáne joǵary oqý ornyna deıingi bilim berý fakýlteti, 30 kafedra, áskerı kafedra, «IýNESKO» kafedrasy jumys isteıdi. Innovasııalyq park 8 ǵylymı ortalyqty biriktirip otyr. О́tken oqý jylynda jańadan «Qazaqstan Halqy Assambleıasy» kafedrasy, pedagogıkalyq  STEM-park, medıasııa ortalyǵy, «Smart students» kovorkıng ortalyǵy, Soll-ortalyǵy ashyldy. Ýnıversıtettiń baıqaý keńesinde 13 maman bar, onyń 3-i táýelsiz baıqaýshylar. Keńestiń tóraǵasy Tuńǵysh Prezıdent – Elbasy Keńsesiniń basshysy – Mahmut Qasymbekov.

Baıqaý keńesinde ýnıversıtettiń 2025 jylǵa deıingi kezeńge arnalǵan damý strategııasyn bekitý jáne onyń oryndalý barysyna qatysty ózekti máseleler qaralǵan bolatyn.

Abaı atyndaǵy QazUPÝ-dyń «Mansap» jedel qosymshasy jumys isteıdi. Kadr máselesine toqtalatyn bolsaq, ýnıversıtette 915 professor-oqytýshylar jumys isteıtin bolsa, onyń 819-y shtattyq (89%) professor-oqytýshylar, ǵylymı dárejesi bar professor-oqytýshylar quramynyń orta jasy – 51, professor-oqytýshylar quramynyń reıtıngisinde joǵary kórsetkishke jetken 71 oqytýshy ústeme aqy alyp otyr. Ýnıversıtet professor-oqytýshylar quramynyń ishinde 13 QR Ulttyq ǵylym akademııasynyń akademıkteri men korrespondent- músheleri, 24 ártúrli qoǵamdyq akademııalardyń músheleri, 17 shyǵarmashylyq odaqtarynyń músheleri, 8 eńbek sińirgen jattyqtyrýshy, 14 sport sheberleri, 137 aǵylshyn tildi oqytýshylar eńbek etedi.

2018 jyly QR Joǵary oqý oryndary professor-oqytýshylar quramynyń Bas reıtıngisinde (TOP-50) «Hımııa» kafedrasynyń professory, hımııa ǵylymdarynyń doktory, QR UǴA akademıgi  Bekturov Esen Ábikenuly 8 oryn, «Fızıka» kafedrasynyń meńgerýshisi, fızıka-matematıka ǵylymdarynyń doktory, professor, QR UǴA korrespondent-múshesi Kosov Vladımır Nıkolaevıch 24 oryn aldy. 2018 jyly Qazaqstan ǵalymdary arasynda «Scopus» ındeksi boıynsha zań ǵylymdarynyń doktory, professor Hamzına Janna Amangeldiqyzy jáne «Quqyqtaný» kafedrasynyń meńgerýshisi, zań ǵylymdarynyń doktory, professor Bóribaev Ermek Ábiltaıuly áleýmettik ǵylymdar salasyndaǵy úzdik zertteýshiler atandy.

ALMATY

Sońǵy jańalyqtar

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Týrızm – tabys kózi

Parlament • Búgin, 06:53

Qıyrdaǵy qaıyrymdy qazaq

Qoǵam • Búgin, 06:45

Mýzykalyq mádenıet – mektepten

Rýhanııat • Búgin, 06:36

Turǵyndardyń talap-tilegi taldanady

Aımaqtar • Búgin, 06:30

Azııanyń úzdigi atandy

Aýyr atletıka • Búgin, 06:30

Kúnine bir jaqsylyq jasa!

Rýhanııat • Búgin, 06:27

Shákirtteri birinshi oryndy bergen emes

Aımaqtar • Búgin, 06:25

Mýzeı qory tolyqty

Rýhanııat • Búgin, 06:23

О́tinishter partııa nazarynda

Aımaqtar • Búgin, 06:20

Jańa jolda júz aqaý

Qoǵam • Búgin, 06:17

Qurylysty aıaqtaýǵa kepildik bar

Qoǵam • Búgin, 06:17

«Klassıkter» úshinshi oryn aldy

Sport • Búgin, 06:15

Almaty, 1921 jyl, 8 maýsym

Rýhanııat • Búgin, 06:12

Jańa energııa blogy iske qosylady

Ekonomıka • Búgin, 06:00

Qaıran, Qumsaı!..

Rýhanııat • Búgin, 05:31

Soltústik shuǵylasy

Rýhanııat • Búgin, 05:25

Qashqan sarbaz ustaldy

Qazaqstan • Búgin, 05:05

Baqylaý barynsha kúsheıtildi

Saıasat • Búgin, 05:05

Japon ıeni: keshe jáne búgin

Ekonomıka • Búgin, 05:05

Negizsiz tekserý – kásipke kedergi

Aımaqtar • Búgin, 05:05

Joldama úshin judyryqtasady

Kásipqoı boks • Búgin, 05:00

Uqsas jańalyqtar